Праваабарончы цэнтр «ВЯСНА»

Навіны за Люты 2012

07.02.2012 Актывіст абскарджвае рашэнне раённага суда

Брэсцкі каардынатар Руху «За Свабоду» Дзяніс Турчаняк падаў касацыйную скаргу на рашэнне суда Ленінскага раёна Брэста, які раней адмовіў у задавальненні скаргі Дзяніса Турчаняка на незаконныя дзеянні намесніка старшыні гарвыканкама.

07.02.2012 Зняволеным Бабруйскай калоніі забаранілі мець зносіны з праваабаронцамі

У Бабруйскай калоніі зняволеным забаранілі мець зносіны з "Платформай". Такое сакрэтнае распараджэнне было прынята адміністрацыяй ПК-2.

07.02.2012 Бабруйск: “Калі вызваляць палітвязняў?” (фота)

6 лютага на гарадскіх вуліцах з’явіліся ўлёткі кампаніі “Гавары праўду” з важнымі пытаннямі, якія б людзі хацелі задаць уладам наўпрост. На аркушах паперы былі такія пытанні: “Калі вызваляць палітвязняў?”, “Калі выбары стануць празрыстымі?”, “Чаму парламент нічога не вырашае?”, “Хто спыніць рост коштаў?” і гэтак далей.

07.02.2012 У Бялыніцкім раёне на спецыялістаў ускладаюць функцыі наглядчыкаў

Дырэктар ААТ “Новая Друць” Уладзімір Канавалаў выдаў загад, згодна якому за кожнай абавязанай асобай замацаваны галоўны спецыяліст гэтай гаспадаркі. Саміх спецыялістаў абурае той факт, што замест выканання сваёй непасрэднай працы яны павінны выступаць наглядчыкамі.

07.02.2012 Урад Беларусі – супраць разгляду скаргі Кавалёвых у ААН

Урад Беларусі лічыць непрымальным разгляд скаргі маці ды сястры Уладзіслава Кавалёва аб парушэнні права на жыццё ў Камітэце правоў чалавека ААН, бо не вычарпаныя ўнутраныя сродкі абароны. Гэта вынікае з адказу ўраду, які прыйшоў у Камітэт правоў чалавека ААН.

07.02.2012 Журналістку газеты "Витебский курьер" міліцыянеры прасілі "проста так" паказаць багажнік машыны

Юлія Канаплёва, якую затрымалі 6 лютага ўвечары, "проста так" нічога паказваць не стала – запатрабавала, каб супрацоўнікі міліцыі прывезлі пастанову на агляд і складалі пратакол у прысутнасці незалежных панятых. На ўсё гэта сышло больш за тры гадзіны.

07.02.2012 У Салігорску ўжо за гэты год забаронена 18 акцый пратэсту

Правядзенне яшчэ шасці масавых мерапрыемстваў забаронена ў Салігорску. Агулам ад пачатку году мясцовыя ўлады не далі правесьці 18 акцый пратэсту. Гэтым разам арганізатары абскардзяць выканкамаўскія забароны ў пракуратуры ды аблвыканкаме.

07.02.2012 Асамблея НДА ўручыць прэміі “Чэмпіёны грамадзянскай супольнасці”

Сёньня адбудзецца штогадовая цырымонія ўзнагароджаньня выбітных прадстаўнікоў і арганізацыяў грамадзянскай супольнасьці Беларусі “Чэмпіёны грамадзянскай супольнасьці”. Прэмія была запачаткаваная Асамблеяй няўрадавых дэмакратычных арганізацый.

07.02.2012 Пракуратура вырашыла не заводзіць справу на Сяргея Міхалка

У словах лідара “Ляпісаў” пракуроры не знайшлі грамадска небяспечнага ўчынку, але вяртацца ў Беларусь музыкант пакуль не збіраецца.

07.02.2012 ДАІ затрымала журналістку "Віцебскага Кур'ера"

6 лютага прыкладна ў 17.30 ДАІ ў чарговы раз затрымала для праверкі машыну рэдактара "Віцебскага Кур'ера".

07.02.2012 Ператрус у актывісткі «Нашага дому»

Супрацоўнікі міліцыі прыйшлі з ордэрам на агляд жытла ў межах часткі 2 артыкула 22.9 Адміністратыўнага кодэксу — яе падазраюць у парушэньні заканадаўства аб сродках масавай інфармацыі.

06.02.2012 «Левыя» не здаюцца

Сябры Аршанскай гарадской партыі левых «Справядлівы свет» будуць працягваць дамагацца дазволу на правядзенне пікетаў пратэсту. Нягледзячы на забарону ў студзені мясцовымі ўладамі правядзення пікетаў пратэсту супраць пагаршэння эканамічнага становішча насельніцтва, росту беднасці і галечы, сябры гарадской партыі зноў падалі заяўкі.

06.02.2012 Агляд-хроніка парушэнняў правоў чалавека ў Беларусі. Студзень 2012 году

У студзені стан правоў чалавека ў Беларусі заставаўся крытычным. У месцах пазбаўлення волі знаходзіліся 15 палітвязняў, асуджаных за сваю палітычную і грамадскую дзейнасць. Назіралася далейшае звужэнне магчымасцяў рэалізацыі свабоды мірных сходаў, свабоды асацыяцыяў і свабоды слова.

06.02.2012 Камісія па памілаванні разгледзіць прашэнні Саннікава і Бандарэнкі

Камісія па памілаванні збіраецца ўсяго раз на два месяцы. Апошні раз — у кастрычніку. Яна прымае толькі рэкамендацыі для кіраўніка краіны.

06.02.2012 Прафсаюз РЭП падтрымаў рабочых “Граніта”

Актывісты Брэсцкага рэгіянальнага аддзялення Беларускага прафсаюза работнікаў радыёэлектроннай прамысловасці (РЭП) прынялі заяву, ў якой выказваюць падтрымку тым, хто працуе на РУПП “Граніт” у Мікашэвічах і выказаў жаданне стварыць на гэтым прадпрыемстве суполку незалежнага прафсаюза.