Праваабарончы цэнтр «ВЯСНА»

Навіны за Красавік 2012

04.04.2012 Удзельніка леташняй “маўклівай акцыі” ў Наваполацку пераследуе ДАІ

Юрый Рудкоўскі атрымаў штраф у памеры 3 базавыя велічыні за ўдзел у акцыі “маўклівага пратэсту” ў Наваполацку, якая прайшла 20 ліпеня 2011 года. Аднак да цяперашняга часу супрацоўнікі мясцовага ДАІ спрабуюць прыцягнуць яго да адказнасці нібыта за наезд на супрацоўніка органаў унутраных спраў, які спрабаваў яго затрымаць.

04.04.2012 Грамадскі актывіст бароніць свой гонар у судзе

Аляксандр Вайцешык даказваў суду, што ўчастковы інспектар распаўсюдзіў пра яго негатыўную інфармацыю, якая характарызуе яго як скандаліста і амаль п’яніцу. Ён даводзіў, што такая інфармацыя не адпавядае рэчаіснасці і ганіць годнасць і дзелавую рэпутацыю яго як галоўнага бухгалтэра будаўнічай фірмы.

04.04.2012 Мастака з Маладзечна год “круцілі” ў турме па мінскім выбуху ля стэлы

У руках Дзмітрыя Сухецкага выбухнуў лак, які ён сам рабіў. Хлопец пазбавіўся трох пальцаў на руцэ і на 13 месяцаў трапіў за краты пад падазрэннем у тэрарызме.

04.04.2012 Намеснік старшыні Вярхоўнага суда не засумняваўся, што Ігар Случак «дробна хуліганіў”

Грамадскі актывіст, ініцыятар грамадзянскай кампаніі «Справаводства па-беларуску!» Ігар Случак атрымаў адказ на свой ліст да старшыні Вярхоўнага суда Беларусі. Праўда, адказаў яму не старшыня, а яго першы намеснік Аляксандр Федарцоў, які выносіў растрэльны прысуд Уладзіславу Кавалёву і Дзмітрыю Канавалаву.

04.04.2012 БХК просіць пракуратуру правесці праверку ўмоў утрымання Каваленкі у турэмным шпіталі

Юрысты Беларускага Хельсінкскага Камітэта накіравалі пракурору Віцебскага раёна зварот з просьбай праверыць законнасць і абгрунтаванасць змяшчэння Каваленкі ў псіхіятрычнае аддзяленне турэмнай бальніцы, а таксама адпаведнасць умоў у дадзенай папраўчай установе (наяўнасць адпаведных медыкаментаў, медыцынскага абсталявання і персаналу) яго стану.

04.04.2012 Атрошчанкаву вярнулі зніклы ў Оршы пашпарт

Адбылося гэта, калі грамадскі дзеяч прыйшоў у аддзел міграцыі і грамадзянства Цэнтральнага раёна Мінска для афармлення дакументаў на атрыманне новага пашпарта.

04.04.2012 Віцебскія актывісты выказваюць сваю стаўленне да смяротнага пакарання (відэа)

Рэспубліка Беларусь - адзіная краіна ў Еўропе і на постсавецкай прасторы, дзе дагэтуль людзей караюць смерцю.

04.04.2012 Суд за “дактыласкапію” - у закрытым рэжыме

У маленькім кабінеце суддзі не знайшлося месца ні для гарадзенскіх праваабаронцаў, ні для тых, хто прыйшоў і прыехаў падтрымаць падсуднага. Старшыня суду Ленінскага раёну таксама не захацела прымаць людзей па гэтым пытанні.

04.04.2012 У Магілёве месячнік па бяспецы працы пачаўся з няшчаснага здарэння

Учора, 3 красавіка, брыгадзір мантажнікаў “Магілёўтэхмантаж” зваліўся з вышыні 10 метраў. Мужчына моцна разбіў галаву, аднак застаўся жывы і знаходзіцца ў бальніцы. Здарэнне адбылося на будаўніцтве аднаго з прамысловых аб’ектаў горада.

04.04.2012 Ян Дзяржаўцаў патрабуе беларускамоўных адказаў ад чыноўнікаў

Актывіст КХП БНФ Ян Дзяржаўцаў лічыць, што намеснік старшыні Першамайскай раённай адміністрацыі, які адмовіў у правядзенні пікету на рускай мове, парушыў закон “Аб зваротах грамадзян і юрыдычных асобаў”. На свае скаргі з гэтае нагоды актывіст атрымаў супярэчлівыя адказы.

04.04.2012 Праз суд Аляксей Паўлоўскі дамагаецца кампенсацыі

3 красавіка прадстаўнікі будаўнічай арганізацыі “Прамжылбуд” адмовіліся замірыцца са сваім былым рабочым-муляром Аляксеем Паўлоўскім, змяніць яму фармулёўку звальнення ў працоўнай кніжцы і выплаціць яму грашовую кампенсацыю.

04.04.2012 Дзяржвыданне рыхтуе грамадскую думку аб “непажаданасці” назіральнікаў АБСЕ

Брэсцкая дзяржаўная газета “Заря” у адной са сваіх апошніх публікацый пад красамоўным загалоўкам ”Миссия предсказуема” задаецца пытаннем: ці варта запрашаць замежных назіральнікаў на выбары ў Беларусі?

04.04.2012 “Малады Фронт” звяртаецца да дэпутатаў па пытаньні ўвядзеньня мараторыя на сьмяротнае пакараньне

Зарэгістраваная ў Чэхіі грамадская арганізацыя “Малады Фронт” выступіла з новай ініцыятывай па ўвядзеньні мараторыя на сьмяротнае пакараньне ў Беларусі. Актывісты арганізацыі зьвярнуліся да ўсіх дэпутатаў Палаты прадстаўнікоў Нацыянальнага сходу з патрабаваньнем ініцыяваць галасаваньне па пытаньню ўвядзеньня мараторыя на сьмяротнае пакараньне.

04.04.2012 На Дзяніса Дашкевіча склалі новы пратакол

Грамадзкі актывіст, сябра стваранай партыі «Беларуская хрысьціянская дэмакратыя» з Рагачова Дзяніс Дашкевіч паведаміў, што вынікам ягонага выкліку 3 красавіка ў раённы аддзел унутраных спраў стаў чарговы адміністрацыйны пратакол пра парушэньньне аўтарскіх, сумежных і патэнтных правоў.

03.04.2012 Метамарфозы ў справе “дробнай хуліганкі” Святланы Вяргейчык

За час, што Святлана Вяргейчык дамагаецца пакарання для збіваўшых яе міліцыянтаў, адзін з іх “даслужыўся” да пасады начальніка райаддзела Следчага камітэта і “адфутбольвае” цяпер скаргі пацярпелай. Судовая выканаўца спаганяе з яе штраф – у той час як рашэнне суда не набыло сілы. А ўчастковага непакоіць, якія пытанні жанчына мае да Следчага камітэта.