Праваабарончы цэнтр «ВЯСНА»

Навіны за Люты 2012

16.02.2012 Журналістку “Белсата” выдалілі з суда

Журналістку тэлеканала “Белсат” Таццяну Бублікаву выдалілі з суда і ледзь не прыцягнулі да адміністрацыйнай адказнасці за спробу сфатаграфаваць супрацоўніка міліцыі. Інцыдэнт адбыўся ў судзе Гродзенскага раёна, дзе агалошвалі прысуд былому міліцыянту Дзінасу Лінкусу.

16.02.2012 Гарадзенская абласная пракуратура папярэдзіла журналіста

Гарадзенскі відэааператар Мікола Дзятчэня атрымаў папярэджанне ад Гарадзенскай абласной пракуратуры за працу без акрэдытацыі для канала “Белсат”. Пасля таго, як журналіст атрымаў папярэджанне і падпісаў пратакол, дбаючыя пра законнасць пракурорскія работнікі адмовіліся даць копію гэтага дакумента папярэджанаму, хоць той настойваў на гэтым.

16.02.2012 Брэсцкія дэпутаты не робяць справаздачы перад сваімі выбаршчыкамі

Высветлілася, што ў газету “Вечерний Брест”, адным з заснавальнікаў якой з’яўляецца гарсавет, за мінулы год ніводны з дэпутатаў не прадставіў матэрыялаў пра сваю дзейнасць у выбарачай акрузе. Больш таго, за ўвесь мінулы год гэтае выданне у сваіх публікацыях узгадвала толькі трох асобаў у сувязі з выкананнямі імі дэпутацкіх абавязкаў.

16.02.2012 Аршанскія ўлады ўпарта працягваюць парушаць заканадаўства аб масавых мерапрыемствах

У адпаведнасці з дзеючым заканадаўствам, адказ на заяўкі павінен быць дадзены не пазней, чым за 5 сутак да пачатку масавага мерапрыемства. Тым не менш, па стане на 15 лютага, г.зн. за 3 дні да акцый, заяўнік Мікалай Дзямідаў адказу з Аршанскага гарвыканкама не атрымаў.

16.02.2012 Затрыманьні актывістаў “Еўрапейскай Беларусі”

На кватэры, дзе месьціцца офіс грамадзянскай кампаніі “Еўрапейская Беларусь", пасьля ператрусу ўвечары 16 лютага былі затрыманыя актывісты гэтай кампаніі: Алег Рагоўскі, Аляксандр Салдаценка, Сяргей Лыскоў, Вольга Бандарэнка, Аляксандр Вялітчанка. Усіх іх адвезлі ў Савецкі РУУС Менска.

16.02.2012 Еўрадэпутат патрабуе вызвалення Івана Шылы

Дэпутат Еўрапарламента Марэк Мігальскі звярнуўся да міністра замежным спраў Польшчы Радаслава Сікорскага і амбасадара Польшчы ў Беларусі Лешака Шарэпкі з просьбай умяшацца ў справу актывіста “Маладога фронту” (зарэгістраваны ў Чэхіі) Івана Шылы.

16.02.2012 Заява Прэзідэнта Еўрапарламента Марціна Шульца

Пасля сустрэчы з камісарам па пытаннях пашырэння і палітыкі еўрапейскага суседства Штэфанам Фюле, якая адбылася 14 лютага ў Страсбургу, Прэзідэнт Еўрапейскага Парламента Марцін Шульц зрабіў заяву з асуджэннем сітуацыі ў Беларусі, патрабуючы памілаваць Уладзіслава Кавалёва і Дзмітрыя Канавалава, спыніць пераслед Сяргея Каваленкі і рэабілітаваць ўсіх палітычных зняволеных.

16.02.2012 "Свабодны рэгіён" прапануе падтрымаць палітвязняў

На Полаччыне заснаваны аргкамітэт па стварэнні грамадскага аб'яднання "Свабодны рэгіён". Яго праца ўжо пачалася: створаны адмыслова інтэрнэт-сайт, а на ім размешчана адна з першых прапановаў да землякоў – падтрымаць палітвязняволеных, якія трапілі за краты за сваю палітычную і грамадскую дзейнасць.

16.02.2012 Маладафронтаўца адлічылі з вучобы

Міхась Мускі быў студэнтам 3 курсу БНТУ механіка-тэхналягічнага факультэта. Сёньня хлопец падаў скаргу на імя міністра адукацыі Сяргея Маскевіча.

16.02.2012 Былы палітвязень -- пад пільным наглядам міліцыі

Супрацоўнік Баранавіцкай гарадской міліцыі Віталь Пляшко па тэлефоне выклікаў для размовы ў ГАУС былога палітзняволенага Дзмітрыя Новіка. У пачатку 2011 года грамадскі актывіст Дз. Новік быў асуджаны на 3,5 гады калоніі за ўдзел у акцыі пратэсту 19 снежня 2010 года ў Мінску, але датэрмінова вызвалены 14 верасня.

16.02.2012 Ідэолагі зоймуцца «ідэалагічным забеспячэннем правядзення парламенцкіх выбараў»

На 2012 год перад ідэолагамі Гомельскай вобласці (дарэчы, такія пасады займаюць 1372 чалавекі, а ў рэзерве кадраў – яшчэ больш за 2 тысячы) пастаўлены канкрэтныя задачы абласным кіраўніцтвам.

16.02.2012 Яскевіч і Севярынец падалі наглядныя скаргі

Тацяну Севярынец і Ірыну Яскевіч аштрафавалі за правядзенне 8 кастрычніка 2011 году Народнага сходу: Кастрычніцкі райсуд расцаніў яго як несанкцыянаваную акцыю. Суддзя абласнога суду Ірына Смалякова падзяліла гэтае меркаванне і пакінула пастанову ў сіле.

16.02.2012 У Гомелі звальняюць актывіста БХД (відэа)

У Гомелі адміністрацыя кандытарскай фабрыкі вырашыла не працягнуць кантракт з актывістам Беларускай Хрысціянскай Дэмакратыі Андрэем Падзеруном. Кантракт з ім скончваецца 27 сакавіка 2012 года.

16.02.2012 Андрэй Палуда: "На жаль, беларускія ўлады не прыслухоўваюцца да рэзалюцый Еўрапарламента"

Сёньня дэпутаты Еўрапарламенту абмяркуюць пытаньне сьмяротнага пакараньня ў Беларусі, Егіпце і Японіі. "Беларускія ўлады, на жаль, не асабліва прыслухоўваюцца да рэзалюцый Еўрапарламента. І асаблівых спадзяваньняў на тое, што гэтая рэзалюцыя зможа неяк паўплываць на сітуацыю, у нас застаецца ўсё меньш і меньш”,- мяркуе каардынатар кампаніі “Праваабаронцы супраць сьмяротнага пакараньня” Андрэй Палуда.

16.02.2012 Гомель: удзел у масоўцы за добрыя адзнакі

Па словах навучэнцаў Гомельскага дзяржаўнага машынабудаўнічага ліцэю, ім загадалі ў абавязковым парадку быць на матчы выкладчыкі навучальнай установы, паабяцаўшы ў выніку падпарадкавання добрыя адзнакі і адсутнасць праблем.