Праваабарончы цэнтр «ВЯСНА»

Навіны за Сакавік 2012

16.03.2012 Рагачоўскага актывіста Дзяніса Дашкевіча звольнілі з працы

Грамадскі актывіст з райцэнтра Рагачоў Гомельскай вобласці Дзяніс Дашкевіч застаўся без працы – 13 сакавіка з ім не падоўжыла кантракт раённае спажывецкае таварыства, уладальнік кавярні «Брыз» - «сам ведаеш за што», «вельмі актыўнічаеш».

16.03.2012 Любоў Кавалёва просіць адтэрмінаваць сьмяротную кару для сына

Маці Ўладзіслава Кавалёва, асуджанага за тэракт у менскім мэтро, напісала прашэньне на імя Аляксандра Лукашэнкі. Яна просіць адкласьці выкананьне сьмяротнага прысуду, пакуль зварот яе сына не разгледзяць у ААН.

16.03.2012 Апазіцыянер патрабуе беларускамоўных адказаў з райвыканкаму

Актывіст Кансэрватыўна-хрысціянскай партыі БНФ Ян Дзяржаўцаў падаў скаргі ў аблвыканкам і ў пракуратуру на дзеянні чыноўніка, які парушыў Закон Рэспублікі Беларусь “Аб зваротах грамадзян і юрыдычных асобаў”, што ўступіў у сілу 22 студзеня гэтага году.

16.03.2012 Па загаду ідэолагаў у брэсцкіх аўтобусах спынена акцыя “Чытай беларускае”

Ініцыятыва правядзення акцыі належыць абласному моладзеваму грамадскаму аб’яднанню “Дзедзіч” і шэрагу іншых арганізацый Брэста, якія вырашылі заахвоціць жыхароў да беларускамоўнай літаратуры і дамовіліся з мясцовым аўтапаркам, каб вытрымкі з твораў вядомых пісьменнікаў змяшчаліся ў гарадскіх аўтобусах у якасці рэкламы.

16.03.2012 Дэпутату Вілейскага райсавету адмовілі ў правядзенні пікету

Дэпутат Вілейскага раённага Савета дэпутатаў Іосіф Маціюн атрымаў адмову ў правядзенні пікета супраць парушэння ягоных канстытуцыйных правоў, якраз на Дзень канстытуцыі, паведамляе сайт vialejka.org.

16.03.2012 Бабруйск: Другі этап агульнанацыянальнай дыктоўкі прысвяцілі палітвязням (фота)

Вечарам 15 сакавіка ў бабруйскім офісе АГП прайшоў другі этап агульнанацыянальнай дыктоўкі. Мясцовыя дэмакраты прысвяцілі яго беларускім палітвязням.

16.03.2012 Адвакат Уладзіслава Кавалёва падаў у Вярхоўны суд наглядную скаргу

Паводле маці Уладзіслава Кавалёва, у скарзе пададзены кароткі пералік парушэнняў заканадаўства па справе "тэрарыстаў". Таксама ў ёй напісана, што абарона рыхтуе яшчэ адну, дадатковую наглядную скаргу, але пасля таго, як Станіслаў Абразей зможа ўдакладніць пэўныя акалічнасці са сваім падабаронным.

16.03.2012 Берасьцейскаму каардынатару БХД Алесю Чаркашыну пракалолі колы ў аўто

У аўтамабілі каардынатара аргкамітэту па стварэнні Партыі "Беларуская Хрысціянская Дэмакратыя" па Берасьці Алеся Чаркашына пракалолі тры з чатырох колаў. Палітык бачыць у гэтым палітычны падтэкст.

16.03.2012 Грамадзяне выступаюць за таемнае галасаванне на пленуме Вярхоўнага суда

Каля 250 зваротаў грамадзян 14 сакавіка было перададзена ў Адміністрацыю прэзідэнта Рэспублікі Беларусь і старшыні Вярхоўнага суда з просьбай ўвесці працэдуру тайнага галасавання на пасяджэннях пленума Вярхоўнага суда. Пра гэта паведаміла лідэр Грамадзянскай ініцыятывы супраць беззаконня ў судах і пракуратуры, юрыст Тамара Сяргей.

16.03.2012 Аб абмежаванні свабоды перамяшчэння ў дачыненні да грамадзян Беларусі

Міжнародная назіральная місія патрабуе ад уладаў Беларусі вярнуць сітуацыю са "спісамі невыязных" у прававое поле

16.03.2012 Пісьменнікі рашуча выказаліся супраць ганьбавання і дыскрымінацыі беларускай мовы

Сакратарыят ГА “Саюз беларускіх пісьменнікаў” распаўсюдзіў заяву, у якой выказаў абурэнне пазіцыяй уладаў адносна беларускай мовы.

15.03.2012 Еўрапарламент адклаў прыняцце рэзалюцыі па Беларусі

У Еўрапейскім парламенце да наступнага паседжання ў канцы месяца адкладзена галасаванне па праекце рэзалюцыі з заклікам аб пераносе чэмпіянату свету па хакеі 2014 года ў іншую краіну.

15.03.2012 Вольга Завадская: Я дачакаюся праўды аб сыне

Споўнілася 10 год, як вынесены прысуд па справе аб знікненні тэлеаператара Дзмітрыя Завадскага. Але за 10 хутка праляцеўшых гадоў праўда пра лёс журналіста так і не стала вядомай - распавяла маці зніклага аператара Вольга Завадская ў гутарцы з карэспандэнтам "Радыё Рацыя" Генадзем Барбарычам.

15.03.2012 Любоў Кавалёва заклікала Лукашэнку ўвесці мараторый на смяротнае пакаранне

Любоў Кавалёва працягне звяртацца ва ўсе магчымыя інстанцыі, каб абараніць сына. Напрыклад, у Савет Еўропы, а таксама да кіраўніцтва Расіі. Яна спадзяецца, што гэта можа спыніць выкананне смяротнага пакарання ў дачыненні яе сына, а таксама Дзмітрыя Канавалава і паспрыяць увядзенню мараторыя.

15.03.2012 Іван Шыла патрабуе закрыць Цэнтр ізаляцыі правапарушальнікаў у Мінску

Актывіст міжнароднай маладзёжнай арганізацыі "Малады фронт" (Чэхія) Іван Шыла патрабуе закрыць Цэнтр ізаляцыі правапарушальнікаў (ЦІП) на вуліцы Акрэсціна ў Мінску да прывядзення яго ў адпаведнасць з патрабаваннямі заканадаўства.