Праваабарончы цэнтр «ВЯСНА»

Навіны за Травень 2012

11.05.2012 Ігара Трухановіча аштрафавалі на 1 мільён рублёў

У судзе Цэнтральнага раёна Менска завяршыўся разгляд адміністратыўнай справы Ігара Трухановіча,затрыманага на канцэрце ў ДК МТЗ 24 сакавіка. Рашэнне суду - штраф у памеры 10 базавых велічынь (1 мільён рублёў).

11.05.2012 У акцыі "Парыж за Алеся Бяляцкага!" прымуць удзел паслы па правах чалавека з краінаў ЕС

11 траўня ў Парыж на мітынг за вызваленне Алеся Бяляцкага прыбудуць паслы па правах чалавека з Швецыі, Аўстрыі, Венгрыі, Францыі. Пра гэта паведамляе міжнародны сакратарыят Міжнароднай Федэрацыі за правы чалавека (FIDH), віцэ-прэзідэнтам якой з'яўляецца Алесь Бяляцкі. Урачыстае мерапрыемства пачнецца ў 18:30 па менскім часе.

11.05.2012 Толькі Аляксандру Лукашэнка і яго набліжаным дазваляецца парушаць тэхніку бяспекі

Дырэктар Дэпартамента Садоўнічы ў сваім адказе паведамляе, што забеспячэннем бяспекі прэзідэнта і членаў ягонай сям’і мусіць займацца Служба бяспекі прэзідэнта. Праваабаронца Барыс Бухель адзначае, што ў гэтым выпадку Служба бяспекі мусіла б адстрэльваць на ляту цэглу, якая патэнцыйна магла бы патрапіць на галаву высокапастаўленай асобе, а не спадзявацца на трываласць каскі, якой не было на галаве ў Лукашэнкі.

11.05.2012 КДБ тэрмінова наймае “троляў”?

На расейскім сайце фрылансераў размешчана некалькі абвестак, дзе прапаноўваюць за 10 даляраў размясціць запісы супраць апазіцыі на беларускіх апазіцыйных форумах.

11.05.2012 Мінюст зацвердзіў новыя правілы для адвакатаў

Як паведамляе афіцыйны сайт Міністэрства юстыцыі, яны распрацаваны на падставе прапановаў органаў адвакацкага самакіравання з мэтай прывядзення заканадаўства ў адпаведнасць з законам "Аб адвакатуры і адвакацкай дзейнасці ў Беларусі", які ўступіў у сілу 6 красавіка.

11.05.2012 Камітэт ААН па правах чалавека стаў на бок віцебскага актывіста

Больш як чатыры гады спатрэбілася віцебскаму актывісту Сяргею Белязеку на тое, каб дамагчыся абароны сваіх правоў. Менавіта столькі часу разглядаў ягоную скаргу на дзеяньні міліцыянтаў і пастанову суду Камітэт ААН па правах чалавека.

11.05.2012 Баранавіцкі актывіст скардзіцца на пракурораў Лукашэнку

Баранавіцкі грамадскі актывіст Рыгор Грык 11 мая накіраваў скаргу А. Лукашэнку на дзеянні Генеральнага пракурора, пракурораў г.Баранавічы і Брэсцкай вобласці. Генеральны пракурор не стаў разгдядаць справу Грыка па сутнасці, а накіраваў яе да разгляду тым жа пракурорам, на якіх і скардзіўся заяўнік.

11.05.2012 Ад віцебскай актывісткі-прадпрымальніцы патрабуюць справаздачы па прыбытках за 10 гадоў

Ірына Яскевіч атрымала загад раённай падатковай інспекцыі: прадставіць дэкларацыю пра прыбыткі за 10 апошніх гадоў. Спадарыня Ірына апытала калег па прадпрымальніцкай справе і высветліла, што падобных праверак не ўчынялі яшчэ нікому.

11.05.2012 У Брэсце збіраюць подпісы супраць пераследу Паўла Вінаградава

Мясцовыя актывісты такім чынам хочуць прыцягнуць увагу да сітуацыі вакол былога палітзняволенага Паўла Вінаградава, які за сваю грамадскую дзейнасць рэгулярна прыцягваецца да адміністрацыцйнай адказнасці і яму можа пагражаць новы крымінальны пераслед.

11.05.2012 Прафілактыку злачыннасці сярод падлеткаў праводзяць у калоніі, дзе адбывае пакаранне Алесь Бяляцкі

Мерапрамества па прафілактыцы падлеткавай злачыннасці сярод навучэнцаў сярэдне-спецыяльных навучальных устаноў горада Бабруйска правёў сацыяльны аддзел Бабруйскай епархіі Рускай праваслаўнай царквы.

11.05.2012 Праваабаронцы фіксуюць гісторыю

Брэсцкі праваабаронца Уладзімір Вялічкін заснаваў аматарскую відэастудыю, дзе з калектывам аднадумцаў здымае відэафільмы на праблемную тэматыку. Улічваючы род дзейнасці Вялічкіна, большасць фільмаў атрымліваецца з праваабарончым ухілам.

11.05.2012 Штодзень ў грамадскую праваабарончую прыёмную звяртаюцца 4-6 слонімцаў

У Слоніме пры мясцовым дэмакратычным згуртаванні ўжо 9 гадоў дзейнічае грамадская праваабарончая прыёмная. Яе ў свой час арганізаваў дэпут Слонімскага райсавета, мясцовы праваабаронца Міхась Варанец.

11.05.2012 Вядомы польскі юрыст будзе абараняць Жукаўца бясплатна

11 траўня ў Беластоку пройдзе чарговае судовае паседжанне па справе беларускага палітычнага ўцекача Андрэя Жукаўца. У гэты раз абараняць беларуса будзе прафесар, прарэктар факультэта права і адміністрацыі універсітэта Стэфана Вышынскага ў Варшаве Яраслаў Маеўскі.

11.05.2012 Рагачоўскія ўлады не дазволілі актывістам правесці пікеты і сход

Грамадскія актывісты Рагачова планавалі правесці некалькі пікетаў і сход у Раённым палацы культуры ў межах кампаніі «Вернем Дажынкі ў Рагачоў!». Але райвыканкам адмовіў у правядзенні дадзеных мерапрыемстваў. Як паведаміў актывіст кампаніі «Гавары праўду!» Дзяніс Дашкевіч, прычына адмовы – неадпаведнае месца.

11.05.2012 У Брэсце змагаюцца за захаванне гістарычнай забудовы

Мясцовыя праваабаронцы і краязнаўцы дамагліся ад гарадскіх уладаў, каб прадстаўнікі “вертыкалі” не спяшаліся даваць згоду на будаўніцтва гатэля ў месцы, якjt належыць да гісторыка-культурнай каштоўнасці “Гістарычны цэнтр Брэста”.