Праваабарончы цэнтр «ВЯСНА»

Навіны за Студзень 2012

10.01.2012 Камітэт абароны журналістаў заклікае неадкладна вызваліць Аляксандра Баразенку

Міжнародная праваабарончая арганізацыя "Камітэт абароны журналістаў" (ЗША) заклікала беларускія ўлады вызваліць Аляксандра Баразенку, асуджанага на 11 сутак арышту.

10.01.2012 Барысаў: З дэмактывістам міліцыянт правёў прафілактычную размову на даму

Сёння ў хаце дэмакратычнага актывіста, сябра Аб'яднанай грамадзянскай партыі, зборшчыка подпісаў за правядзенне Народнага сходу Мікалая Ільюшонка з'явіўся няпрошаны госць - лейтэнант Барысаўскага РУУС Зянькоў.

10.01.2012 У Камітэт ААН па правах чалавека накіравана першая скарга з Беларусі на прымусовую дактыласкапію

Чарговая скарга з Беларусі накіравана 10 студзеня ў Камітэт ААН па правах чалавека. Але ўпершыню беларус скардзіцца на прымусовую дактыласкапію. Старшыня Гомельскай абласной арганізацыі АГП Васіль Палякоў палічыў, што, прымушаючы яго да здачы адбіткаў пальцаў, дзяржава парушае Міжнародны пакт аб грамадзянскіх і палітычных правах.

10.01.2012 Пракуратура не выявіла фактаў жорсткага абыходжання з Аўтуховічам

Пракуратура Брэсцкай вобласці адмовіла ва ўзбуджэнні крымінальнай справы па фактах жорсткага абыходжання з Мікалаем Аўтуховічам, паколькі падчас праверкі выявіць факты сістэматычнай знявагі яго асабістай годнасці ці схілення яго да самагубства з боку адміністрацыі калоніі “не прадставілася магчымым”.

10.01.2012 Жыхары Бярозы змаглі пазнаёміцца з “Апошнім словам праваабаронцы Алеся Бяляцкага на судзе”

Стваральнікі “Бярозавага веніка” такім чынам вырашылі зрабіць больш публічнай інфармацыю пра дзейнасць Праваабарончага цэнтру “Вясна” і рэпрэсіўныя дзеянні ўлады, якая супрацьдзейнічае намаганням па абароне грамадзян, правы якіх парушаюцца.

10.01.2012 У спыненні крымінальнай справы Сяргея Каваленкі адмоўлена

Жонка віцебскага актывіста распавяла, што адвакат яе мужа атрымаў адмову з Першамайскай раённай пракуратуры, куды звяртаўся з заявай пры спыненне крымінальнага пераследу Сяргея Каваленкі.

10.01.2012 Кіраўнік віцебскай “Моладзі БНФ”: "Следчыя марнуюць мой час"

Цягам тыдня кіраўніка віцебскай суполкі “Моладзі БНФ” Аляксандра Кузняцова выклікалі на допыт ва ўправу па барацьбе з арганізаванай злачыннасцю – спачатку па тэлефоне без позвы, потым з позвай, але без належных запісаў. Урэшце допыт, прызначаны на 9 студзеня, быў перанесены на 10, але так і не адбыўся.

10.01.2012 У Мёрскім раёне ўдзельнікаў устаноўчага зьезду БХД прымушаюць адмаўляцца ад подпісаў

Пра тое, што прыхільнікаў стварэння партыі "Беларуская Хрысціянская дэмакратыя" прымушаюць адклікаць свае подпісы, паведаміў жыхар Мёраў, мясцовы каардынатар аргкамітэту БХД Багуслаў Мацук. Паводле ягоных словаў, ціск быў аказаны на 5 чалавек.

10.01.2012 Баранавіцкія чыноўнікі вінавацяць прадпрымальніка Мікалая Чарнавуса ў самаўпраўстве

Мікалай Чарнавус паведаміў, што з Баранавіцкага гарвыканкама ў пракуратуру быў накіраваны ліст, у якім сказана, што актывіст парушае заканадаўства пры стварэнні грамадскага аб’яднання ўкраінскай дыяспары “Кабзар”. Таксама Мікалая Чарнавуса вінавацяць у абразе мясцовай улады.

10.01.2012 Праваабарончая праграма “Людзьмі звацца!” на Радыё Рацыя

У рубрыцы “Падзея тыдня” – чарговая хваля надзвычайнай цікавасьці праваахоўных органаў да дзейнасьці моладзевай арганізацыі “Малады фронт”. Госцем рубрыкі “Асоба. Дзяржава. Грамадства”стала актывістка “Еўрапейскай Беларусі” Марыя Касьян, якая распавяла пра палітычна матываваны адміністратыўны перасьлед сябраў сваёй арганізацыі.

10.01.2012 Сяргей Каваленка адмаўляецца спыніць галадоўку пратэсту

9 студзеня змешчанага ў СІЗА віцебскага актывіста наведаў адвакат. Ён распавёў жонцы Сяргея Каваленкі, што той вельмі схуднеў, але галадоўку спыняць не хоча. Зняволенага штодня аглядаюць медыкі, якія ўводзяць яму глюкозу для падтрымання. Жонка актывіста Алена Каваленка ўражаная тым, што Сяргея перавялі ў адзіночную камеру.

09.01.2012 Бабруйск рыхтуецца да прыезду Лукашэнкі

Некаторыя бабруйчане выказваюць шкадаванне, што маршрут Лукашэнкі не пралягае ў занядбаных раёнах горада, з разбітымі дарогамі і неахайнымі будынкамі. Яны мяркуюць, што гэта бадай адзіная магчымасць, каб гарадскія ўлады звярнулі увагу на іх патрэбы без напісання скаргаў і просьбаў дапамагчы.

09.01.2012 «Справаводства па-беларуску!» прапануе трансляваць рэкламу на дзвюх дзяржаўных мовах

Грамадзянская кампанія «Справаводства па-беларуску!» звярнулася да дэпутатаў Палаты прадстаўнікоў Нацыянальнага Сходу з прапановай падтрымаць змены ў артыкулы 10 і 32 закона «Аб рэкламе». Прапанаваныя змены, на думку актывістаў кампаніі, павінны забяспечыць стварэнне і трансляцыю рэкламнай прадукцыі на дзвюх дзяржаўных мовах.

09.01.2012 “Малады фронт” у чарговы раз спрабуюць застрашыць

Актывісты зарэгістраванай ў Чэхіі арганізацыі “Малады Фронт” не хаваюць заклапочанасьці новай хваляй ціску на ягоных сябраў шляхам пагроз і застрашэньня з боку супрацоўнікаў КДБ, якія дапытвалі іх пад час адбыцця арышту ў Цэнтры ізаляцыі правапарушальнікаў на Акрэсціна.

09.01.2012 Бабруйск: Міхаіл Кавалькоў атрымаў адказ з УУС

Нагадаем, што напрыканцы мінулага года ў УУС былі накіраваныя скаргі супраць СПБ - ад кіраўніцтва завода, за нібыта вырабленыяы абразлівыя улёткі. У сваю чаргу і Міхаіл Кавалькоў напісаў туды ж скаргу ў сувязі з абразай яго годнасці і гонару.