Праваабарончы цэнтр «ВЯСНА»

Навіны за Сакавік 2012

05.03.2012 Супрацоўнікам гомельскай дзяржаўнай газеты абмежавалі доступ да некаторых сайтаў

Супрацоўнікі гомельскай гарадской газеты «Савецкі раён» на старонках свайго выдання палемізуюць пра перакрыты ім доступ да некаторых інтэрнэт-рэсурсаў. «У нашай асобна ўзятай рэдакцыі доступ да некаторых інтэрнэт-рэсурсаў перакрылі. Напрыклад, да сацыяльных сетак".

05.03.2012 Замест лістоў з волі Мікалай Статкевіч атрымлівае цыдулкі "Ліст не прайшоў цэнзуры"

Пра гэта паведаміў Леанід Гаравы, актывіст руху "За Свабоду", які перапісваецца з палітвязнямі. Ён распавёў, што атрымаў паштоўку ад Мікалая Статкевіча з паведамленнем, што мінулы ліст палітвязень не атрымаў – толькі пусты канверт з прышпіленай паперкай "Ліст не прайшоў цэнзуры".

05.03.2012 Журналістам распавялі пра фашыстаў

У кабінеце намесніка старшыні выканкама Вячаслава Дурнова журналістаў сустрэў малады чалавек, які адразу падкрэсліў, што сутнасць дадзенай сустрэчы заключаецца ў данясенні да жыхароў рэгіёну інфармацыі аб дзейнасці Дзмітрыя Рыжычэнкі і грамадскай арганізацыі «Сумленне-18».

05.03.2012 У Баранавічах будуць пратэставаць супраць немагчымасці пратэставаць

Намеснік старшыні Баранавіцкай гарадской арганізацыі партыі “Справядлівы свет” Рыгор Дружынін накіраваў пісьмовую заяву ў гарвыканкам на правядзенне адзіночнага пікету. Мэта пікетавання: выказванне пратэсту супраць парушэнняў правоў грамадзян на правядзенне масавых мерапрыемстваў.

05.03.2012 Барысаў: Праваабаронца падарыў віцэ-прэм'еру Канстытуцыю

Пасля заявы віцэ-прэм'ера Анатоля Тозіка аб тым, што наведванне паліклінік трэба зрабіць платным, барысаўскі праваабаронца Алег Мацкевіч адправіў у Саўмін зварот, разам з якім пераслаў і Канстытуцыю РБ.

05.03.2012 У Брэсце запланаваны пікеты, прысвечаныя праблемам даступнага жылля

З ініцытятывай правядзення трох такіх акцый у сакавіку выступілі мясцовыя актывісты Беларускай партыі левых “Справядлівы свет”, якія ўжо перадалі адпаведныя заяўкі ў Брэсцкі гарвыканкам.

05.03.2012 Арцыбашава асудзілі адразу ў дзень вызваленьня з Акрэсціна

Актывіст кампаніі «Гавары праўду!» Аляксандр Арцыбашаў, які пасьля 10 сутак адміністратыўнага арышту павінен быў выйсці на волю, 2 сакавіка быў тэрмінова дастаўлены ў суд, дзе атрымаў яшчэ 7 сутак за ўдзел у акцыі «Хрэн ад прэзыдэнта».

03.03.2012 Атрымаць льготную пенсію настаўніку практычна немагчыма (відэа)

"Згубім настаўнікаў - будзем хадзіць дурныя і п'яныя," - прыводзіць словы прэзідэнта адна з настаўніц у расповедзе пра тое, якімі заканадаўчымі нормамі абмежаванае права настаўнікаў на атрыманне льготнай пенсіі.

03.03.2012 Дзіна Шаўцова: нас проста блакуюць на эпапе ўзгаднення назваў арганізацыі (відэа)

Напачатку 2012 году юрыстка Дзіна Шаўцова разам з аднадумцамі на пачатковым этапе рэгістрацыі плануемай да ўтварэння арганізацыі звярнулася для ўзгаднення назвы мяркуемай НДА ва ўпраўленне юстыцыі Менгарвыканкаму. Але аніводная назва арганізацыі, прапанаваная у заяве, не была ўзгодненая.

02.03.2012 Севярынец адмаўляецца працаваць у нядзелю

Як шчыры вернік, Павел Севярынец адмаўляецца працаваць у нядзелю. Ён спадзяецца ўладзіць з гаспадаром пытанне аб выходным дні 11 сакавіка. Павел лічыць здзекам для мільёна ўвацаркоўленых хрысціян перанос працоўнага дня на нядзелю.

02.03.2012 Суд дазволіў сваякам сустрэцца зь Сяргеем Каваленкам

Судзьдзя Першамайскага суду Віцебску Алена Жук дазволіла сваякам Сяргея Каваленкі сустрэцца зь ім у Менскім рэспубліканскім турэмным шпіталі, які цяпер знаходзіцца пры Менскім СІЗА на вуліцы Валадарскага.

02.03.2012 У Магілёўскім беларускамоўным класе засталася адна вучаніца

Двое другіх вучняў другога класу сярэдняй школы №1 перайшлі ў іншую школу. Зміцер Салаўёў, бацька адзінай застаўшайся вучаніцы беларускамоўнай класы адзначае, што змена дзецьмі школы не звязана з мовай навучання, а носіць выключна асабісты характар.

02.03.2012 Любоў Кавалёва: "Мяне падманулі. Спаткання з сынам я так і не дачакалася"

Маці асуджанага за саўдзел у тэракце 11 красавіка да сьмяротнага пакарання Уладзіслава Кавалёва хацела скарыстацца правам на спатканне з сынам. У студзені ёй не ўдалося прыехаць на спатканне, а ў лютым у СІЗА КДБ, дзе ўтрымліваееца Уладзіслаў, спаткання ёй не далі.

02.03.2012 Ініцыяваны адвакацкі запыт у Багушэўскі шпіталь для сухотнікаў

Таццяна Севярынец звярнулася ў адвакацкую кантору, і на яе замову адзін з адвакатаў склаў запыт пра тое, на якіх падставах Валера Ганчарэнку ўтрымліваюць у псіхіятрычным аддзяленні. Паколькі Багушэўскі шпіталь для сухотнікаў – гэта закрытая медычная ўстанова, іншых магчымасцяў даведацца афіцыйныя звесткі пра ягоны стан проста няма