Праваабарончы цэнтр «ВЯСНА»

Навіны за Травень 2012

10.05.2012 Узламалі старонку «Вконтакте» актывісткі РПСС

9 мая ўзламалі старонку «Вконтакте» актывісткі РПСС Анастасіі Шулейка. Меркавана спецслужбы чытаюць асабістую перапіску, паколькі яе акаунт цяпер у статусе оnline, паведамляе прэс-служба кампаніі «Рэвалюцыя праз сацыяльныя сеткі».

10.05.2012 Статкевіча – старэйшага павіншавалі з Днём Перамогі

"Віктар Паўлавіч сапраўдны ветэран, якога мы ўсе вельмі паважаем за мужнасць. У гады вайны ён дапамагаў партызанам знішчаць нямецкія камунікацыі. Ад смерці яго ўратаваў родны бацька, закрыўшы сваім целам ад нямецкай кулі".

10.05.2012 11-га траўня: "Парыж за Алеся Бяляцкага!"

У пятніцу, на фасадзе будынка мэрыі 11-й акругі Парыжа, у рамках акцыі "Парыж за Алеся Бяляцкага!" будзе ўрачыста вывешаны гіганцкі партрэт віцэ-прэзідэнта FIDH і кіраўніка ПЦ "Вясна" з заклікам да яго неадкладнага вызвалення. Аб маючым адбыцца мерапрыемстве паведамляюць парыжская прэса і сайт гарадской мэрыі.

09.05.2012 Салігорск: Маладафронтаўцы плануюць велапрабег

Салігорскія маладафронтаўцы збіраюцца правесці велапрабег, прымеркаваны да рэферэндума 14 мая 1995 году, па выніках якога гістарычная нацыянальная беларуская сімволіка - бел-чырвона-белы сцяг і герб “Пагоня” - страцілі статус дзяржаўнай.

09.05.2012 Віцебская міліцыя шукае, хто вывесіў бел-чырвона-белы сцяг

У Кастрычніцкі РАУС выклікалі маці актывісткі “Еўрапейскай Беларусі” Алены Семенчуковай. Супрацоўнік міліцыі па прозвішчы Захаранкаў па тэлефоне сказаў, што хоча ўзяць тлумачэнні ў дзяўчыны і ейнага непаўнагадовага брата Сяргея.

08.05.2012 Жонкі палітвязьняў: «На амністыю да 3 ліпеня не спадзяемся»

Аляксандар Лукашэнка загадаў да 3 ліпеня прыняць закон аб амністыі. Ці спадзяюцца сваякі палітвязьняў хутка ўбачыць сваіх родных дома?

08.05.2012 На Форуме Свабоды ў Осла абмяркуюць справу Бяляцкага

7-9 траўня ў Осла адбываецца традыцыйны Форум Свабоды. Грамадзкія актывісты, палітычныя лідэры, праваабаронцы і журналісты з усяго сьвету абмяркуюць сытуацыю з правамі чалавека ў аўтарытарных і таталітарных дзяржавах.

08.05.2012 Сімбірову далі 15 сутак арышту, Бартосіка адпусцілі

Ігара Сімбірова пакаралі арыштам у 15 сутак. Сведкамі на працэсе выступалі міліцыянты Леонаў, Бурак, Казлоў і Лапцэвіч. У сваіх паказаннях яны супярэчылі адзін адному і рапартам аб затрыманні. Ігар Сімбіроў мае намер абскарджваць прысуд. Змітра Бартосіка выпусцілі з пастарунку.

08.05.2012 Магілёўскі суддзя Конеў: «Судзіць па Канстытуцыі можна ў ЗША, а не ў Беларусі»

"Словы суддзі аб тым, што суддзіць па Канстытуцыі можна толькі ў ЗША, а не ў Беларусі, сведчаць, што суддзя не разуме тэксту сваёй прысягі, бо калі ён даваў клятву, уступаючы на пасаду суддзі, то кляўся падпарадкоўвацца толькі Канстытуцыі і быць справядлівым і неперадузятым у сваіх дзеяннях".

08.05.2012 Абвяшчаецца конкурс на ўдзел у летніх Школах па правах чалавека для моладзі - 2012

Беларуская праваабарончая школа, арганізаваная міжнароднай супольнасцю праваабарончых арганізацый, абвяшчае конкурс на ўдзел у Летніх школах па правах чалавека на 2012 год.

08.05.2012 Закінутая памяць (фота)

Улады краіны падчас парадаў і пераможных гадавінаў распавядаюць пра небывалы клопат пра ветэранаў і вайсковыя пахаванні ў Беларусі, а вайсковы мемарыял у Чэрыкаўскім раёне прыходзіць у запусценне.

08.05.2012 Штраф і абвінавачанне ў хуліганстве - за прагляд сайта "Хартыі-97"

Кіраўніка інтэрнэт праекта "Электронны Віцебск" Дзяніса Кудрына затрымалі у памяшканні пункта калектыўнага карыстання інтэрнэтам на мінскім чыгуначным вакзале. Хлопец распавёў, як усё здарылася: "Жанчына, якая прымала ў мяне аплату за карыстанне інтэрнэтам і запісвала мае пашпартныя дадзеныя, проста падышла да мяне і сказала: "Зачыніце, калі ласка, сайт".

08.05.2012 Зміцер Дашкевіч стаў першым лаўрэатам моладзевай Прэміі Свабоды

Лідэр міжнароднай моладзевай арганізацыі "Малады фронт" (Чэхія) Зміцер Дашкевіч стаў першым лаўрэатам Прэміі Свабоды, заснаванай моладзевай арганізацыяй Еўрапейскай народнай партыі (YEPP) у 2012 годзе. Пра гэта БелаПАН паведаміла намеснік старшыні арганізацыі Анастасія Палажанка.

08.05.2012 У Мінску затрымалі людзей з Канстытуцыяй

8 мая прадстаўнікі Грамадзянскай ініцыятывы супраць беззаконня ў судах і пракуратуры з усіх рэгіёнаў краіны былі затрыманыя каля сталічнай плошчы Незалежнасці.