Праваабарончы цэнтр «ВЯСНА»

Навіны за Травень 2012

18.05.2012 Чарговы экалагічны пракол прадпрыемства пад кіраўніцтвам сенатара Анюхоўскага

На днях дырэктару «Талачынскага кансервавага завода», а па сумяшчальніцтву сябру Савета Рэспублікі Нацыянальнага Сходу Беларусі Анатолю Анюхоўскаму прыйшлося адказваць на нязручныя пытанні пракурораў у сувязі з залпавым скідам вытворчых сцёкаў у раку Друць.

18.05.2012 Па-сапраўднаму змагацца з карупцыяй дзяржава не жадае

Узровень карупцыі ў Беларусі за час кіравання Лукашэнкі вырас да маштабаў, якія пагражаюць нацыянальнай бяспецы краіны. Такую выснову робіць сябра экспертнай групы міжнароднай антыкарупцыйнай сеткі Transparency International юрыст Галіна Дрэбезава.

18.05.2012 Затрыманыя Алена Каваленка, стрыечны брат Сяргея Каваленкі і Алена Семенчукова

Раніцай 18 траўня каля будынка абласнога суду былі затрыманыя Алена Каваленка, жонка палітвязня, а таксама яго стрыечны брат і актывістка "Еўрапейскай Беларусі" Алена Семенчукова. Супрацоўнікі міліцыі вінавацяць іх у тым, што менавіта яны ўтрох зрабілі на асфальце перад судовым будынкам надпіс "Свабоду Сяргею Каваленку!"

18.05.2012 Журналістку Ларысу Шчыракову выклікаюць у гомельскую пракуратуру

Гомельскую незалежную журналістку Ларысу Шчыракову выклікаюць позвай у пракуратуру вобласці на 24 мая да пракурора аддзела па нагляду за выкананнем заканадаўства Алесі Рабцавай. Дадзены супрацоўнік пракуратуры – вядомы сярод незалежных журналістаў «спецыяліст па СМІ».

18.05.2012 Больш за траціну салігорцаў скрайне адмоўна ставяцца да гомасексуалаў

Каля 34% удзельнікаў галасавання на пытанне “Як вы паставіцеся да гомасексуала ў коле вашых сяброў, знаёмых, калегаў?” адказалі, што паставіліся б скрайне адмоўна. Нейтральна да гэткага факту паставілася б каля 35% апытаных, а 12% ацанілі б гэты факт як станоўчы. Не змаглі даць выразнага адказу на дадзенае пытанне каля 19% апытаных.

18.05.2012 Праваабаронца адстойвае магчымасць вучыцца па-беларуску

Некалькі гадоў запар у Брэсце не ствараліся першыя класы, дзе б навучанне адбывалася на роднай мове. Летась, дзякуючы намаганням шэрагу бацькоў, у адной з пачатковых школаў гораду пяць дзяцей пачалі вучыцца па-беларуску.

17.05.2012 Брэст: збіраюцца подпісы супраць будаўніцтва АЭС у трох краінах

У звароце ўказваецца, што ўрады Беларусі, Літвы і Расеі пачалі будаўніцтва АЭС паблізу ад сумесных межаў: у Беларусі – Астравецкая АЭС, у Літве – Вісагінская, а ў Расіі – Балтыйская ў Калінінградскай вобласці. Падпісанты звароту нязгодны з такой перспектывай і патрабуюць прыпыніць будаўніцтва ўсіх трох АЭС.

17.05.2012 Amnesty International адмовілася прызнаць Каваленку вязнем сумлення

Пры гэтым арганізацыя працягвае сачыць за развіццём сітуацыі з палітвязнем. Пра гэта паведаміў у лісце Еўрадэпутатцы Марэк Мігальскі дырэктар Amnesty International па Еўропе і Цэнтральнай Азіі Джон Далхейсен.

17.05.2012 Адмовіўся ад пашпарта — ва ўнівэрсытэт не паступіш

Мікалай Сурба, як і ягоныя бацькі, адмовіўся ад пашпарта з асабістым ідэнтыфікацыйным нумарам. Бяз пашпарта ў яго не прымаюць дакумэнты, каб прайсьці агульнанацыянальнае тэставаньне.

17.05.2012 КДБ зноў палохае Міхалевіча

Начальнік цэнтра інфармацыі і грамадскіх сувязяў КДБ Беларусі Аляксандр Антановіч катэгарычна абверг звесткі, выкладзеныя ў інтэрнэце ў нядаўнім артыкуле былога кандыдата ў прэзідэнты Беларусі Алеся Міхалевіча. Палітыка могуць звінаваціць у нанясенні ўрону «дзелавой рэпутацыі КДБ».

17.05.2012 Беларусь трапіла ў дзясятку горшых краін у Еўропе па абароне правоў ЛГБТ

Беларусь трапіла ў дзясятку горшых краін у Еўропе па абароне правоў секс-меншасцей. Аб гэтым сведчыць апублікаваны 15 мая Штогадовы агляд па правах ЛГБТ у Еўропе, які падрыхтаваны па выніках маніторынгу ў 49 краінах.

17.05.2012 “Магілёўскія ведамасці” прапагандуюць размеркаванне студэнтаў

Верагодна такі артыкул на старонках газеты з’явіўся каб стварыць станоўчы імідж размеркаванню ў сельскую мясцовасць і тамтэйшым перспектывам кар’ернага росту. Вядома, што шмат хто са студэнтаў, размеркаваных у раёны, не даязджае да свайго будучага месца працы.

17.05.2012 Front Line Defenders пратэстуе супраць забароны на выезд за мяжу ў дачыненні да праваабаронцаў

Міжнародная праваабарончая арганізацыя Front Line Defenders распаўсюдзіла заяву з нагоды незаконных забаронаў на выезд за мяжу Алегу Гулаку, Гары Паганяйлу і Валянціну Стэфановічу.

17.05.2012 У Менску праходзяць суды над затрыманымі ўчора маладафронтаўцамі

У судзе Фрунзенскага раёну Менску сёння будуць разглядацца адміністратыўныя справы затрыманых учора актывістаў “Маладога фронту”. Уладзімера Яроменка асудзілі на 7 сутак арышту, Паўла Сяргея - на 5 сутак арышту.

17.05.2012 Жонка ліквідатара-чарнобыльца звярнулася з адкрытым лістом да прэзідэнта Лукашэнкі

17 траўня мінчанка Кудзян Т.І., жонка ліквідатара-чарнобыльца, звярнулася з адкрытым лістом да прэзідэнта Лукашэнкі. Як законны прадстаўнік свайго мужа, пазбаўленага канстытуцыйнага права на ахову здароўя, яна з 2007 года прайшла мноства чынавенскіх кабінетаў і судовых інстанцый, дзе ўсяляк адхрышчваюцца ад праблем ліквідатара.