Праваабарончы цэнтр «ВЯСНА»

Навіны за Красавік 2012

16.04.2012 Баранавічы: грамадскія актывісты павіншавалі Статкевіча-старэйшага з Вялікаднем

За кубачкам гарбаты гаварылі пра вызваленне Андрэя Саннікава і Зміцера Бандарэнкі, пра магчымыя вызваленні астатніх. Разам прачыталі вялікоднае віншаванне Мікалая, дасланае бацьку. Дарэчы, ён паведамляе, што апошні ліст да бацькі яму вярнулі назад і паведамілі, што пісьмо не прайшло цэнзуру з-за “цынічных” выказванняў.

16.04.2012 Бярозаўчане павіншавалі палітвязняў з Вялікаднем

Некаторыя з актывістаў вядуць перапіску з Алесем Бяляцкім, Зміцерам Дашкевічам і Мікалаем Аўтуховічам. На жаль, на калядныя віншаванні больш з палітвязняў ніхто не адклікнуўся. Цяпер некаторыя з віншавальнікаў гадаюць, ці атрымалі астатнія іх паштоўкі.

16.04.2012 На волі – Андрэй Саньнікаў і Зьміцер Бандарэнка

14 красавіка, напярэдадні Вялікадня, на свабоду выйшаў экс-кандыдат у прэзідэнты Андрэй Саньнікаў, які адбываў пакараньне ў калоніі “Віцьба-3”. На другі дзень раніцай з Магілёўскай калёніі №15 быў вызвалены Зьміцер Бандарэнка, давераная асоба кандыдата ў прэзідэнты Андрэя Саньнікава, каардынатар «Еўрапейскай Беларусі». Указ аб памілаваньні падпісаў прэзідэнт Беларусі Аляксандр Лукашэнка.

15.04.2012 Аб вызваленні з месцаў зняволення былога кандыдата ў прэзідэнты Беларусі Андрэя Саннікава

Заява Міжнароднай назіральнай місіі Камітэта міжнароднага кантролю за сітуацыяй з правамі чалавека ў Беларусі

13.04.2012 Арышт аўтамабіля прызнаны незаконным

У канцы сакавіка супрацоўнікі ДАІ на трасе М1 “Масква – Брэст” затрымалі аўтамабіль, які перавозіў 10-тысячны тыраж газеты “Віцебскі кур'ер”. Акрамя канфіскацыі накладу газеты супрацоўнікі ДАІ арыштавалі аўтамабіль. Супрацоўнікі рэдакцыі палічылі такія дзеянні незаконнымі і звярнуліся ў суд. Як аказалася, небезвынікова.

13.04.2012 Статкевіч знаходзіўся ў камеры з хворым на сухоты

Палітзняволены кандыдат у прэзідэнты Мікола Статкевіч больш двух месяцаў знаходзіўся ў камеры з асуджаным, які раней хварэў на сухоты. Пра гэта даведалася жонка зняволенага палітыка Марына Адамовіч.

13.04.2012 Ператрус на кватэры маладафронтаўцаў

Раніцай 13 красавіка ў кватэры, якую здымаюць актывісты “Маладога Фронту”, адбыўся ператрус. Прыйшоўшы дадому, адзін з хлапцоў убачыў, што вокны і балкон расчыненыя, на падлозе валяюцца рэчы, агітацыйныя матэрыялы й сьцягі адсутнічаюць.

13.04.2012 Каваленка спыніў галадоўку

Сяргей Каваленка пачаў самастойны выхад з галадоўкі. Пра гэта «Свабодзе» паведаміў бацька вязьня Аляксандар Каваленка, які 13 красавіка бачыў сына ў псыхіятрычным шпіталі ў Навінках.

13.04.2012 Наваполацкая «дзясятка»: Аліневіч і суседзі

Гісторыя Наваполацкай папраўчай калёніі № 10 наўпрост зьвязаная з гісторыяй самога гораду. Сваім узьнікненьнем на пачатку 1960-х Наваполацак абавязаны тагачасным патрабаваньням народнай гаспадаркі СССР, дакладней — патрэбай якаснага паліва для Заходняй групы савецкіх войскаў.

13.04.2012 Больш паловы насельніцтва Віцебскай вобласці не давярае міліцыі

Паводле грамадскага меркавання, вынікі якога прааналізавалі ў Віцебскай абласной Управе ўнутраных справаў, найбольшая ступень даверу міліцыі зафіксавана ў Сенненскім (42,6%) і Лепельскім (42,4%) раёнах. Ніжэйшы паказчык – у Шумілінскім раёне, дзе міліцыі давяраюць толькі 28,7% жыхароў.

13.04.2012 Смалявічы: «Ніхто не мае права выносіць лёсавызначальныя рашэнні без думкі грамадзян»

Учора ў Смалявічах затрымалі актывістаў кампаніі «Гавары праўду!», аднак адзін з затрыманых Андрэй Дзмітрыеў настойвае на тым, каб журналісты не змяшчалі «цэнтр цяжару» на затрыманне, а расказвалі пра сапраўдную праблему Смалявіцкага раёна.

13.04.2012 Разгляд касацыйнай скаргі Валерыя Шчукіна адбудзецца 18 красавіка

Праваабаронца ў Віцебскім абласным судзе аспрэчвае рашэнне суду Оршы і Аршанскага раёну, дзе 30 сакавіка яго аштрафавалі за хуліганства і непадпарадкаванне супрацоўнікам міліцыі. Падзеі, за якія суддзя Тацяна Рыбакова аштрафавала спадара Шчукіна на 34 базавыя велічыні, адбыліся 29 сакавіка ў тым самым будынку аршанскага суду.

13.04.2012 Рэчы асуджаным актывістам вярнулі, “мабілку”- разьбілі

Актывістам “Маладога Фронту” Насце Шулейка і Юрыю Ходусу вярнулі асабістыя рэчы, якія таемным чынам “падарожнічалі” цягам дня 12 красавіка па розных аддзяленьнях міліцыі і кабінетах.

13.04.2012 Журналіст Радыё Рацыя абскарджвае сваё затрыманне

Скаргу журналіста Радыё Рацыя разгледзіць Мінскі гарадскі суд 17 красавіка. Аляксандр Ярашэвіч патрабуе прызнаць незаконным сваё затрыманне на канцэрце руху "Ежа замест бомб" ды адмяніць адміністратыўнае пакаранне.

13.04.2012 У Брэсце пададзена заяўка на першамайскую дэманстрацыю

Апошні раз гарадскія ўлады дазволілі правесці дэманстрацыю з нагоды 1 мая дзесяць гадоў таму: з таго часу на ўсе заяўкі на правядзенне падобнай акцыі па розных прычынах быў дадзены адмоўны адказ.