Праваабарончы цэнтр «ВЯСНА»

Навіны за Красавік 2012

17.04.2012 Службовыя асобы павінны прыпыніць сваё сяброўства ў палітычных партыях (дакумент)

Службовыя асобы, якія прыроўненыя да дзяржаўных службовых асобаў, пры займанні адпаведнай пасады падпісваюць «Антыкарупцыйны абавязак». Такі дакумент трапіў у рукі нашага карэспандэнта праз службовую асобу, якая пажадала застацца неназванай.

17.04.2012 У Клімавіцкім раёне абавязаных асобаў прапануюць арыштоўваць

Безумоўна, вялікай сімпатыі гэтак званыя “абавязаныя асобы” не выклікаюць, аднак садзіць людзей за краты за тое, што яны не выйшлі на працу, - вельмі трывожны сігнал. Бальшыня гэтых людзей пакутуюць на алкагалізм і патрабуюць лячэння, дапамогі для адаптацыі ў грамадстве, а не арышту.

17.04.2012 Саньнікава выклікаюць у міліцыю

Вызвалены 14 красавіка з калёніі «Віцьба-3» экс-кандыдат у прэзыдэнты, лідэр грамадзянскай кампаніі «Эўрапейская Беларусь» Андрэй Саньнікаў мусіць 17 красавіка аб 11 гадзіне зьявіцца ў міліцыю Першамайскага раёну Менску. Такую позву ён атрымаў увечары 16 красавіка.

16.04.2012 Зьміцер Бандарэнка: “Фантастычнае адчуваньне волі” (відэа)

Новы фільм з цыклу “Хроніка суднага часу”, які з’явіўся ў інтэрнэце, прысьвечаны палітвязьню Зьміцеру Бандарэнку.

16.04.2012 МУС не каментуе інфармацыю пра новага сукамерніка Статкевіча

У Міністэрстве ўнутраных спраў Беларусі БелаПАН адмовіліся каментаваць інфармацыю аб новым сукамэрніку экс-кандыдата ў прэзідэнты Мікалая Статкевіча.

16.04.2012 «Платформа»: Да Статкевіча падсадзілі ўдзельніка «эскадрона смерці»

Такія звесткі праваабарончая ініцыятыва атрымала з магілёўскай турмы №4.

16.04.2012 Кнігі для вязняў

Бярозаўскія грамадскія актывісты, якія наведваюць палітвязня Паўла Севярынца, сабралі і перадалі для вязняў спецкамендатуры № 7 вёскі Куплін да 70-ці кніг на розную тэматыку. Кнігі давозіліся двойчы. Яшчэ вязняў чакае 19 кніг -- у асноўным беларускіх пісьменнікаў, перададзеных біблятэкай сярэдняй школы вёскі Сялец.

16.04.2012 Дзяржвыданне папракае кіраўнікоў, якія не падпісалі свае калектывы

«Гэта ж якую трэба абыякавасць мець, каб не чытаць мясцовую газету! Вось вам чыстай вады ідэалогія, дакладней, адсутнасць яе прысутнасці. Такім пытаннем трэба сур'ёзна заняцца кіраўнікам, і іх намеснікам па ідэалагічнай працы», - нагадвае галоўны рэдактар «Жыцця Палесся».

16.04.2012 Быхаўчанін спрабуе прыцягнуць да адказнасці міліцыянта, які падрабіў пратакол

Барыс Бухель: "На кану стаіць гонар, імідж і прэстыж магілёўскай міліцыі. Калі ў яе шэрагах працуюць такія прайдзісветы і іншыя спрабуюць такіх пярэваратняў пакрываць, то што можна казаць пра бяспеку нашых грамадзянаў і прымяненне закону на практыцы”.

16.04.2012 Абмежаванне на выезд Атрошчанкава - незаконнае

Рашэнне аб накладанні штрафу Атрошчанкаў у касацыйным парадку абскардзіў, і яно да гэтага часу лічыцца не ўступіўшым у сілу. Ды і пасля ўступлення ў законную сілу павінен яшчэ прайсці час для пачатку выканаўчай вытворчасці і прыняцця рашэння аб прымусовым выкананні ў выпадку адмовы ад выплаты.

16.04.2012 Ціск на палітвязняў дзеля прашэнняў пра памілаванне праваабаронцы будуць расцэньваць як катаванні

Гэта адзначае намеснік старшыні Праваабарончага цэнтра “Вясна” Валянцін Стэфановіч, каментуючы вызваленне Андрэя Саннікава і Змітра Бандарэнкі.

16.04.2012 Палепшыць ўмовы ўтрыманьня на Акрэсціна планавалася яшчэ ў 2009 годзе

У незалежных СМІ перыядычна з’яўляецца інфармацыя пра нездавальняючыя, а часам і проста жахлівыя ўмовы ўтрыманьня арыштаваных і затрыманых ў Цэнтры ізаляцыі правапарушальнікаў у Менску.

16.04.2012 На карабліках — “Свабоду палітвязням!”

15 красавіка сябры дэмакратычнага згуртавання Слоніма правялі акцыю на беразе ракі Шчара, прысвечаную беларускім палітвязням. Яны віталі вызваленне Андрэя Саннікава і Дзмітрыя Бандарэнкі, а таксама нагадвалі пра астатніх вязняў, якія да гэтага часу застаюцца ў турмах.

16.04.2012 Віталь Гуляк з Ваўкавыску вітаў вызваленне палітвязняў нацыянальным сцягам

Ваўкавыскі грамадскі актывіст Віталь Гуляк 15 красавіка адзначыў выхад на волю палітзняволеных Андрэя Саннікава і Зміцера Бандарэнкі вывешваннем бел-чырвона-белага сцяга на балконе сваёй кватэры. Праз пятнаццаць хвілін у кватэру заявіліся трое міліцыянтаў, якія прапанавалі праехаць з імі для разбіральніцтва.

16.04.2012 Гісторыя адваката Паўла Сапелкі

Складана знайсці ў асяроддзі палітычна актыўных людзей тых, хто не ведаў бы яго імя. І пры згадванні яго шмат хто скажа вам - ён мяне абараняў. Павел Сапелка ўспамінае і параўноўвае працэсы розных перыядаў сваёй кар'еры ў інтэрв'ю сайту Беларускага Хельсінкскага Камітэта.