Праваабарончы цэнтр «ВЯСНА»

Навіны за Сакавік 2012

21.03.2012 КДБ спрабуе пазбавіць Віктара Бузінаева апякунства над бацькамі?

Старшыня бабруйскай суполкі АГП Віктар Бузінаеў даведаўся з тэлефанавання сацыяльных работнікаў, што яго збіраюцца пазбаўляць апекі над бацькамі. Актывіст упэўнены, што робяць гэта па палітычных матывах.

21.03.2012 Бабруйчанін, якога аб’явілі ў вышук, насамрэч міліцыі не патрэбны

Бабруйскі актывіст Вячаслаў Шэлег пайшоў мяняць правы на кіраванне аўтамабілем у ДАІ і нечакана даведаўся, што знаходзіцца ў вышуку. У мясцовым УУС яму нават выдалі на рукі адпаведную даведку, з якой … адпусцілі дахаты.

21.03.2012 Камітэт па правах чалавека ААН: Беларусь абавязана выдаваць целы расстраляных і паведамляць пра дату смерці іх сем'ям

Маці Уладзіслава Кавалёва звярнулася да Аляксандра Лукашэнкі з просьбай выдаць ёй цела расстралянага сына. Раней Камітэт ААН па правах чалавека ўжо прыняў рашэнне, якое абавязвае Беларусь выдаваць целы пакараных смерцю іх сваякам і паведамляць пра дату смерці.

21.03.2012 Украіна асудзіла пакаранне смерцю Канавалава і Кавалёва

Украіна падтрымлівае заяву Еўрасаюза, які асудзіў смяротнае пакаранне абвінавачаных у тэракце ў мінскім метрапалітэне.

20.03.2012 Віцебскую актывістку аштрафавалі за салідарнасць з Сяргеем Каваленкам

Алена Семенчукова, актывістка "Еўрапейскай Беларусі", выйшла ў цэнтр гораду з плакатам "Свабоду Сяргею Каваленку". Яе затрымалі і склалі пратакол за парушэнне заканадаўства пры правядзенні вулічных акцый. Суддзя Чыгуначнага райсуду Алена Цыганкова аштрафавала дзяўчыну на 175 тысяч рублёў. Алена збіраецца аспрэчыць штраф.

20.03.2012 Барысаўчанка хоча звярнуцца да прэзідэнта - каб абараніць сваё права на нармальнае жыццё (відэа)

Шматдзетнай маці Станіславе Рагоўскай ў Барысаўскім райвыканкаме не раз абяцалі, што дадуць сацыяльнае жыллё ў сувязі з цяжкім становішчам. Абяцанні так і засталіся абяцаннямі.

20.03.2012 Нарвэгія зьвярталася да Беларусі не праводзіць расстрэлаў

Міністар замежных спраў Нарвэгіі — краіны, якая летась у ліпені перажыла сэрыю тэрактаў, Ёнас Гар Сторэ выступіў з рэзкім асуджэньнем расстрэлу падазраваных у тэрарызьме беларусаў Кавалёва і Канавалава.

20.03.2012 Орша: улады выкарыстоўваюць новаўвядзенні пры забаронах пікетаў

На гэты раз чыноўнікам Аршанскага гарвыканкама не спадабалася, што актывісты партыі «Справядлівы свет» не ўказалі ў заяўках крыніцы фінансавання пікетаў сацыяльна-эканамічнай тэматыкі.

20.03.2012 У Гародні міліцыя апярэджвае гарвыканкам

Заяўнікі мітынгу ў Гародні на Дзень Волі 25 сакавіка дагэтуль не атрымалі афіцыйнага адказу з мясцовага гарвыканкаму. Тым часам супрацоўнікі міліцыі ўжо ходзяць па кватэрах актывістаў і папярэджваюць пра адміністратыўную адказнасць за правядзенне несанкцыянаваных мерапрыемстваў.

20.03.2012 У Слоніме абскарджаваюць забарону мітынга да 25 Сакавіка

Са скаргай у пракуратуру Слонімскага раёна і ў Гродзенскі аблвыканкам звярнуліся жыхары горада Мікалай Ракевіч і Іван Шэга. Скаргу слонімцы напісалі ў сувязі з адмовай райвыканкама ў правядзенні мітынга, прысвечанага 25 Сакавіка.

20.03.2012 Актывісты Бялыніцкага раёна віншуюць палітвязняў з Днём Волі

“Віншаванні давялося ў асноўным пісаць ў лістах, бо, на жаль, віншавальных паштовак са святам 25 Сакавіка здолелі набыць усяго некалькі, - распавядае Барыс Вырвіч. – Мы пажадалі палітвязням захоўваць аптымізм і веру ў тое, што ў хуткім часе ўсё будзе добра".

20.03.2012 Салігорская грамада склала свой "чорны спіс"

Грамадскія дзеячы Салігорску у свой “чорны спіс” ўнеслі асобаў, датычных да палітычнага пераследу і фальсіфікацый выбараў у рэгіёне. Гэта больш за два дзясяткі чалавек, сярод іх адыёзныя прадстаўнікі ўлады, некалькі суддзяў асобы, якія ў мінулым “засвяціліся”, займаючы высокія пасады.

20.03.2012 Актывісты Слоніма падалі заяўку на пікет за вызваленне Каваленкі

Досвед гэтага і мінулых гадоў паказвае, што Слонімскі райвыканкам падобных мерапрыемстваў праводзіць не дазваляе. Сябры дэмакратычнага згуртавання горада запланавалі пікет на 4 красавіка.

20.03.2012 Адказнасць за жыццё

"І калі ёсць пасля 1996-га году хоць адзін нявінна забіты дзяржаўнай машынай чалавек, то кожны грамадзянін гэтай краіны нясе адказнасць за гэтае загубленае жыццё. І той хто агітаваў на рэферэндуме за кару смерці, і той, хто галасаваў за яе. І той хто не прыйшоў галасаваць, тым самым абыякава паставіўшыся да пытання жыцця і смерці. І нават той, хто прагаласаваў супраць. Бо не змог адстаяць сваю праўду. Пабаяўся. Ці яшчэ горш – паленаваўся", - піша праваабаронца і публіцыст Віктар Сазонаў.

20.03.2012 Грамадскія актывісты Гомельшчыны стварылі фільм пра сталінскія рэпрэсіі

У Гомелі актывісты кааліцыі «Наша альтэрнатыва» скончылі здымкі і мантаж дакументальнага фільму «Лінія Сталіну – Гомельскі рэгіён». Аўтары паказалі альтэрнатыўны погляд на «Лінію Сталіна» - што гэта не абарончы рубеж у Мінскай вобласці, а лінія тэрору і рэпрэсій супраць народа, якая прайшла амаль праз кожную сям'ю.