Праваабарончы цэнтр «ВЯСНА»

Навіны за Сакавік 2012

07.03.2012 Анатолю Лябедзьку забаранілі выезд у ЕС

“Чорны спіс” беларускіх апазіцыянераў, якім забаронены выезд за мяжу, існуе і дзейнічае. Сёння на беларуска-літоўскай мяжы лідэру Аб’яднанай грамадзянскай партыі Анатолю Лябедзьку паведамілі, што ён не можа выехаць у краіны ЕС.

07.03.2012 Хто не ведае закону: аблвыканкам ці пракуратура? (дакументы)

Віцебскія актывісты паскардзіліся ў аблвыканкам і ў пракуратуру на тое, што атрымалі пісьмовы адказ на забарону пікету 19 снежня 2011 года са спазненнем на некалькі дзён. І атрымалі лісты цалкам супроцьлеглага зместу: з абласной пракуратуры адказалі, што парушэння не было, а з аблвыканкаму – што пакараюць вінаватых.

07.03.2012 Праваабаронцу афіцыйна папярэдзілі, каб не праводзіў інфармацыйнага пікета пра палітвязняў

Сёння ў Гародні міліцыя папярэдзіла праваабаронцу Віктара Сазонава пра адміністрацыйную адказнасць за правядзенне несанкцыянаванага пікету. Зраніцы яму патэлефанавалі з аддзялення міліцыі і спыталі, дзе ён знаходзіцца. Пасля чаго на кватэру Сазонава з’явіўся маёр міліцыі, які нагадаў пра забаронены гарвыканкамам пікет.

07.03.2012 У Слоніме дэмантаваны адзін з чатырох помнікаў Леніну

Гэта адбылося пасля правядзення летась 20 снежня ў Слоніме міжканфесійнага «круглага стала» з удзелам кіраўнікоў выканкама, прадстаўнікоў рэлігійных канфесій горада і раёна, а таксама начальніка аддзела па справах рэлігіі і нацыянальнасцяў Гродзенскага аблвыканкама Ігара Папова.

07.03.2012 Пацярпелыя за сьцяг “МФ” будуць скардзіцца на паліцыю

“Маладафронтаўцы” Міхась Мускі і Раман Васільеў, затрыманыя 3 сакавіка ў Смаленску пад час канцэрту “Ляпіса Трубяцкога”, будуць скардзіцца на дзеяньні мясцовай паліцыі ў пракуратуру горада. Выходзячы з губернскага клуба, дзе адбываўся канцэрт, яны разгарнулі сьцяг “Маладога фронту”.

06.03.2012 Пікет у падтрымку звольненага Алега Стахаевіча не дазволены

Старшыні Брэсцкага абласнога прафсаюзу радыёэлектроннай прамысловасці Зінаідзе Міхнюк адмоўлена ў правядзенні пікету ў знак салідарнасці са звольненым кіраўніком суполкі незалежнага прафсаюзу на прадпрыемстве «Граніт» у Мікашэвічах Алегам Стахаевічам.

06.03.2012 Бабруйск: Алену Тоўсцік выклікаюць у міліцыю

Бабруйская актывістка АГП, адна з аштрафаваных за запаленыя свечкі, расказала пра ўзнаўленне інтарэса да яе з боку міліцыі. Яе запрашаюць прыйсці ў аддзяленне па тэлефоне, а таксама прыносяць запіскі, зусім не падобныя на афіцыйныя позвы.

06.03.2012 Сваякі Каваленкі робяць усё магчымае каб выратаваць ягонае жыцьцё

Сям’я Сяргея Каваленкі 27 лютага праінфармавала Спецдакладчыка Савета па правах чалавека ААН аб сітуацыі з палітвязнем, які пасьля новага прысуду 24 лютага працягвае трымаць галадоўку. Дакумент быў падрыхтаваны з дапамогай віцебскіх праваабаронцаў. А тым часам ягоная жонка Алена сустрэлася з ім на Валадарцы

06.03.2012 Бабруйскія актывісты даслалі лісты і паштоўкі палітвязням (фота)

Грамадскія актывісты з Бабруйска даслалі лісты і паштоўкі беларускім палітвязням. Акцыю ў падтрымку палітвязняў арганізавалі мясцовыя актывісты “Гавары праўду”. Прадстаўнікі грамадзянскай супольнасці збіраюцца рабіць усё магчымае, каб аказаць дапамогу праваабаронцу Алесю Бяляцкаму, накіраванаму адбываць пакаранне ў Бабруйскую калонію.

06.03.2012 Змітру Бандарэнку не прысвоілі групу інваліднасці

Каардынатару кампаніі «Еўрапейская Беларусь», даверанай асобе кандыдата ў прэзідэнты Андрэя Саннікава на выбарах-2010 Змітру Бандарэнку, які адбывае пакаранне ў магілёўскай калоніі № 15, не прысвоілі групу інваліднасці.

06.03.2012 Аршанскі РАУС з доктарам Сайковым прымусова кадуюць ад алкагалізму

Аршанская міліцыя практыкуе прымусовае кадаванне ад алкагалізму з дапамогай доктара-псіхатэрапеўта Дзмітрыя Сайкова. Збіраюць людзей, якія п'юць, з усяго сельсавета, прывозяць у адзін з дамоў культуры, дзе Сайкоў за сціплыя 550000 з чалавека ажыццяўляе свой гаючы сеанс. Нядаўна 75 чалавек прайшлі кадаванне ў Забалоцкім ДК.

06.03.2012 Сябры Брэсцкага абласнога РЭП наведалі апальных работнікаў “Граніта”

На дадзены момант улады прыдумалі новы захад ціску праз ваенкамат: непакорных забраць “у партызаны” і гэта нягледзячы на тое, што ў аднаго з самых актыўных жонка вучыцца і двое малых дзетак. Ваенкамат не звярнуў увагі на прадстаўленую пра гэта даведку.

06.03.2012 Фундацыя Дамоў Правоў Чалавека праінфармавала ААН пра працяг парушэння правоў чалавека ў Беларусі (тэкст заявы)

Фундацыя Дамоў Правоў Чалавека, якая мае адмысловы дарадчы статус пры Радзе па правах чалавека ААН, накіравала ў кампетэнтны міжнародны орган заяву, у якой паведамляе пра становішча з правамі чалавека ў нашай краіне ад часу прыняцця апошняй Рэзалюцыі па Беларусі на 17-ай сесіі Рады.

06.03.2012 Праваабарончая праграма “Людзьмі звацца!” на Радыё Рацыя

Госць рубрыкі “Асоба. Дзяржава. Грамадства” – намеснік старшыні Праваабарончага цэнтру “Вясна” Валянцін Стэфановіч. Ён распавядае пра асаблівасці адміністратыўнага пераследу актывіста Паўла Вінаградава, а таксама пра гісторыю ганебнай практыкі адвольных затрыманняў на Беларусі.