Праваабарончы цэнтр «ВЯСНА»

Навіны за Люты 2012

18.02.2012 У пракуратуру выкліканы журналіст “Радыё Рацыя” Віктар Парфёненка

Выклікамі гарадзенскіх журналістаў Алеся Дзянісава і Міколы Дзятчэні гарадзенская абласная пракуратура не абмежавалася. 18-га лютага позву за подпісам усё таго ж пракурора Павядайкі атрымаў журналіст “Беларускага Радыё Рацыя” Віктар Парфёненка.

18.02.2012 Генконсул Украіны заступіўся за баранавіцкіх украінцаў

Генеральны консул Украіны ў Брэсце Іван Баранчык адказаў на зварот дэпутата Валынскай абласной Рады Ігара Гузя наконт просьбы апошняга падтрымаць украінскае аб’яднанне “Кабзар” у Баранавічах і кіраўніка ініцыятыўнай групы Міколу Чарнавуса.

18.02.2012 Родныя Сяргея Каваленкі просяць замяніць галадоўніку меру стрымання

Маці і жонка зняволенага ў СІЗА віцебскага актывіста падалі скаргі ў пракуратуру і старшыні аблвыканкаму Аляксандру Косінцу. Яны просяць прыняць тэрміновыя захады, каб Сяргею Каваленку змянілі меру стрымання, бо ягоная жыццё заходзіцца пад пагрозай.

18.02.2012 Навіны палітвязняў ад Свабоды

Андрэю Саньнікаву ў Віцебскай калёніі знайшлі працу. У Мікалая Аўтуховіча ў выніку перанесенага стрэсу рэзка пагоршыўся зрок. Мікалай Статкевіч спадзяецца на хуткае вызваленьне Андрэя Саньнікава і Алеся Бяляцкага. Зьмітру Бандарэнку забаранілі пазваніць дамоў без тлумачэньня прычын. Прывітаньне ад Эдуарда Лобава прыйшло празь ягонага сябра ў калёніі.

17.02.2012 Пасля 15 адмоваў доктару Шэгу далі дазвол на рэгістрацыю ўстановы

Слонімскі доктар Іван Шэга нарэшце атрымаў дазвол на рэгістрацыю грамадскай інфармацыйнай установы для пацыентаў ад Адзінага дзяржаўнага рэгістра Гродзенскай вобласці.

17.02.2012 Напярэдадні ператрус, пасля- напад

Увечары 17 лютага каля сямі вечара Дзмітрый Рыжычэнка вяртаўся дадому. У прахадной арцы на яго напалі ззаду, моцна ўдарылі па галаве і нанеслі некалькі ўдараў па нырках. Малады чалавек страціў прытомнасць.

17.02.2012 На прадпрыемстве “Граніт” пазбаўляюцца лідара незалежнай прафсаюзнай суполкі

Падставай для звальнення кіроўцы самасвалу БелАЗ Алега Стахаевіча, які з’яўляецца адным з ініцыятараў ставарэння на прадпрыемстве ў Мікашэвічах незалежнага прафсаюза, стала пазбаўленне яго пасведчання кіроўцы.

17.02.2012 Сяргей и Алена Каваленкі пабраліся шлюбам у віцебскім СІЗА

Гэта ўжо паўторны шлюб сямейнай пары, якая пэўны час была разведзена. Яны збіраліся пабрацца зноў, але сябар КХП БНФ Сяргей Каваленка трапіў за краты.

17.02.2012 Алеся Бяляцкага этапавалі ў Бабруйск (відэа)

Зняволенага старшыню Праваабарончага цэнтру “Вясна” Алеся Бяляцкага этапавалі з Жодзінскай турмы №8 ў Бабруйскую папраўчую калонію №2. Пра гэта стала вядома жонцы праваабаронцы Наталлі.

17.02.2012 Праваабаронцы па ўсім свеце працягваюць акцыю салідарнасці з Алесем Бяляцкім

Ініцыятыва Абсерваторыі па абароне праваабаронцаў, падтрыманая 30-цю сяброўскімі арганізацыямі Міжнароднай Федэрацыі за правы чалавека (FIDH), ахоплівае ўсё большую колькасць краінаў і гарадоў. Гэтым разам крэсла віцэ-прэзідэнта FIDH Алеся Бяляцкага пуставала на прэс-канферэнцыі ў Кесон-Сіці (Філіпіны).

17.02.2012 Па слядах ператрусу ў Наваполацку

Наваполацкія актывісты паведамілі, якія падзеі папярэднічалі праведзенаму 16 лютага ператрусу. “У лістападзе 2011 маладымі беларускімі патрыётамі ў г. Наваполацку была створана інфармацыйна-асветніцкая ўстанова “Сумленьне – 18”, мэтай якой была дабрачынная дзейнасць”.

17.02.2012 Андрэй Бандарэнка: бабруйская калонія – адна з найбольш адэкватных у Беларусі

Дырэктар інфармацыйна-асьветніцкай установы “Платформа” Андрэй Бандарэнка, якому давялося адбываць пакараньне ў калоніі №2 ў Бабруйску, распавёў пра ўмовы ўтрыманьня ў гэтым месцы: “Агулам магу сказаць, што ў Бабруйску адна з найбольш адэкватных калоній у Беларусі. Ёсьць месцы куды горшыя".

17.02.2012 Змітра Дашкевіча спрабавалі сілай пасадзіць да “апушчанага”

Сёння ў Глыбоцкай калоніі адбылася сустрэча Дашкевіча з адвакатам.

17.02.2012 У Магілёве актывіст незалежнага прафсаюзу спагнаў грошы са свайго наймальніка

Актывіст Свабоднага прафсаюзу металістаў Алег Аксёнаў дамогся выплаты трохмесячнай дапамогі за парушэнне наймальнікам працоўнага кантракту. Мужчына працаваў грузчыкам на Магілёўскім домабудаўнічым камбінаце, і з ім праз ягоную прафсаюзную актыўнасць не быў працягнуты працоўны кантракт.

17.02.2012 Нязгодным намякаюць на непрыемнасці

У Маладэчне кіраўнікоў прыватных прадпрыемстваў збіраюць на нарады па пытаннях арганізацыі дапамогі ў рэканструкцыі раённых фермаў. Адзін з прадпрымальнікаў на такой нарадзе выступіў супраць здачы сродкаў на гэтыя мэты, на што яму адказалі, што ён робіць “мокрую справу супраць ветру”.