Праваабарончы цэнтр «ВЯСНА»

Навіны за Травень 2012

15.05.2012 Праваабарончая праграма “Людзьмі звацца!” на Радыё Рацыя

У цэнтры ўвагі рубрыкі “Падзея тыдня”– інфармацыя пра чарговую галадоўку, якую абвесціў палітзняволены з Віцебска Сяргей Каваленка. Госьцем рубрыкі “Асоба. Дзяржава. Грамадства” стаў актывіст Маладога фронту з Маладзечна Павел Сяргей. У “Праваабарончым календары” - Міжнародны дзень сям’і, што адзначаецца 15 траўня пад эгідай ААН.

15.05.2012 Вывесіўшага ў Віцебску сцяг вінавацяць у нанясенні матэрыяльнай шкоды

Пра з'яўленне сцяга на даху інтэрната медыцынскага універсітэту апыталі віцебскую актывістку "Еўрапейскай Беларусі" Алену Семенчукову. Супрацоўнікі міліцыі сказалі дзяўчыне, што завялі справу паводле гэтага інцыдэнту, бо на даху інтэрната нібыта былі пашкоджаныя нейкія трубы, пра што маецца адпаведны акт. І цяпер трэба знайсці таго, хто нанёс матэрыяльную шкоду.

15.05.2012 Акцыя на Брэстчыне ў падтрымку палітвязня Сяргея Каваленкі

У сямі гарадах Брэсцкай вобласці - Брэсце, Кобрыне, Пінску, Баранавічах, Івацэвічах, Ганцавічах і Белаазёрску- актывістамі Руху “За свабоду” і аргкамітэту па стварэнні партыі БХД былі раздадзены бел-чырвона-белыя стужкі кіроўцам аўтамабіляў.

15.05.2012 Мінскі гарадскі суд стаў на бок Белтэлерадыёкампаніі

Гамяльчук праз суд дабіваўся кампенсацыі маральнай шкоды, нанесенай яго дачцэ, пра якую Белтэлерадыёкампанія паказала абразлівы сюжэт. Хоць на той час жанчына не мела статуса абвінавачанай і нават падазраванай, яе паказалі па тэлебачанні ў перадачы «Зона X», сцвярджаючы, што гамяльчанка займалася крымінальным бізнесам.

15.05.2012 У Брэсце пра рэферэндум нагадалі бел-чырвона-белымі стужкамі

Мясцовыя прадстаўнікі дэмакратычнай супольнасці 14 мая раздавалі ўладальнікам аўтамабіляў стужкі нацыянальнага колеру, каб у 17-ю гадавіну рэферэндума нагадаць, пры якіх умовах герб “Пагоня” і бел-чырвона-белы сцяг былі пазбаўленыя дзяржаўнага статусу.

15.05.2012 Суддзі заблыталіся ў судах

У абласным судзе незадавальненне іску растлумачылі тым, што справу Чарнавуса павінен разглядаць Брэсцкі гаспадарчы суд, пры тым, што двойчы ў гаспадарчым судзе ( суддзі Людміла Леванчук і Таццяна Людвіг) яму адказвалі, што яго справай павінен займацца агульны суд.

15.05.2012 Сёння - Міжнародны дзень сям’і

Міжнародны дзень сям’і заснаваны Генеральнай асамблеяй ААН у 1993 годзе (International Day of Families). Яго святкаванне прызначана на 15 мая. Галоўнай задачаю з’яўляецца прыцягненне ўвагі да сямейных каштоўнасцяў, у якіх мусіць быць павага, дабро, разуменне і каханне.

14.05.2012 Прамова Прэзідэнта FIDH на парыжскім мітынгу ў падтрымку Алеся Бяляцкага

Прэзідэнт Міжнароднай Федэрацыі за правы чалавека (FIDH) Суэр Белхасэн у сваім выступе на ўрачыстым мітынгу 11 траўня ў Парыжы падкрэсліла, што сёння лёс віцэ-прэзідэнта FIDH і кіраўніка ПЦ "Вясна" Алеся Бяляцкага шмат у чым залежыць ад міжнароднай грамадскасці, падтрымка якой павінна быць «безумоўнай, моцнай і, галоўнае, яднанай».

14.05.2012 За падроблены пратакол быхаўскага міліцыянера не пакараюць

У трэці раз жыхару вёскі Дабужа Быхаўскага раёна Магілёўскай вобласці Аляксандру Шачанку адмоўлена ва ўзбуджэнні крымінальнай справы супраць участковага міліцыянера Віталя Вашчылы за службовы падлог.

14.05.2012 У кватэру маладафронтаўцаў уварваліся міліцыянты

У кватэру, якую здымаюць актывісты “Маладога фронту”, уварваліся супрацоўнікі міліцыі. Міколу Дземідзенку, Змітра Крэмянецкага і Рамана Васільева забралі і адвезлі ў невядомым напрамку. Таксама міліцыянты забралі ключы ад кватэры.

14.05.2012 У Бялыніцкім раёне будуць эканоміць на сіротах

У мясцовым РАНА адбылася нарада супрацоўнікаў аддзела адукацыі з прыёмнымі бацькамі, якія выхоўваюць дзяцей у прыёмных і апякунскіх сем’ях. Падчас нарады супрацоўнікі аддзела адукацыі заявілі аб тым, што зараз разглядаецца пытанне аб пераразмеркаванні дзяцей паміж прыёмнымі сем’ямі, бо гэта дазволіць сэканоміць бюджэтныя грошы.

14.05.2012 Горацкія студэнты скардзяцца на прымусовую працу

У сувязі з правядзеннем фестываля “Дажынкі-2012” горацкіх студэнтаў прымушаюць працаваць на будоўлі і ў батанічным садзе. Дакладна вядома, што студэнты другога курса факультэта “Бізнэса і права” былі абавязаны ў перыяд з 16 красавіка па 13 траўня працаваць на карысць акадэміі.

14.05.2012 У Бабруйску пачаўся збор подпісаў за пашырэнне беларускай мовы

Бабруйчане звяртаюцца да Дзмітрыя Бонахава з некалькімі ідэямі і прапановамі, сярод якіх -- пераклад на беларускую мову шыльдачак з назвамі вуліц (асабліва ў гістарычным цэнтры), Палаца шлюбу, карціннай галерэі, крамаў, кропак харчавання. Таксама просяць вырабляць на роднай мове больш сацыяльна-патрыятычных банераў з цытатамі пісьменнікаў, у тым ліку бабруйскіх.

14.05.2012 Кіраўніком Магілёва можа стаць чалавек, які збіваў жанчын

У Магілёве ў хуткім часе з’явіцца новы кіраўнік горада. Цяперашні старшыня выканкаму Станіслаў Барадаўка пакіне сваю пасаду ў бліжэйшыя дні. Сярод верагодных кандыдатаў на вакантнае месца разглядаюцца кандыдатуры трох чалавек.