Праваабарончы цэнтр «ВЯСНА»

Навіны за Люты 2012

15.02.2012 Старшыня Еўрапарламента заклікаў вызваліць Каваленку

Старшыня Еўрапейскага парламента Марцін Шульц заклікаў вызваліць актывіста Кансерватыўна-Хрысціянскай Партыі БНФ Сяргея Каваленку, які трымае галадоўку.

15.02.2012 Лісты ў абарону палітвязняў

Былы палітвязень Сяргей Казакоў і нядаўна выключаны з універсітэта студэнт Аляксандр Вялітчанка накіравалі 14 лютага лісты ў Адміністрацыю прэзідэнта з патрабаваннямі тэрміновага вызвалення палітычных зняволеных Андрэя Саннікава, Змітра Бандарэнкі, Алеся Бяляцкага, Міколы Статкевіча і іншых.

15.02.2012 Івана Шылу пакідаюць на тры тыдні ў ізалятары

Адзін з лідэраў «Маладога фронту» Іван Шыла, затрыманы спецназаўцамі міліцыі напярэдадні ўручэньня «маладафронтаўскай» прэміі «Люблю Беларусь», знаходзіцца ў Цэнтра ўтрыманьня правапарушальнікаў на вуліцы Акрэсьціна. Як паведамілі бацькам апазыцыянэра, тут Іван застанецца на бліжэйшыя тры тыдні.

15.02.2012 Дэпутаты апраўдваюцца за папраўкі у Закон аб масавых мерапрыемствах

Ці не галоўнае пытанне, якое ставілася брэсцкімі актывістамі Беларускай партыі левых “Справядлівы свет” на сустрэчы з дэпутатамі Палаты прадстаўнікоў Ганнай Анішчук і Ларысай Багдановіч, тычылася прынятых беларускім парламентам паправак у Закон аб масавых мерапрыемствах.

15.02.2012 За адмову “адкатваць пальцы” на працоўным месцы -- штраф

Штраф 700 000 беларускіх рублёў вынесла 10-га лютага суддзя Ленінскага раённага суда Гародні Пятрова Алена Аляксандраўна жыхару Гародні Руслану Пецько, да якога яшчэ 27-га снежня 2011 году на працоўнае месца прыйшлі супрацоўнікі міліцыі з патрабаваннем “адкатаць пальцы”.

15.02.2012 Пракуратура лічыць, што Тацяна Севярынец ня мае права ініцыяваць праверку ў шпіталі

Каардынатарка аргакамітэту па стварэнні партыі БХД звярталася ў Віцебскую абласную пракуратуру з тым, каб пракурорскія работнікі правялі праверку ў Багушэўскім шпіталі для хворых на сухоты. Але пракуратура адмовіла.

14.02.2012 Алесь Бяляцкі пакуль яшчэ знаходзіцца ў Жодзіна (ВІДЭА)

Сёння палітвязню Алесю Бяляцкаму перадалі апошнюю перад адпраўкай у калонію перадачу. Учора Наталля Пінчук, жонка асуджанага праваабаронцы, вымушана была ехаць з Мінску ў жодзінскую турму № 8 да начальніка, каб даведацца пра месцазнаходжанне мужа. Па тэлефоне атрымаць інфармацыю не ўдалося.

14.02.2012 Выбітае прашэнне не мае юрыдычнай сілы

«Да лета гэтага году палітвязні будуць выпушчаныя», – мяркуе кіраўнік гарадзенскага аддзялення праваабарончага цэнтру «Вясна» Віктар Сазонаў. А таксама тлумачыць, чаму апазіцыя ўжо не можа паўплываць на сітуацыю з вязнямі сумлення, хоць тэарэтычна магла б.

14.02.2012 Бел-чырвона-белы сцяг у Віцебску – на знак салідарнасці з палітзняволенымі (фота)

Моладзевыя актывісты вывесілі нацыянальны сцяг над шашой, якая злучае мікрараёны “Лучоса” і “Маркаўшчына”. Хлопцы кажуць, што паспрабуюць рабіць гэта рэгулярна – на знак салідарнасці з усімі беларускімі палітвязнямі, і ў прыватнасці з Сяргеем Каваленкам.

14.02.2012 Зварот ПЦ "Вясна" да Сяргея Каваленкі

Праваабарончы цэнтр "Вясна" заклікае актывіста КХП-БНФ Сяргея Каваленку спыніць галадоўку. "Мы заклікаем Вас як мага хутчэй спыніць галадоўку, паколькі сёньняшнія ўлады не паважаюць ні Вашых перакананьняў, ні Вашага жыцьця. Мы лічым Ваш перасьлед выключна палітычным, і заклікаем Вас зьберагчы сваё здароўе для сваёй сям’і, жонкі, дзяцей, а таксама для Беларусі і яе будучыні".

14.02.2012 Барысаў: страйкуюць тыя, хто дрэнна не жыў

У панядзелак, 13 лютага, у цэхах асноўнай вытворчасці на двух прамысловых пляцоўках завода БАТЭ была спыненая праца. Працоўныя такім чынам адрэагавалі на нізкі студзеньскі заробак.

14.02.2012 Вынікі маніторынгу судовага працэсу па справе Алеся Бяляцкага

Праваабарончы цэнтр "Вясна" падрыхтаваў гэты дакумент па выніках маніторынгу судовага працэсу па крымінальнай справе ў дачыненні да старшыні арганізацыі Алеся Бяляцкага.

14.02.2012 У Гародні “Пагоню” адстаялі

Змаганне за права наклеіць выяву “Пагоні” на бакавыя шыбы сваёй уласнай машыны гарадзенец Руслан Пецько пачаў яшчэ летам мінулага году. Тады, 20-га ліпеня, яго выклікалі з працоўнага месца супрацоўнікі гарадзенскага ДАІ, бо палічылі, што ў наклейванні выявы беларускага герба “Пагоня” на шыбах прыватнага аўтамабіля ёсць нейкае парушэнне.

14.02.2012 Маладафронтавец Іван Шыла затрыманы

Як паведаміла ў Фэйсбуку намесьніца старшыні «Маладога фронту» Наста Палажанка, маладафронтаўца Івана Шылу забралі пад офісам ПЭН-цэнтру..

14.02.2012 Пастар царквы “Ян Прадвесьнік” паскардзіўся ў пракуратуру з нагоды ўварваньня ў жытло

Пастар пратэстанцкай супольнасьці “Ян Прадвесьнік” Антоній Бокун накіраваў скаргу ў пракуратуру Маскоўскага раёну Менску на дзеяньні супрацоўнікаў у цывільным, якія ўварваліся ў ягоны дом 8 лютага.