Праваабарончы цэнтр «ВЯСНА»

Навіны за Люты 2012

04.02.2012 “Вясна”: паўгода без Алеся Бяляцкага

Паўгода Праваабарончы цэнтр “Вясна” працуе без свайго кіраўніка – Алеся Бяляцкага. Праваабаронца быў затрыманы 4 жніўня 2011 года, а 24 лістапада асуджаны да 4,5 гадоў калоніі ўзмоцненага рэжыму з канфіскацыяй маёмасці.

04.02.2012 У Гомелі Мірон вывесіў бел-чырвона-белы сцяг з нагоды дня нараджэння Тадэвуша Касцюшкi (фота)

Раніцай 4 лютага ля гомельскай сярэдняй агульнаадукацыйнай школы №69 невядомы Мірон вывесіў бел-чырвона-белы сцяг. Школа знаходзіцца на гарадской магістралі – праспекце Кастрычніка ў Савецкім раёне Гомеля. На высокім шпілі сцяг правісеў з 6-ці раніцы да 10-й гадзіны дня.

04.02.2012 Генпракурора просяць даць ацэнку выказванням Лукашэнкі

Сябра партыі “Справядлівы свет” Віктар Цяпін з Баранавічаў звярнуўся да Генеральнага пракурора з просьбай даць прававую ацэнку выказванням А. Лукашэнкі адносна маніпуляцыяў з галасамі выбаршчыкаў.

03.02.2012 Кіраўніцтва «Белай Русі» агітавала жыхароў Хойнікаў уступаць у арганізацыю

Намеснікі старшыні «Белай Русі» Сяргей Пігароў падчас візіту ў Хойнікі даводзіў жыхарам, што наперадзе парламенцкія выбары, і грамадская арганізацыя - будучая партыя будзе як вылучаць сваіх кандыдатаў, так і працаваць у выбарчых камісіях і назіральнікамі. А грамадскія прыёмныя аб'яднання будуць выконваць функцыі выбарчых штабоў.

03.02.2012 У Брэсце адкрылася выстава забароненых кніг

Выстава “100 забароненых кніг свету” падрыхтавана з выданняў, якія захоўваюцца ў Брэсцкай абласной бібліятэцы. Асноўную частку экспазіцыі, якая налічвае больш за 130 асобнікаў, складаюць творы беларускіх пісьменнікаў, доступ да якіх у свой час быў абмежаваны.

03.02.2012 Барысаў. «Заканадаўчае новаўвядзенне» абярнулася электроннай адпіскай

Праваабаронцу Алегу Мацкевічу не прыйшлося 15 дзён чакаць электроннага адказу з Барысаўскага райвыканкама на свой зварот у электронную прыёмную з нагоды арганізацыі ў горадзе масавых мерапрыемстваў. Адказ намесніка старшыні Барысаўскага райвыканкама Валянціны Шутко стаў чарговай адпіскай, з той толькі розніцай, што пасланы ў электронным выглядзе.

03.02.2012 Магілёўскія актывісты ставяць пад сумнеў правядзенне ўладамі сустрэчаў з насельніцтвам

Актывіст незалежнага прафсаюза радыёэлектроннай прамысловасці падаў скаргу ў Пракуратуру Ленінскага раёна Магілёва. Аляксей Паўлоўскі патрабуе пракурорскай праверкі па фактах правядзення гарвыканкамам сустрэч з грамадзянамі ў кастрычніку-лістападзе 2011 года. Ён просіць абавязаць чыноўнікаў прадаставіць поўную дакументальна пацверджаную інфармацыю пра правядзенне сустрэч у гэты перыяд і прыцягнуць да адказнасці вінаватых у імітацыі дзейнасці чыноўнікаў.

03.02.2012 Савет Рэспублікі: артыкул 193-1 “ахоўвае агульнапрынятыя правы чалавека і яго асноўныя свабоды”

Савет Рэспублікі не бачыць неабходнасці ініцыяваць скасаванне артыкула 193-1 Крымінальнага Кодэкса Рэспублікі Беларусь, бо "ён ахоўвае агульнапрынятыя правы чалавека і яго асноўныя свабоды і не парушае міжнародных стандартаў у галіне правоў чалавека".

03.02.2012 Суд над Мікалаем Чарнавусам перанесены на 10 лютага

Баранавіцкі гарадскі суд 3 лютага 2012 года разглядаў адміністратыўную справу старшыні ініцыятыўнай групы ГА “Кабзар” Мікалая Чарнавуса. Судовае паседжанне вёў суддзя Станіслаў Півавар, сакратар – Святлана Еўдакіменка. У зале суда прысутнічала віцэ-консул Генеральнага консульства Украіны ў Брэсце Ірына Чабатарова.

03.02.2012 Былы міліцыянт Казлоў судзіцца, каб ягонае затрыманьне прызналі незаконным

3 лютага ў Менскім гарадзкім судзе павінен адбыцца разгляд касацыйнай скаргі падпалкоўніка міліцыі ў запасе Мікалая Казлова.

03.02.2012 Брэст: ФПБ не задаволена асвятленнем падзеяў на “Граніце”

Кіраўніцтва Брэсцкага абласнога аб’яднання Фэдэрацыі прафсаюзаў Беларусі (ФПБ) вырашыла адрэагаваць на публікацыі ў незалежным выданні “Брестский курьер”, датычныя падзей на прадпрыемстве “Граніт” у Мікашэвічах, дзе працоўныя заявілі пра выхад з афіцыйнага прафсаюза і стварэнне незалежнай суполкі.

03.02.2012 Вярхоўны суд пакінуў вырак Саньнікаву бязь зьменаў

Вярхоўны суд не задаволіў скаргу адвакатаў на вырак былому кандыдату на прэзыдэнта Андрэю Саньнікаву.

03.02.2012 Суд над Мікалаем Чарнавусам працягнецца 10 лютага

Судзілі Мікалая Чарнавуса за тое, што ў сваёй заяве, пададзенай у гарвыканкам наконт правядзення пікета, ён падпісаўся як “старшыня грамадскага аб’яднання “Кабзар”, якое Брэсцкі аблвыканкам адмовіўся зарэгістраваць.

03.02.2012 Следчы камітэт хоча забраць будынкі ў дзяцей Віцебшчыны

Як паведаміў Рацыі глыбоцкі журналіст і грамадскі актывіст Кастусь Шыталь, гарадскі Цэнтр пазашкольнай работы збіраюцца перадаць створанаму восенню 2011 года Следчаму камітэту.

03.02.2012 Менгарсуд прызначыў дату разгляду скаргі Стэфановіча

Разгладя касацыйнай скаргі намесніка кіраўніка ПЦ “Вясна” Валянціна Стэфановіча на судовую пастанову пра спагнанне падаткаў адбудзецца ў Менскім гарадскім судзе 13 лютага і пачнецца а 15-ай гадзіне.