Праваабарончы цэнтр «ВЯСНА»

Навіны за Красавік 2012

10.04.2012 За Паўлам Вінаградавым усталяваны прэвентыўны нагляд

За Паўлам Вінаградавым усталяваны прэвентыўны нагляд тэрмінам на 2 гады. Былому палітвязьню забаронена выязджаць з Менску без дазволу міліцыі. Ён будзе абавязаны знаходзіцца дома з 20 да 8 гадзіны і 4 разы на месяц адзначацца ў крымінальна-выканаўчай інспекцыі па месцы жыхарства.

10.04.2012 Пакаранне за незаконны прысуд — пазбаўленне прэміі?

Летась беларуская Феміда незаконна асудзіла па крымінальных артыкулах 426 грамадзян. Такую лічбу называе намеснік старшыні Следчага камітэта Андрэй Швед. А кіраўнік прэс-службы Следчага камітэта Павел Траулька ўдакладняе: усе гэтыя людзі былі вызваленыя. А вось якое пакаранне панеслі тыя, з-за каго гэтыя 426 чалавек незаконна былі пакараныя, не ўдакладняецца.

10.04.2012 Прафсаюзнага актывіста звальняюць за інтэрв’ю

Зь сябрам Свабоднага прафсаюзу Беларускага, электрыкам Мікалаем Расюком Упраўленьне капітальнага будаўніцтва Магілёўскага гарвыканкаму ня будзе працягваць працоўных адносінаў. Фармальная прычына — сканчэньне тэрміну дзеяньня працоўнага кантракту. Актывіст дапрацоўвае апошнія чатыры дні. Да пэнсіі Мікалаю Расюку тры гады.

10.04.2012 Пададзена заяўка на правядзенне "Чарнобыльскага шляху"

Аргкамітэт па правядзенні “Чарнобыльскага шляху” падаў заяўку на правядзенне шэсця і мітынга 26 красавіка ў Мінску. Збор удзельнікаў плануецца ля будынка Акадэміі навук, затым будзе арганізавана шэсце да плошчы Бангалор, якое завершыцца мітынгам у парку Дружбы народаў.

10.04.2012 У Мікалая Ўласевіча на мяжы сканфіскавалі «Чарнобыльскія ўрокі»

Актывіста антыядзернай кампаніі з Астравецкага раёну Мікалая Ўласевіча спынілі на мяжы на падставе таго, што ён ехаў на ўласным аўтамабілі не на восьмыя суткі, як дазволена, а на сёмыя.

10.04.2012 Начальніку Брэсцкай ДАІ перадалі “Правілы дарожнага руху” па-беларуску

Прыняўшы падарунак, начальнік ДАІ Упраўлення ўнутраных спраў Брэсцкага аблвыканкама Андрэй Сумар адзначыў, што ў бліжэйшай перспектыве рэалізаваць ужыванне Правіл дарожнага руху па-беларуску будзе цяжка, бо для гэтага патрэбны грошы.

10.04.2012 У Шклове ў Рэспубліканскую партыю працы і справядлівасці ўступаюць арганізавана

Для партыйнай функцыянеркі пры дапамозе райвыканкамаўскіх чыноўнікаў былі арганізаваныя сходы і сустрэчы з працоўнымі калектывамі на шэрагу прадпрыемстваў Шклоўскага раёна. У прыватнасці, Валянціна Мацукова наведала адкрытыя акцыянерныя таварыствы “Шклоўскі масладзельны завод”, “Шклоўскі камбікормавы завод” і “Шклоўскі ільнозавод”.

10.04.2012 Судзейская салідарнасць

У адказе, які атрымала прадпрымальніца Людміла Крыловіч за подпісам старшыні Ленінскага раённага суда Галіны Кужалевай, адзначаецца, што нетактоўных паводзінаў, грубасці, перадузятага стаўлення і знявагі з боку суддзі гэтага суда Трапынінай не было выяўлена.

10.04.2012 Пульсуючае сэрца Каваленкі - як мэтафара праўды

Міні-фільм з сэрыі "Хроніка суднага часу", прысьвечаны Сяргею Каваленку, за два дні з часу разьмяшчэньня ў YouTube сабраў больш за 10 000 праглядаў, што зьяўляецца адным з лепшых вынікаў для беларускай праваабарончай інтэрнэт-прасторы.

10.04.2012 Палітвязьня Дзядка перавялі ў Шклоўскую калёнію

Маці Мікалая Дзядка патэлефанавала ў Магілёўскую калёнію № 15, каб удакладніць дату кароткатэрміновага спатканьня з сынам, але ёй сказалі, што 6 красавіка палітвязьня этапавалі ў Шклоўскую ІК-17.

10.04.2012 Праваабарончая праграма “Людзьмі звацца!” на Радыё Рацыя

“Падзея тыдня”: суды ў Гародні, Магілёве і Менску над грамадзянамі, якія па рэлігійных матывах адмовіліся прайсці абавязковую дактыласкапічную рэгістрацыю. "Асоба. Дзяржава. Грамадства": каардынатары кампаніі “Праваабаронцы за свабодныя выбары” Валянцін Стэфановіч і Алег Гулак “падказваюць” уладам бяспройгрышныя крокі на шляху да свабодных і справядлівых выбараў.

10.04.2012 Сяргея Каваленку накіроўваюць на экспертызу ў Навінкі

10-40. Судовая калегія вынесла вызначэньне аб прызначэньні Сяргею Каваленку комплекснай псіхіятрычнай экспертызы ва ўмовах стацыянару (Навінкі). Разгляд касацыйнай скаргі на прысуд Першамайскага суду Віцебска прыпынены да заключэньня псіхіятраў. У судзе было прадстаўленае папярэдняе заключэньне псіхіятраў аб тым, што у Каваленкі маецца псіхічнае растройства, якое выражаецца ў тым ліку і ў адмове ад ежы.

10.04.2012 У Баранавічах ужо пятая з пачатку года забарона пікета

Падчас пікета Рыгор Грык хацеў выказаць маральную падтрымку іншадумцам і асуджаным за падзеі 19 снежня 2010 года. Гэта ўжо пяты запар ў гэтым годзе пікет грамадскіх актывістаў, які не дазваляе Баранавіцкі гарвыканкам. Яякую норму закона парушыў заяўнік, супрацоўнік ідэалагічнага аддзела Сяргей Пяцігораў традыцыйна адмовіўся назваць.

10.04.2012 Іван Крук звярнуўся да Вярхоўнага камісара ААН па правах чалавека

У сваім паведамленні Іван Крук звяртае ўвагу на тое, што пастаяннае прадстаўніцтва Беларусі пры аддзяленні ААН у Жэневе аспрэчвае рэгістрацыю яго індывідуальнай скаргі, якая была пададзена ў КПЧ яшчэ 23 снежня 2009 году і была зарэгістраваная.

09.04.2012 “Маладафронтаўцам” - па 10 сутак

Затрыманых 7 красавіка на станцыі метро “Купалаўская “ Зьміцера Крэмянецкага і Міхася Мускага будуць судзіць у судзе Ленінскага раёна Менска. Выходныя яны правялі ў цэнтры ізаляцыі правапарушальнікаў на Акрэсьціна.