Праваабарончы цэнтр «ВЯСНА»

Навіны за Сакавік 2012

14.03.2012 У Чавускім раёне завяршылася акцыя “Не!” – брыдкаслоўю”

Вынікі акцыі, якая працягвалася месяц, былі падведзены на пасяджэнні “круглага стала”. Высветлілася, што ў нашай краіне не толькі дэмакратычныя актывісты напярэдадні грамадскіх акцый, а і тое, што “в милицейской Академии курсанты много сквернословят”.

14.03.2012 У Віцебску затрымалі Алену Каваленку разам з сямімесячнай дачкой

Разам з Аленай Каваленка у міліцыю Першамайскага раёна Віцебска забралі грамадскага актывіста Сяргея Парсюкевіча і яшчэ некалькіх ягоных паплечнікаў.

14.03.2012 Супраць жыхароў “Уручча-2” задзейнічалі спецназ

Жыхароў мікрараёна “Уручча-2” спецназаўцы выціснулі з пляцоўкі, на якой збіраюцца пабудаваць шматпавярховы дом. Людзям пагражалі затрыманнямі і арыштамі на 15 сутак.

14.03.2012 Уладзімір Няпомняшчых спаганяе з міліцыі 9 мільёнаў маральнай шкоды за незаконнае змяшчэнне ў ІЧУ

14 сакавіка ў судзе Цэнтральнага раёна Гомеля адбылося папярэдняе паседжанне па грамадзянскай справе актывіста АГП і Руху «За свабоду!», пенсіянера МУС Уладзіміра Няпомняшчых. Апазіцыянер спаганяе праз суд маральную шкоду ў памеры 9 мільёнаў рублёў за незаконнае ўтрыманне ў ІЧУ. Працэс вядзе суддзя Ірына Кавалевіч.

14.03.2012 Віцебскія ўлады ўспомнілі пра "грамадскае абмеркаванне"

У гарвыканкаме вырашылі правесці апытанне, ці варта паставіць помнік віцебскаму князю Альгерду. Дзіўная паслядоўнасць: у 2010 годзе гарвыканкам ужо правёў конкурс на лепшы макет помніка і вызначыў пераможцу. У 2011 годзе ўжо быў усталяваны пастамент пад скульптурную выяву . Цяпер нарэшце вырашылі пацікавіцца грамадскай думкай.

14.03.2012 У Мінгарвыканкам не звярталіся за дазволам на канцэрты, якія былі адмененыя

Пра гэта паведамляецца ў адказе дзяржустановы на зварот грамадскай кампаніі “Рок-салідрнасць” адносна сітуацыі з адменай канцэртаў беларускіх гуртоў. “Рок-салідарнасць” заклікае аматараў беларускай музыкі далучацца да кампаніі па адмене так званых “спісаў забароненых музыкаў”.

14.03.2012 На Магілёўскім хлебзаводзе №4 з кожным бунтаром індывідуальна будзе працаваць ідэолаг

А адміністрацыя прадпрыемства патрабуе абвяржэння “хлуслівай” інфармацыі ў інтэрнэце. У адваротным выпадку кіраўніца “Магілёўхлебпрамам” Наталля Падлесных пагражае судовай справай аўтарам артыкулаў.

14.03.2012 Трэба ратаваць жыццё Сяргея Каваленкі (відэа)

Актывісты грамадзянскай супольнасьці Віцебску абмеркавалі сітуацыю, што склалася вакол сітуацыі з Сяргеем Каваленкам, асуджаным да 2-х гадоў і 1 месяца калоніі ва ўмовах агульнага рэжыму. На дадзены момант палітвязень знаходзіцца ў мінскім турэмным шпіталі і па-ранейшаму адмаўляецца прымаць ежу. Што рабіць, каб дамагчыся спынення галадоўкі?...

14.03.2012 У Брэсцкім раёне забаронена правядзенне 15 пікетаў

Усе гэтыя акцыі ставілі на мэце прыцягнуць увагу да збяднення насельніцтва і былі заяўлены мясцовымі актывістамі Беларускай партыі левых “Справядлівы свет”. Такім чынам іх арганізатары мелі намер выказаць свой пратэст супраць далейшага росту коштаў на асноўныя тавары і паслугі.

14.03.2012 Сёння Еўрапарламент правядзе дэбаты па Беларусі

14 сакавіка Еўрапарламент правядзе дэбаты аб сітуацыі ў Беларусі ў рамках пленарнай сесіі ў Страсбургу. На мінулым тыдні віцэ-спікер Еўрапарламента Яцак Пратасевіч заяўляў, што на гэтай сесіі беларускае пытанне абмяркоўвацца не будзе.

14.03.2012 Брэсцкія ўлады дазволілі пікет, прысвечаны праблемам даступнага жылля

Упершыню за апошні час мясцовы гарвыканкам станоўча адрэагаваў на намер заяўнікаў правесці падобную акцыю. Ініцыятарам дазволенага пікету з’яўляецца сябра брэсцкай арганізацыі Беларускай партыі левых “Справядлівы свет” Лявонцій Чыпурных.

14.03.2012 Раёнкі Міншчыны ганьбяць апазіцыю і праваабаронцаў

У чарговы раз ад дзяржаўных прапагандыстаў дасталося і апазіцыйным лідэрам, і праваабаронцам, пра якіх узгадваецца толькі ў двухкоссі. Як штосьці вельмі недарэчнае, “старое як свет”, аўтар падае патрабаванні неадкладна вызваліць палітзняволеных і перагледзець вынікі прэзідэнцкіх выбараў.

14.03.2012 Карняенка просіць Генпракуратуру знайсці спісы невыязных апазіцыянераў

Лісты з патрабаваннем патлумачыць прычыны забароны на выезд з Беларусі ён накіроўвае ў Генпракуратуру, Памежны камітэт і аддзел па грамадзянстве і міграцыі.

14.03.2012 Шэф-рэдактара «Нашай Нівы» Андрэя Дынько ссадзілі з цягніка на Вільню

Яму заявілі, што ён знаходзіцца ў спісах невыязных з Беларусі.

14.03.2012 Барысаўскі праваабаронца праінфармаваў спецдакладчыка ААН пра суды над актывістамі

Праваабаронца Алег Мацкевіч накіраваў паведамленне пра нядаўнія суды над барысаўскімі актывістамі Анатолем і Ігарам Аскерка і Іванам Шутко спецыяльнаму дакладчыку па пытанні аб заахвочванні і абароне права на свабоду меркаванняў і іх свабоднае выказванне (пры Савеце па правах чалавека ААН).