Праваабарончы цэнтр «ВЯСНА»

Навіны за Красавік 2012

12.04.2012 Генеральнаму сакратару ААН накіравана інфармацыя пра смяротную кару ў Беларусі

Як паведаміў БелаПАН актывіст руху "За Свабоду" праваабаронца Раман Кісляк, генеральны сакратар ААН Пан Гі Мун рыхтуе даклад па пытанні смяротнай кары да 21-й сесіі Савета па правах чалавека ААН, якая адбудзецца ў верасні. Пан Гі Мун прапанаваў праваабарончым арганізацыям падаць яму інфармацыю аб смяротнай кары ў іх краінах.

12.04.2012 «Страх у краіне спакою» глядзіце ў інтэрнэце

11 красавіка, роўна праз год пасля тэракту ў менскім метро, «Белсат» прэзентаваў дакументальны фільм-расследаванне «Страх у краіне спакою». Цяпер фільм можна спампаваць у добрай якасці файл памерам 481 мб у фармаце avi

12.04.2012 У акадэмічнага дырэктара BISS Пікуліка забралі пашпарт «па падазрэнні ў падробцы дакументаў»

Акадэмічнага дырэктара Беларускага інстытута стратэгічных даследаванняў (Вільня, BISS) Аляксея Пікуліка 6 красавіка пратрымалі ў міліцыі 8 гадзін. У яго канфіскавалі пашпарт і IPad.

12.04.2012 Мільённые штрафы за “брыдкаслоўе”

12 красавіка суд Ленінскага раёна Менска аштрафаваў актывістаў Маладога Фронту Насту Шулейка і Юрыя Ходуса, затрыманых учора ля станцыі метро “Кастрычніцкая”, на 20 і 15 базавых велічынь адпаведна. Судзілі іх падчас абедзенага перапынку – напэўна, каб ніхто не змог патрапіць на працэсы.

12.04.2012 17-ы штат ЗША адмяніў смяротнае пакаранне

Палата прадстаўнікоў Канэктыкута прагаласавала за адмену ў штаце смяротнага пакарання, паведамляе Associated Press. Паводле новага законапраекту, яно будзе заменена на пажыццёвае зняволенне без права вызвалення. Варта адзначыць, што паводле апытанняў, большасць жыхароў штата пакаранне смерцю падтрымліваюць.

12.04.2012 Тры мільёны штрафу за распаўсюд незалежнай газеты “Тут і цяпер”

На такую суму актывіста БНФ Сяржука Нягаціна аштрафала суддзя Ленінскага раёна Магілёва Аксана Ратнікава. Суддзя палічыла, што для распаўсюду незарэгістраванага незалежнага выдання неабходна мець з рэдакцыяй спецыяльную дамову, якой у актывіста не было.

12.04.2012 Дзяржаўны тэлеканал «супакоіў» жыхароў Жодзіна

Дзяржаўны тэлеканал АНТ адрэагаваў на публікацыю на сайце ПЦ "Вясна" з нагоды ўтойвання інфармацыі ад жыхароў Жодзіна аб сліве машыннага алею ў раку Пліса. З рэпартажу АНТ вынікае, што «Уцечка алею на Жодзінскай ЦЭЦ узбударажыла Інтэрнэт», а зусім не жыхароў горада.

12.04.2012 У Брэсце ўшанавалі памяць ахвяраў выбуху ў мінскім метро

Адбылося гэта на галоўнай плошчы горада, каля “нулявога” кіламетру, дзе з'явіліся кветкі і лампадкі. Такім чынам жыхары Брэста ўзгадалі ахвяраў тэракту на станцыі метро "Кастрычніцкая" і выказалі сваю салідарнасць са сваякамі загінуўшых і параненых.

12.04.2012 Муляр Паўлоўскі перамог “Прамжылбуд”

Былы наймаймальнік мусіць сплаціць рабочаму-будаўніку каля 12 мільёнаў рублёў. Сёння, 12 красавіка, у судзе Ленінскага раёна Магілёва прадстаўнікі будаўнічай арганізацыі “Прамжылбуд” вырашылі замірыцца з пазоўнікам Аляксеем Паўлоўскім і выканаць ягоныя патрабаванні.

12.04.2012 Скаргі “невыязнога” Стэфановіча працягваюць адфутбольваць ў Міністэрства абароны

Услед за Генеральнай пракуратурай, якая накіравала скаргу намесніка старшыні Праваабарончага цэнтру “Вясна” Валянціна Стэфановіча на ўнясенне ягонага прозвішча ў базу дадзеных асоб, якім забаронены выезд з краіны, у Міністэрства абароны, гэтак жа зрабіла і Ўпраўленьне унутраных спраў Партызанскага раёна Менска.

12.04.2012 Гомельскія міліцыянеры ахоўвалі «нулявы кіламетр», каб людзі не адзначылі трагічную гадавіну тэракта

Менавіта на «нулявым кіламетры» год таму, 12 красавіка 2011 года, на другі дзень пасля тэракту, гамяльчане, арганізаваўшыся праз сацыяльныя сеткі, правялі стыхійную акцыю ў памяць ахвяр у мінскім метро. Дарэчы, яшчэ з раніцы нехта ўсклаў кветкі да «нулявога кіламетра», але іх выкінулі ў сметніцу.

12.04.2012 Магілёўскага актывіста БНФ Сяржука Нягаціна судзяць за газету “Тут і цяпер”

11 красавіка яму патэлефанавалі міліцыянты і прапанавалі забраць газеты, канфіскаваныя каля месяца таму. Па з’яўленні ў пастарунак на актывіста быў складзены пратакол аб адміністрацыйным правапарушэнні. Прычынай для гэтага сталі выходныя звесткі, пазначаныя ў газеце “Тут і цяпер”.

11.04.2012 Тацяна Вадалажская: Патаемныя расстрэлы - знак здзяйснення злачынства

Беларускія ўлады ўжываюць сістэму таемнага забойства, калі родныя асуджанага не ведаюць даты выканання прысуда і не могуць пахаваць забітага. Гэта індыкатар нецывілізаванасці і агульнай непавагі да грамадства, а ў хаванні забойства наагул выражаецца адчуванне здзяйснення злачынства.Такім меркаваннем з Службай інфармацыі “ЕўраБеларусі” падзялілася старэйшы аналітык Цэнтра еўрапейскай трансфармацыі, кандыдат сацыялагічных навук Тацяна Вадалажская.

11.04.2012 Суд Лунінецкага раёна не задаволіў іск Алега Стахаевіча

Старшыню незалежнага прафсаюза прадпрыемства “Граніт” з Мікашэвіча Алега Стахаевіча суд Лунінецкага раёна (старшыня суда Васіль Бельскі ) не ўзнавіў на працы. Звальненне Стахаевіча прызнана законным.

11.04.2012 Затрыманьні ў гадавіну трагедыі ў метро на станцыі “Кастрычніцкая”

Супрацоўнікі міліцыі пад час урачыстага адкрыцця мемарыяльнага знаку “Рака памяці” на ўваходзе на станцыю метро «Кастрычніцкая» ў Менску затрымалі некалькі актывістаў. Дакладна вядомыя прозвішчы дваіх: Наста Шулейка і Юрый Ходус.