Праваабарончы цэнтр «ВЯСНА»

Навіны за Сакавік 2012

17.03.2012 Уладзіслава Кавалёва і Дзмітрыя Канавалава расстралялі (ліст з Вярхоўнага суду)

Сваякі Улада Кавалёва атрымалі паведамленне з Вярхоўнага Суду, адпраўленае 16-га сакавіка, аб тым, што прысуд прыведзены ў выкананне. Як стала вядома Tut.by, прысуд у дачыненні Дзмітрыя Канавалава таксама выкананы.

17.03.2012 Віктар Сазонаў: Грамадства павінна раздзяляць адказнасць кожнага грамадзяніна (відэа)

"Смяротную кару на сённяшні момант прымяняюць выключна для таго, каб замесці сляды злачынства іншых людзей", - лічыць праваабаронца Віктар Сазонаў.

17.03.2012 Алег Гулак: Грамадства змывае з сябе іх кроўю віну за тое, што адбываецца ў самім грамадстве (відэа)

На думку старшыні Беларускага Хельсінкскага Камітэту Алега Гулака, "смяротнае пакаранне -- гэта прынясення ахвяры". Грамадства такім чынам здымае з сябе адказнасць за тое, што выхавала злачынцу. Фрагмент дыскусіі пра смяротнае пакаранне ў Беларусі.

17.03.2012 За “Сьметнік гісторыі" – 10 сутак арышту

Суд Савецкага раёна Менска ў другой палове дня 16 сакавіка асудзіў актывіста "Zмены" Уладзіміра Бачылу на 10 сутак арышту за арганізацыю несанкцыянаванай акцыі (арт. 23.34 КаАП РБ). Адміністратыўны пратакол, скаладзены на Арцёма Кузьміна быў накіраваны на дапрацоўку ў Савецкі РУУС.

17.03.2012 Любоў Кавалёва і абсурд

Піша Ян Максімюк

17.03.2012 Праваабаронцы: расстрэл Кавалёва супярэчыць усім міжнародным нормам

Прывядзенне ў выкананне смяротнага прысуду ў дачыненні да Уладзіслава Кавалёва супярэчыць усім міжнародным нормам, лічыць кіраўнік юрыдычнай камісіі праваабарончага грамадскага аб’яднання «Беларускі Хельсінкскі камітэт» Гары Паганяйла. Пра гэта ён заявіў у інтэрв’ю БелаПАН.

17.03.2012 Святлана Жук: Чаму я не магу прыйсці на магілу свайго сына? (відэа)

Маці расстралянага Андрэя Жука, Святлана Жук, гаворыць пра смяротнае пакаранне ў Беларусі.

17.03.2012 Пад час акцыі каля кітайскай амбасады ў Менску затрыманы Яўген Контуш

У другой палове дня 16 сакавіка каля амбасады Кітайскай Народнай Рэспублікі ў Менску пад час правядзеньня акцыі быў затрыманы адзін з лідэраў беларускіх нацыянал-бальшавікоў Яўген Контуш. Выходныя ён правядзе ў Цэнтры ізаляцыі правапарушальнікаў на Акрэсціна.

17.03.2012 “Гэта з міліцыі, калі вы не прыедзеце, вашага сябра затрымаем на 3 сутак”

Такое СМС прыйшло на нумар 24-гадовай дзяўчыны, якую міліцыя спрабавала выклікаць на размову.

16.03.2012 Загад аб “недапушчэнні беларусіфікацыі” ў дзеянні

Галоўны ідэолаг Салігорскага раёну М. І. Маскевіч не ўзгадніў просьбу мясцовай суполкі ТБМ аб правядзенні 5-й агульнанацыянальнай дыктоўкі на верш Максім Танка “Родная мова”, прысвечанай Міжнароднаму дню роднай мовы. Чыноўнік у сваім пісьмовым адказе адмову аніяк не матываваў.

16.03.2012 Андрэй Палуда: “Вельмі жахліва, калі чалавек прымае рашэнне за другога, жыць альбо ня жыць”

Каардынатар кампаніі "Праваабаронцы супраць смяротнага пакарання", Андрэй Палуда, каментуе рашэнне аб непамілаванні Канавалава і Кавалева.

16.03.2012 Суддзя Пятрова разгледзіць законнасць свайго ж прысуду?

Дзіўныя рэчы адбываюцца з адміністратыўнай справай жыхара Гародні Руслана Пяцько, які 10 лютага быў пакараны суддзёй Ленінскага раёну Аленай Пятровай нібыта за адмову ад дактыласкапіі. На сваю касацыйную скаргу Пяцько атрымаў паведамленне, што яна будзе разглядацца ў памяшканні аблсуду - суддзёй Аленай Пятровай.

16.03.2012 Мінадукацыі: папярэджаньні ад рэктара “спрыяюць рэалізацыі права на адукацыю”

Аляксандр Салдаценка, адлічаны ў лютым з Мінскага дзяржаўнага лінгвістычнага ўніверсітэта за ўдзел у акцыях салідарнасьці з палітзняволенымі, атрымаў адказы з Міністэрства адукацыі і Пракуратуры Партызанскага раёну Менска на свае скаргі з нагоды неправамоцнага папярэджаньня, вынесенага рэктарам МДЛУ Натальляй Баранавай.

16.03.2012 У Оршы зменены месцы для правядзення масавых акцый

Цяпер яны знаходзяцца на закінутых і малалюдных ўскраінах. 15 сакавіка дзяржаўная «Аршанская газета» апублікавала рашэнне Аршанскага гарвыканкама № 74, прынятае яшчэ 30 студзеня. У адпаведнасці з ім зменены месцы для правядзення сходаў, мітынгаў і пікетавання.