Праваабарончы цэнтр «ВЯСНА»

Навіны за Люты 2012

06.02.2012 Дэмакратычная супольнасць Віцебска заклікае да салідарнасці з Сяргеем Каваленкам

4 лютага на сходзе камітэту па падтрымцы Сяргея Каваленкі сябры Партыі БНФ, Руху «За свабоду», аргкамітэту па стварэнні партыі БХД, «Еўрапейскай Беларусі», БСДП(НГ), кампаній «Народны сход» і «Гавары праўду» падпісалі супольную заяву. Яны заклікаюць грамадскасць да салідарнасці са зняволеным у СІЗА сябрам КХП БНФ.

06.02.2012 Абласны суд пакінуў штраф за свечкі ў сіле

6 лютага Арцём Мархасёў, адзін з чацвярых аштрафаваных “за парушэнне Закона аб масавых мерапрыемствах” – менавіта так было расцэнена запальванне свечак на Дзяды, атрымаў рашэнне з абласнога суда па сваёй скарзе.

06.02.2012 Акцыя ў Празе “Беларусь: Правы чалавека выселілі”

Раніцай 6 лютага каля брамы амбасады Рэспублікі Беларусь зьявіліся аўтамабілі з мэбляй і лозунгамі “Беларусь: правы чалавека выселілі”. Так пачалася акцыя ў падтрымку беларускага праваабаронцы Алеся Бяляцкага і Праваабарончага цэнтру “Вясна”.

06.02.2012 «Справядлівы свет» рыхтуе 5 пікетаў у Брэсцкім рэгіёне

Прадстаўнікі Беларускай партыі левых «Справядлівы свет» падалі заяўкі на правядзенне 18 лютага трох пікетаў у Брэсцкім раёне і па адным — у абласным цэнтры і Баранавічах. Падчас згаданых мерапрыемстваў плануецца засяродзіць увагу на сацыяльных праблемах вяскоўцаў, збяднення насельніцтва і росту цэнаў.

06.02.2012 “Бабруйскае жыццё”: замест інфармацыі -- прапаганда

У Бабруйску адной з галоўных праблем застаецца тое, што з-за невысокіх заробкаў ці адсутнасці працы шмат людзей з’язджае ў іншыя краіны. Таму тут працягваецца змаганне з народнай незадаволенасцю з дапамогай ідэалогіі. Ідэя простая: запэўніць людзей, што ўсё калі не зараз добра, то абавязкова так будзе.

06.02.2012 У Круглянскім раёне супрацоўнікі міліцыі скіраваныя на ўзмацненне пакарання

Старшы інспектар крымінальна-выканаўчай інспекцыі Круглянскага РАУС, маёр міліцыі Т. Падаляк выказалася за тое, каб усе правапарушальнікі, якія адбываюць пакаранне, былі пазбаўлены ўсялякіх шансаў на датэрміновая вызваленне.

06.02.2012 Маральна-псіхалагічны клімат у калектывах будуць падтрымліваць прафсаюзы разам з ідэолагамі

Баранавіцкія гарадскія ўлады патрабуюць ад прафсаюзных работнікаў пісаць агульныя планы з ідэолагамі. Такая дырэктыва паступіла ад старшыні Баранавіцкага гарвыканкама Віктара Дзічкоўскага ў час планёркі, на якую паклікалі як ідэолагаў прадпрыемстваў, так і прафсаюзных начальнікаў.

06.02.2012 Воўчак абскардзіў свой арышт

У скарзе праваабаронца Алег Воўчак піша, што сваёй віны не прызнае, а пастанову судзьдзі Аляксандра Якунчыхіна лічыць «незаконнай і неабгрунтаванай».

06.02.2012 Разгляд касацыйнай скаргі па справе Крутога адбудзецца 10 лютага

На 10 лютага прызначаны разгляд касацыйнай скаргі ў Менгарсудзе па справе Аляксандра Крутога. 6 сьнежня суддзя суду Маскоўскага раёну Менска Аляксандар Кострыкаў у закрытым паседжаньні прызнаў Аляксандра Крутога псіхічна неўраўнаважаным і прызначыў яму прымусовае лячэнне.

06.02.2012 У Нью-Ёрку прайшоў мітынг у падтрымку беларускіх палітвязняў

4 лютага у Нью-Ёрку, побач з штаб-кватэрай Арганізацыі Аб’яднаных Нацыяў прайшла акцыя ў падтрымку беларускіх палітвязняў. Удзельнікі акцыі трымалі партрэты Міколу Статкевіча, Алеся Бяляцкага, Андрэя Саннікава, Змітра Бандарэнку. Акцыю арганізавала Беларуска-амерыканскае згуртаванне “Пагоня”.

06.02.2012 Зьміцер Бандарэнка напісаў прашэньне аб памілаваньні

Пра гэта стала вядома 4 лютага, калі ён патэлефанаваў з калёніі сваёй жонцы Вользе. Палітвязень сказаў, што напісаў прашэньне 1 лютага.

05.02.2012 Вынік галоснасці: кошты за камунальныя паслугі ў спецкамендатуры Купліна зніжаны

У “хімікаў” Куплінскай спецкамендатуры №7, дзе адбывае пакаранне палітвязень Павел Севярынец, -- добрая навіна. Пасля інфармацыйнай хвалі, якая пракацілася ў інтэрнэце, кіраўніцтва камендатуры паведаміла асуджаным, што плата за камунальныя паслугі за студзень зніжана з 340 да 140 тысячаў беларускіх рублёў.

05.02.2012 Аляксандр Круты сцвярджае, што ягоная дачка да гэтага часу не атрымала кампенсацыю як ахвяра тэракту

Жыхар Мінска Аляксандр Круты, які зараз знаходзіцца ў СІЗА на Валадарскага і чакае там этапу на прымусовае псіхіятрычнае лячэнне па рашэнню суду, даслаў чарговы ліст гомельскаму актывісту кааліцыі «Наша альтэрнатыва» Кастусю Жукоўскаму.

05.02.2012 Прадпрымальнік з Баранавічаў адстойвае дэмакратычныя працэдуры

Індывідуальны прадпрымальнік Мікола Чарнавус з Баранавіч накіраваў скаргі Генеральнаму пракурору, у Адміністрацыю прэзідэнта і абласную пракуратуру, дзе просіць апратэставаць вынікі выбараў Савета прадпрымальнікаў на кааператыўным рынку гораду.

05.02.2012 Для ўзгаднення назвы ўстановы “Панцеляймон” чыноўнік прапанаваў доктару звярнуцца да святога

Слонімскі доктар Іван Шэга ўжо не адзін месяц спрабуе зарэгістраваць грамадскую інфармацыйную ўстанову для пацыентаў “Панцеляймон” у гонар святога Панцеляймона. Каля 15 розных адмоўных адказаў атрымаў ён з аддзела па вядзенні Адзінага дзяржаўнага рэгістра.