Праваабарончы цэнтр «ВЯСНА»

Навіны за Студзень 2012

04.01.2012 Слонімская “вертыкаль” апрытомнее ад амнезіі?

Сёння раённая газета “Слонімскі веснік” другі раз апублікавала інфармацыю “Аб вызначэнні пастаяннага месца для правядзення мітынгаў, сходаў, пікетаў у горадзе Слоніме". Застаецца спадзявацца, што дзве публікацыі ў газеце вернуць памяць мясцовай вертыкалі, якая ўжо пяць месяцаў спасылаецца ў адмовах на сваё старое рашэнне ад 2002 года.

04.01.2012 У Горках плануюць спілаваць каля 1000 дрэваў

Такім чынам горацкія чыноўнікі рыхтуюцца да свята “Дажынкі-2012”, які ў гэтым годзе пройдзе ў Горках. Каб зняць напружанасць грамадства, мясцовыя ўлады ініцыююць грамадскую дыскусію. Сустрэча галоўных чыноўнікаў горада з мясцовымі актывістамі і жыхарамі мусіць адбыцца сёння ў актавай зале горацкага гарвыканкама.

04.01.2012 У Шклове сацыяльнай установе вымушаны дапамагаць зняволеныя

Напярэдадні Новага года сярод зняволеных Шклоўскай выпраўленчай установы адкрытага тыпу № 49 адміністрацыяй установы была праведзена “разъяснительная работа” з мэтай сабраць грошы для набыцця самага неабходнага для дзяцей, якія выхоўваюцца ў ДУА “Шклоўскі сацыяльна-педагагічны цэнтр”.

04.01.2012 З гомельскага ІЧУ вызвалены Дзмітрый Шаўчэнка

4 студзеня адбыў пяць сутак пакарання гомельскі лідэр інтэрнэт-суполкі «Рэвалюцыя праз сацыяльныя сеткі» Дзмітрый Шаўчэнка. Прычым міліцыянеры, ужо па традыцыі, не выпусцілі ў вызначаны тэрмін актывіста з ІЧУ, а спачатку даставілі яго ў РАУС, а ўжо адтуль адпусцілі. Тым часам сябры і паплечнікі Дзмітрыя чакалі яго каля ізалятара, што ў іншым раёне Гомеля.

04.01.2012 Георгі Станкевіч патрабуе, каб суд спыніў ягоную адміністрыцыйную справу

Выдаўца і рэдактара газеты “Крывінка” з Бешанковіцкага раёну вінавацяць у парушэнні парадку распаўсюду выдання. На 4 студзеня быў прызначаны суд, на які спадар Станкевіч не змог прыйсці з прычыны хваробы, але папярэдне ён даслаў скаргу з патрабаваннем спыніць адміністрацыйны працэс.

04.01.2012 Віктар Чайкоўскі дамагаецца адмены рашэння пра арышт

Віктара Чайкоўскага, які падчас выбараў быў даверанай асобай кандыдата ў прэзідэнты Мікалая Статкевіча, супрацоўнікі міліцыі затрымалі днём 19 снежня 2010 года каля ягонага дома і адвезлі ў Ленінскі РАУС Брэста, дзе склалі адміністратыўны пратакол за нібыта здзейсненае ім дробнае хуліганства. Суд пакараў яго арыштам на трое сутак.

04.01.2012 Іван Шэга судзіцца са Слонімскім райвыканкамам за свабоду мірных сходаў

3 студзеня лідэра Слонімскага аддзялення Партыі БНФ Івана Шэгу выклікалі ў суд Слонімскага раёна. Туды ж былі выкліканы і чыноўнікі са Слонімскага райвыканкама. Іван Шэга лічыць, што шматлікія адмовы мясцовых уладаў у рэалізацыі яго права на мірны сход не заснаваны на законе, груба парушаюць яго правы і законныя інтарэсы, таму і звярнуўся ў суд.

04.01.2012 Уладзіслаў Кавалёў і яго абаронца пачнуць знаёміцца з пратаколамі судовых пасяджэнняў

Прыгавораны да смяротнай кары за саўдзел у тэрарызме Уладзіслаў Кавалёў і яго адвакат Станіслаў Абразей павінны 4 студзеня пачаць азнаямленне з пратаколамі судовых пасяджэнняў. Гэта працэдура завершыцца 16 студзеня.

03.01.2012 Інвалід Марозаў, якога ледзьве не задушылі міліцыянты, шукае праўды ў судзе

6 студзеня у судзе Першамайскага раёна Менска адбудзецца разгляд скаргі пенсіянера Уладзіміра Марозава на адмову ва ўзбуджэньні крымінальнай справы супраць супрацоўнікаў міліцыі, якія без аніякіх падстаў ледзьве не задушылі хворага на цукровы дыябет інваліда. Пачатак суду прызначаны на 9-30.

03.01.2012 Слонімскія ўлады ўсё ж "знайшлі" сваё рашэнне аб правядзенні пікетаў

Нагадаем, што ўвосень мінулага года Слонімскі раённы выканаўчы камітэт неаднаразова адмаўляў жадаючым правесці ў горадзе пікеты на той падставе, што заяўленыя месцы, нібыта не адпавядалі спісу дазволеных для правядзення акцый пратэсту месцаў.

03.01.2012 Няўрадавыя арганізацыі далі наказ новаму міністру юстыцыі

У першыя дні новага 2012 года ў Міністэрства юстыцыі Рэспублікі Беларусь быў накіраваны калектыўны зварот лідэраў вядучых няўрадавых арганізацыяў краіны.

03.01.2012 Жонка збіраецца прасіць Сяргея Каваленку, каб ён спыніў галадоўку

“Я занесла следчаму заяву, каб мне дазволілі спатканне з Сяргеем. Падчас гэтага спаткання я буду прасіць мужа, каб ён перастаў галадаваць. На ягоным баку шмат неабыякавых людзей, якія будуць яго падтрымліваць і так, без галадоўкі. А інакш ён можа не вытрымаць – у яго праблемы з сэрцам, скача ціск".

03.01.2012 Затрыманне за ўлётку 18-гадовай даўніны

Старыя ўлёткі з партрэтам Зянона Пазняка спрычыніліся да чатырохгадзіннага затрымання жыхара вёскі Каробчыцы Гродзенскага раёна Янкі Курчэўскага.

03.01.2012 Гомельскія апазіцыянеры просяць суд прызнаць неправамерным змяшчэнне іх у ІЧУ

Напярэдадні і ў дзень правядзення Народнага сходу Уладзімір Няпомняшчых і Уладзімір Кацора былі затрыманы па абвінавачванні ў парушэнні парадку правядзення масавага мерапрыемства, змешчаны ў ІЧУ, дзе ўтрымліваліся да суду, які адбыўся 10 кастрычніка. Судом яны былі пакараныя штрафамі.

03.01.2012 Праваабарончая праграма “Людзьмі звацца!” на Радыё Рацыя

У “Падзеі тыдня” – чарговы наступ на свабоду слова ў Беларусі. Прычым захады ўладаў у гэтым накірунку выглядаюць больш сур’ёзна і мэтанакіравана, чым гэта рабілася летась. Госць рубрыкі “Чалавек. Асоба. Грамадства” – публіцыст і журналіст Аляксандр Тамковіч.