Праваабарончы цэнтр «ВЯСНА»

Навіны за Красавік 2012

13.04.2012 Інфармацыя пра суддзяў у Віцебскай вобласці стала "сакрэтнай"

На афіцыйным сайце Віцебскага абласнога выканаўчага камітэту нядаўна ўнеслі змены ў раздзел “Суды”. Раней тут падаваліся поўныя спісы суддзяў раённых судоў, іх прозвішчы, імёны і імёны па бацьку, кантактныя тэлефоны. Цяпер засталіся толькі кантактныя звесткі старшыняў судоў і іх намеснікаў.

13.04.2012 Шматграннасць асобы Алеся Бяляцкага (відэа)

Наталля Пінчук, жонка зняволенага праваабаронцы, распавядае пра захапленне Алеся Бяляцкага гісторыяй і археалогіяй, а таксама пра археалагічныя знаходкі, зробленыя ім на панадворку ў Ракаве.

13.04.2012 Ян Дзяржаўцаў прапанаваў чыноўнікам далучыцца да арганізацыі пікетаў

Віцебскі актывіст КХП БНФ, падаючы заяўкі на чарговыя 6 пікетаў, прапанаваў чыноўнікам трох раённых адміністрацый Віцебску далучыцца да арганізацыі імпрэзаў. Падобна, што толькі ў такім выпадку ад уладаў можна чакаць дазволу на акцыі.

13.04.2012 Незалежныя прафсаюзы Брэстчыны аб’ядналіся

Стварэнне такога савету прыспешыў суд над кіраўніком суполкі Незалежнага прафсаюзу гарнякоў на “Граніце”Алегам Стахаевічам, падтрымаць якога з’ехаліся прадстаўнікі розных незалежных прафсаюзных арганізацый.

13.04.2012 “Справядлівы свет” абскарджвае забарону пікетаў у Брэсце

Мясцовыя актывісты Беларускай партыі левых “Справядлівы свет” звярнуліся ў суд са скаргай на дзеянні чыноўнікаў Брэсцкага гарвыканкама, якія не дазволілі ладзіць пікеты, прысвечаныя праблеме даступнасці жылля.

13.04.2012 Прэвентыўны нагляд як магчымасць трымаць грамадзянскіх актывістаў на вудзе

Заключэнне эксперта Международнай назіральнай місіі ў Беларусі па правах чалавека аб судзе над моладзевым актывістам Паўлам Вінаградавым.

13.04.2012 Генпракуратура: зняволеныя маюць права паведамляць аб стане свайго здароўя і ўмовах утрымання

Зняволеныя маюць права паведамляць сваякам і адвакатам аб стане свайго здароўя і ўмовах утрымання. Гэта вынікае з адказу Генеральнай пракуратуры Беларусі на запыт РГА «Беларускі Хельсінскі камітэт», тэкст якога размешчаны на сайце БХК.

12.04.2012 У Смалявічах затрыманыя актывісты кампаніі "Гавары праўду" і мясцовы абронца інтарэсаў дачнікаў (абнаўляецца)

У Смалявічах затрыманыя актывісты кампаніі "Гавары праўду" Андрэй Дзмітрыеў, Міхаіл Пашкевіч, Юрый Ганчар і мясцовы абаронцы інтарэсаў дачнікаў -- Васіль Казлоўскі. Усе яны дастаўляюцца ў мясцовы РУУС. Па папярэдняй інфармацыі, затрыманне звязана з правядзеннем сходу дачнікаў 10 сакавіка.

12.04.2012 Магілёўскай прадпрымальніцы часткова дазволілі зрабіць копіі дакументаў для падрыхтоўкі да суду

Праўда, каб дамагчыся гэтага, Людміла Крыловіч была вымушана звярнуцца ў суд Ленінскага раёна Магілёва. Сёння адбылося папярэдняе пасяджэнне, на якім суддзя Юлія Трапыніна пачала разглядаць пазоў Людмілы Крыловіч супраць магілёўскага гарвыканкаму.

12.04.2012 Суд не задаволіў іск Уладзіміра Няпомняшчых аб спагнанні маральнай шкоды з міліцыянераў

Суд Цэнтральнага раёна Гомеля 12 красавіка вынес рашэнне аб адмове ў задавальненні іску Уладзіміра Няпомняшчых да супрацоўнікаў міліцыі. Такую пастанову прыняла суддзя Ірына Кавалевіч. Яна вырашыла, што пазасудовы арышт амаль на трое сутак грамадзяніна быў абгрунтаваным.

12.04.2012 На “Граніце” працягваюць ціснуць на актывістаў

Экскаватаршчык Леанід Дубаносаў ніяк не можа здаць нечарговы іспыт па электрабяспецы. Адказны за энергабяспеку Генадзь Блошкін прапанаваў яму здачу ў чаргавы раз праз пракуратуру. Маўляў, “пісаць туды ўмееш”. На гэта Дубаносаў адказаў, што і яшчэ будзе пісаць, калі будзе патрэбна.

12.04.2012 Пятая частка жыхароў Брэсцкай вобласці не задаволена працай міліцыі

Нават паводле дадзеных афіцыйнага апытання, праведзенага упраўленнем унутранных спраў Брэсцкага аблвыканкама, амаль 20 адсоткаў апытаных грамадзян крытычна ацэньваюць працу супрацоўнікаў міліцыі.

12.04.2012 Палітвязьняў мяняюць месцамі

Мікалая Дзядка перавялі з Магілёўскай калёніі ў Шклоўскую, а Арцёма Пракапенку — са Шклова ў Магілёў. Родныя зьбіраюцца да Аляксандра Францкевіча на доўгатэрміновае спатканьне. Ігар Аліневіч займаецца ў Наваполацкай калёніі вынаходніцтвам.

12.04.2012 Бабруйск: Рашэнне па судовай справе Локцева агучаць 20 красавіка

12 красавіка ў Бабруйску адбылося судовае паседжанне па іску Канстанціна Локцева. Нагадаем, грамадскі актывіст быў звольнены з працы ў кацельнай яшчэ ў лютым. Ён лічыць, што нагодай для пазбаўлення працы стаў яго ўдзел у Народным сходзе, а таксама спрба стварэння прафсаюзнай пярвічкі.

12.04.2012 Рэчы Насты Шулейка і Юрыя Ходуса “зьніклі” з міліцэйскага сейфа

Усе асабістыя рэчы актывістаў “Маладога Фронту” Насты Шулейка і Юрыя Ходуса “зьніклі” з дзяжурнай часці ГОМ-1 Ленінскага РУУСа Менска. Разам з іх опісам і шнуркамі ад абутку.