Праваабарончы цэнтр «ВЯСНА»

Навіны за Студзень 2012

13.01.2012 Акцыя салідарнасці з палітвязнямі ў Бабруйску

Акцыя салідарнасці з палітвязнямі адбылася 12 студзеня ў Бабруйску. На вуліцах горада ў розных месцах было вывешана каля сотні інфармацыйных улётак, у якіх змяшчаўся заклік “Усім палітвязням свабоду!”. Правядзенне акцыі салідарнасці было прымеркавана да судовага працэсу над Мікалаем Статкевічам.

13.01.2012 За салідарнасць з Сяргеем Каваленкам будуць судзіць сябра "Адзінай Расіі"

Пётр Іваноў, грамадзянін Расійскай Федэрацыі, быў затрыманы за распаўсюд улётак з заклікам падтрымаць зняволенага віцебскага апазіцыянера ў судзе. Супрацоўнікі Кастрычніцкага РАУС спачатку склалі на яго пратакол за заклік да несанкцыянаванай акцыі, але потым перапісалі абвінавачанне на больш звыклае – "лаяўся матам".

13.01.2012 Брэст: абласны суд не задаволіў скаргу Віктара Чайкоўскага

Жыхар абласнога цэнтра, які падчас апошніх выбараў быў даверанай асобай кандыдата ў прэзідэнты Мікалая Статкевіча, спрабаваў абскардзіць вырак суду Ленінскага раёна Брэста, які прыняў рашэнне спыніць справу аб адміністратыўным правапарушэнні ў адносінах да актывіста ў сувязі з заканчэннем тэрмінаў для накладання спагнання.

13.01.2012 «Голос разума» палохае спэцназ

У Гомелі 12 студзеня блізу Цэнтральнага рынку затрыманы старшыня абласной арганізацыі Аб’яднанай грамадзянскай партыі Васіль Палякоў і сябра гэтай партыі Ўладзімер Няпомняшчых.

12.01.2012 Глыбокае: "Калі выпусцяць палітзняволеных?” (фота)

Улёткі з пытаннямі, якія кампанія "Гавары праўду" збірала падчас грамадскага абмеркавання, можна ўбачыць у самых людных месцах райцэнтру. Каля крамы, да прыкладу, вывешаны аркушык з пытаннем №35 "Калі спыніцца рост коштаў?", а каля фанернай фігуры міліцыянта "дзядзі Сцёпы" – пытанне № 28 "Калі выпусцяць палітзняволеных?"

12.01.2012 Суддзя намерана высветліць, ці законнымі былі забароны пікетаў у падтрымку Бяляцкага ў Слоніме

Сёння ў памяшканні суда Слонімскага раёна павінна было адбыцца судовае паседжанне па скарзе лідэра мясцовай суполкі Партыі БНФ Івана Шэгі на дзеянні Слонімскага райвыканкаму. Суддзя Наталля Радзіонік суд прызначыла на 19 студзеня, матывуючы гэта тым, што яна павінна дасканала вывучыць справу.

12.01.2012 У Магілёве суд прызнаў законнай дыскрымінацыю па ўзросту пры ўладкаванні на працу

Праваабаронца Барыс Бухель адзначае, што гэта першы суд на ягонай памяці, калі закраналася пытанне ўзроставай дыскрыміцыі ў краіне. Па выніках суда выявіўся цэлы шэраг нестыковак у Працоўным кодэксе і Законе “Аб занятасці”.

12.01.2012 Сяргей Каваленка аштрафаваны на 140 тысяч рублёў (відэа)

У Першамайскім райсудзе Віцебску завяршыўся разгляд адміністрацыйнай справы апазіцыйнага актывіста, якога прызналі вінаватым у хуліганстве. Суддзя Вольга Іванова аштрафавала Сяргея Каваленку за нібыта нецэнзурную лаянку на адрас супрацоўнікаў інспекцыі па выкананні пакаранняў.

12.01.2012 Барысаў: Рэдактар выканкамаўскай газета раіць недзяржаўным журналістам пакінуць Беларусь

Рэдактар газеты Барысаўскага райвыканкаму “Адзiнства” Вера Пратасевіч праз сваё выданне вызначыла, хто з журналістаў прыстойны, а хто не, і параіла «непрыстойным» «змяніць месца жыхарства і краіну».

12.01.2012 Суд не задаволіў скаргу гомельскіх праваабаронцаў на адмову ў правядзенні пікету

12 студзеня суддзя Цэнтральнага раёна Гомеля Сяргей Шыцікаў пакінуў без задавальнення скаргу гомельскіх праваабаронцаў Леаніда Судаленкі і Анатоля Паплаўнага на рашэнне гарвыканкама аб забароне пікету. Масавае мерапрыемства грамадзяне планавалі правесці на плошчы Паўстання Гомеля 10 снежня, да Міжнароднага дня правоў чалавека.

12.01.2012 У Гомелі затрыманы Васіль Палякоў і Уладзімір Няпомняшчых

Каля Цэнтральнага рынку Гомеля прыблізна ў 15.50 былі затрыманы старшыня абласной арганізацыі АГП Васіль Палякоў і актывіст партыі Уладзімір Няпомняшчых. Апазіцыянеры распаўсюджвалі партыйны бюлетэнь «Голас розуму». Раптам да іх падышлі супрацоўнікі спецназу, і нічога не тлумачачы, прапанавалі праехаць у Цэнтральны РАУС.

12.01.2012 Ідэолагі Магілёўшчыны рэкамендуюць раёнкам перайсці на штотыднёвы выпуск

Начальнік упраўлення ідэалагічнай работы Магілёўскага аблвыканкама Андрэй Кунцэвіч прапанаваў раённым газетам Магілёўскай вобласці перайсці на штотыднёвы выпуск. Аб якой аб’ектыўнасці і непрадузятасці рэгіянальнай прэсы на Магілёўшчыне можна казаць, калі ёй без усялякага сораму “кіруюць” ідэолагі…

12.01.2012 Мінюст прыпыняе рэгістрацыю Партыі БХД

На адрас Беларускай Хрысціянскай Дэмакратыі 11 студзеня прыйшоў ліст з Міністэрства юстыцыі, у якім Мінюст паведаміў пра прыпыненне на месяц працэсу рэгістрацыі Партыі БХД.

12.01.2012 У Магілёве не пусцілі на суд прадстаўніка незалежнага прафсаюза РЭП

Праваабаронца Барыс Бухель адзначае, што ў Магілёве склалася дрэннай практыка, калі прадстаўнікоў незалежных прафсаюзаў пачалі не дапускаць да адстойвання інтарэсаў сябраў прафсаюзаў у грамадзянскіх працэсах.

12.01.2012 Суд не задаволіў скаргу Уладзіміра Марозава на рашэнне пракуратуры

Cуд Першамайскага раёну Менска адмовіў у задавальненні скаргі Уладзіміра Марозава на адмову ва ўзбуджэнні крымінальнай справы супраць супрацоўнікаў міліцыі, якія без аніякіх падстаў ледзьве не задушылі хворага на цукровы дыябет інваліда.