Праваабарончы цэнтр «ВЯСНА»

Навіны за Люты 2012

13.02.2012 62 % чытачоў недзяржаўнай газеты “Intex-press” супраць смяротнага пакарання

Баранавіцкая недзяржаўная газета “Intex-press” праводзіць апытанне сярод сваіх чытачоў. 62 % адказалі, што станоўча ставяцца да ідэі замены смяротнога пакарання пажыццёвым зняволеннем пры ўмове, каб асуджаныя да пажыццёвага зняволення не мелі магчымасці датэрмінова вызваліцца.

13.02.2012 “Гульня скончана-2012” — на праспекце Незалежнасці ў Слоніме (фота)

На праспекце Незалежнасці ў Слоніме, паміж самымі густанаселенымі мікрараёнамі Энка і Брэсцкай вуліцай, невядомыя асобы на снезе напісалі вялікімі літарамі —“Gameover-2012”. Слова Game over азначае (англ. game over — «Гульня скончана»).

13.02.2012 Адміністрацыя прэзідэнта: "Беларусь ідзе па шляху абмежавання смяротнага пакарання”

Праваабаронца Валянцін Стэфановіч атрымаў з Адміністрацыі прэзідэнта Рэспублікі Беларусь адказ на свой зварот с просьбай увесці мараторый на смяротнае пакаранне. Гэты зварот быў накіраваны разам з 165 тысячамі іншымі петыцыямі з 30 краінаў 9 снежня 2011 году, напярэдадні Дня правоў чалавека. У адказе гаворыцца, што “Рэспубліка Беларусь паслядоўна ідзе па шляху абмежавання выкарыстання смяротнага пакарання”.

13.02.2012 Аднавіў працу сайт «Маладога фронту»

Узламаны 11 лютага невядомай хакерскай суполкай сайт “Маладога фронту” аднавіў сваю працу. Раней адміністратары рэсурсу паведамлялі пра тое, што ўся інфармацыя з сервера была выдаленая.

13.02.2012 Сёньня ў Менгарсудзе - разгляд скаргі Валянціна Стэфановіча

Разгляд касацыйнай скаргі намесьніка старшыні Праваабарончага цэнтру “Вясна” Валянціна Стэфановіча на судовую пастанову аб спагнаньні падаткаў адбудзецца ў Менскім гарадскім судзе ў 15-00.

13.02.2012 У Андрэя Бандарэнкі мытня канфіскавала ноўтбук

Раніцай ў нядзелю, калі кіраўнік інфармацыйна-асьветніцкай установы «Плятформа» Андрэй Бандарэнка вяртаўся ў Менск з Варшавы, ён быў зьняты зь цягніка на патрабаваньне беларускіх мытнікаў. Тыя паведамілі, што яму трэба прайсьці ў залю догляду для праверкі «магнітных носьбітаў інфармацыі».

11.02.2012 Суд не ўлічыў рашэнне Канстытуцыйнага суду

З гэтай нагоды праваабаронца Барыс Бухель накіраваў заяву ў Канстытуцыйны суд з просьбай патлумачыць, чаму дагэтуль не выконваецца яго рашэнне ад 17.07.2009 “Аб забеспячэнні роўных правоў у сферы працы” аб унясенні дапаўненняў у арт. 14 Працоўнага Кодэксу ў адносна ўзросту, пола і месца жыхарства як дыскрымінацыйных абставінаў.

11.02.2012 Віцебскаму палітыку пагражае крымінальная справа

Супраць Сяргея Рыжова, прэтэндэнта на ўдзел у мінулых прэзідэнцкіх выбарах, узбуджаная выканаўчая вытворчасць за няўплату аліментаў. Пасля ўдзелу ў выбарчай кампаніі ён быў звольнены і з тае пары не можа ўладкавацца на працу, таму ён лічыць гэта "фактам самага грубага палітызаванага ціску”.

11.02.2012 Жыццё Сяргея Каваленкі ў небяспецы

Так лічаць ягоныя сваякі, якім стала вядома, што зняволены ў віцебскім СІЗА актывіст катэгарычна адмовіўся ад прымусовага кармлення. Ён працягвае галадоўку пратэсту, распачатую 19 снежня, прычым у самай радыкальнай форме.

11.02.2012 Слонімцы ратуюць свой футбольны клуб

Сябры Згуртавання дэмакратычных сіл Слоніма пачалі збор подпісаў сярод сваіх землякоў аб захаванні футбольнага клуба “Камунальнік”. Справа ў тым, што старшыня Слонімскага райвыканкама Іосіф Паўлюкевіч вырашыў закрыць і не фінансаваць клуб, які існаваў у горадзе 42 гады, і гэтым самымі пазбавіць тысячы балельшчыкаў сваёй любімай каманды.

11.02.2012 У магілёўскім гарвыканкаме не дазваляюць рабіць копіі дакументаў для абскарджання

Пра гэта паведаміла прадпрымальніца Людміла Крыловіч, якая сутыкнулася з дадзенай праблемай. Жанчына пісала скаргі ў гарвыканкам і аблвыканкам з нагоды непрацягнення з ёй дамовы арэнды ў гандлёвым цэнтры “Прэстан”.

11.02.2012 Генеральная пракуратура не знайшла падцвярджэнняў парушэння выбарчага заканадаўства

В.Цяпін прасіў Генеральную пракуратуру праверыць факты парушэння выбарчага заканадаўства Аляксандрам Лукашэнкам, які на прэс-канферэнцыі ў кастрычніку 2011 года ў парыве шчырасці паведаміў расійскім журналістам, што выбары прэзідэнта ў Беларусі прайшлі па паняццям Захаду, а не па заканадаўству.

11.02.2012 Муляр Аляксей Паўлоўскі застаўся беспрацоўным

Аляксей Паўлоўскі адзначае, што прычынай ягонага звальнення стала ягоная актыўнасць па адстойванні правоў рабочых. Будучы сябрам незалежнага прафсаюза Радыёэлектроннай прамысловасці, Аляксей змагаўся за лепшыя ўмовы працы, паляпшэння бытавых умоваў і тэхнікі бяспекі.

11.02.2012 Тры актывісты "Еўрапейскай Беларусі" затрыманыя ў Дзяржынску (абноўлена)

Сёньня каля 13.30 у Дзяржынску былі затрыманыя тры актывісты "Еўрапейскай Беларусі" Аляксандр Тарнагурскі, Анатоль Жулетнікаў і Ўладзімер Дзенісевіч. Маладыя людзі спрабавалі вывесіць расьцяжку з тэкстам "Свабоду Бяляцкаму!".

10.02.2012 Збіў сваіх супрацоўніц, а праз некалькі год атрымаў прэмію “Чалавек года”

Дырэктар магілёўскага прадпрыемства “Бабушкина крынка” Ігар Кананчук стаў лаўрэатам спецыяльнай прэміі магілёўскага аблвыканкама “Чалавек года” у намінацыі “Вытворчая дзейнасць”. Некалькі год назад яму пагражала да пяці год турмы за збіццё сваіх супрацоўніц.