Праваабарончы цэнтр «ВЯСНА»

Навіны за Студзень 2012

09.01.2012 Мікалая Аўтуховіча збіраюцца перавесці ў турму

На 17 студзеня ў папраўчай калоніі № 5 у Івацэвічах прызначана судовае паседжанне па змене рэжыму ўтрымання Мікалая Аўтуховіча на турэмны. Пра гэта паведаміў былы адвакат палітвязня Павел Сапелка.

09.01.2012 ЗАПРАШЭННЕ НА ПРЭЗЕНТАЦЫЮ У ВІЛЬНІ

16 студзеня Беларускі Дом правоў чалавека супольна з Праваабарончым цэнтрам "Вясна" і Грамадзянскай кампаніяй "Наш Дом" запрашае на прэзентацыю кнігі, календара, дзіцячай размалёўкі, паштоўкі і шэрагу відэа кліпаў, прысвечаных удзельнікам Плошчы-2010.

09.01.2012 Суды над затрыманымі каля будынку КДБ завяршыліся арыштамі

Журналіста Аляксандра Баразенку суддзя Іван Майсейчык пакараў арыштам на 11 сутак за ўдзел у несанкцыянаванай акцыі (арт23.34 КаАП РБ), Мікіту Каваленку - на 15 сутак.

09.01.2012 У Брэсце дамагаюцца праверкі законнасці рашэння наконт правядзення масавых мерапрыемстваў

Валянцін Лазарэнкаў адзначае, што гарвыканкам распрацаваў нормы, якія нельга выканаць, але на гэтай падставе ў мінулым годзе ў Брэсце былі забаронены ўсе масавыя мерапрыемствы, на якія падаваліся заяўкі ад імя актывістаў палітычных партый, грамадскіх арганізацый і незалежных прафсаюзаў.

09.01.2012 Паўлу Севярынцу забаронена перапіска з Яўгенам Васьковічам

Па словах Севярынца, тое, што ён пісаў Васьковічу, мела евангельскі сэнс: не будзь пераможаны злом, але перамагай зло дабром. На думку Паўла, усмешка Васьковіча, за якую ён атрымаў 10 сутак штрафнога ізалятара – гэта значна больш моцная зброя, чым тая бутэлька з гаручай сумессю, якую актывіст кінуў у дзверы Бабруйскага КДБ.

09.01.2012 У Маладэчне збіралі сродкі на білет для прэзідэнта (фота)

У суботу вечарам у Маладэчне ў цэнтры горада, каля цэнтральнага парка, з’явіўся трохлітровы слоік з заклікам здаваць сродкі на білет у Кувейт для прэзідэнта. Мінакі ўсміхаліся, некаторыя кідалі туды дробязь. Зразумела, што дзяжурыць камусьці каля слоіка было небяспечна, таму ягоны лёс застаўся невядомым, але некалькі гадзінаў ён прастаяў дакладна.

09.01.2012 Баранавіцкага прадпрымальніка Мікалая Чарнавуса выклікаюць ў міліцыю

8 студзеня супрацоўнік гарадскога аддзела ўнутраных спраў маёр міліцыі Віталь Дабрачынскі ўручыў позву баранавіцкаму прадпрымальнікаму Мікалаю Чарнавусу. Сам Мікалай Чарнавус лічыць, што ў міліцыі, верагодна, размова пойдзе пра грамадскае аб’яднанне “Кабзар” і ягоную дзейнасць ад імя незарэгістраванай арганізацыі.

09.01.2012 Навагоднія святы многія раёнкі выкарысталі як нагоду для ідэалагічнай прапаганды

Асабліва пастаралася “Маладзечанская газета”: “Галоўнае шчасце краіны” – гэта загаловак артыкула пра галоўнага беларускага палітыка, над яго вялікім фотаздымкам. І па зместу матэрыяла застаецца толькі здагадвацца, што гэты эпітэт, напэўна, прызначаны дзецям, якіх віншаваў прэзідэнт.

09.01.2012 Сайт АГП спрабавалі узламаць

9 студзеня раніцай на працягу некалькіх гадзін сайт Аб’яднанай грамадзянскай партыі быў недаступны.

09.01.2012 Бярозаўскія актывісты на Раство наведалі Паўла Севярынца

Бярозаўскія дэмакратычныя актывісты наведалі палітзняволенага Паўла Севярынца, павіншавалі яго з Калядамі і Нараджэннем Хрыстовым, завезлі калядныя пачастункі. Павел Севярынец выказаў вялікую ўдзячнасць усім, хто не забывае яго ў зняволенні.

09.01.2012 Кіраўніка віцебскай “Моладзі БНФ” выклікаюць у АБЭЗ

Кіраўніка віцебскай суполкі “Моладзі БНФ” Аляксандра Кузьняцова 9 студзеня а 15-й гадзіне выклікаюць у 9-е ўпраўленьне АБЭЗ (па Віцебскай вобласьці) да сьледчага Барысава С.В. У позьве не пазначана, зь якой нагоды і ў якасьці каго выклікаюць Аляксандра.

09.01.2012 Былы падпалкоўнік міліцыі будзе звяртацца ў Следчы камітэт

Пракуратура Мінскай вобласці не знайшла падставаў для правядзення праверкі ў дачыненні супрацоўнікаў салігорскай міліцыі, якія далі ілжывыя сведчанні ў судзе Салігорскага раёну па справе аб маўклівых пратэстах. У сувязі з гэтым былы падпалкоўнік фінансавай міліцыі Вікатар Малочка прыняў рашэнне звярнуцца з адпаведным запытам у новаствораны Следчы камітэт

09.01.2012 Жыхары Горак сабралі ўжо каля 100 подпісаў за захаванне дома, у якім жыў Максім Гарэцкі

Дом, у якім у 1926-1928 гадах жыў у Горках класік беларускай літаратуры Максім Гарэцкі, плануецца знесці ў межах падрыхтоўкі да рэспубліканскіх “Дажынак”, якія павінны прайсці ў горадзе ў 2012 годзе.

09.01.2012 Куды глядзелі супрацоўнікі сацыяльнай абароны?

Напрыканцы мінулага тыдня на шэрагу інтэрнэт-сайтаў з’явілася інфармацыя пра тое, што супрацоўніца аднаго з банкаў у Бялынічах скрала з разліковага рахунка дзяўчынкі-сіраты грошы. Гэтая гісторыя выклікае шмат пытанняў наконт таго, наколькі эфектыўна у нашай краіне арганізаваны працэс аказання дапамогі дзецям-сіротам і людзям з абмежаванымі магчымасці з боку органаў сацыяльнай абароны.

09.01.2012 Слонімскія камвольшчыкі 10 дзён без працы

Работнікі Слонімскай камвольна-прадзільнай фабрыкі 10 дзён знаходзіліся без працы. Прадпрыемства спыніла сваю работу ў канцы мінулага года з-за таго, што склады запоўнены прадукцыяй і няма яе рэалізацыі.