Праваабарончы цэнтр «ВЯСНА»

Навіны за Студзень 2012

18.01.2012 За падробку дакументаў і сфабрыкаваную справу – вусная вымова

Пракуратура Быхаўскага раёна адмовілася ўзбуджаць крымінальную справу ў дачыненні да міліцыянера Віталя Вашчылы, які сфабрыкаваў справу ў дачыненні да жыхара вёскі Дабужа Быхаўскага раёна Аляксандра Шачанкі.

18.01.2012 Замест дазволу на пікет – у суд

Грамадскі актывіст Мікола Чарнавус быў выкліканы ў Баранавіцкі гарадскі аддзел унутраных спраў для подпісу пратакола, згодна з якім ён абвінавачваецца па артыкулу 23. 39 Кодэкса аб адміністратыўных правапарушэннях – “самаўпраўства”. Справа ў тым, што ў заяўцы на пікет ён назваў сябе старшынёй аб’яднання ўкраінцаў “Кобзарь” у Баранавічах.

18.01.2012 У Баранавічах пададзена заяўка на пікет супраць збяднення

Старшыня гарадской арганізацыі партыі “Справядлівы свет” Віктар Цяпін накіраваў заяву ў Баранавіцкі гарвыканкам на правядзенне пікету супраць збяднення людзей. Пікет плануецца правесці 28 студзеня.

18.01.2012 Мінгарвыканкам забараніў больш за 60 пікетаў у падтрымку Алеся Бяляцкага

У далейшым 14 з атрыманых адмоваў на правядзенне пікетаў былі абскарджаны ў суд Маскоўскага раёна г. Мінска. 12 студзеня скаргі былі разгледжаны суддзёй Рудніцкай А.Б. у адкрытым судовым паседжанні, 13 студзеня ў задавальненні скаргаў было адмоўлена.

18.01.2012 Брэсцкі актывіст дамагаецца тлумачэнняў наконт пабудовы гатэлю на месцы гістарычных аб’ектаў

Каардынатар руху “За Свабоду” Дзяніс Турчаняк патрабуе публічнага адказу на пытанне, на якой падставе брэсцкія ўлады передалі прыватнай фірме два дамы (№№ 43 і 45) на вуліцы Савецкай у абласным цэнтры, што маюць гістарычна-культурную каўштоўнасць.

18.01.2012 Цэнзура пільна сочыць за перапіскай Мікалая Дзядка

Былы палітзьняволены Алесь Кіркевіч, памілаваны ўказам прэзідэнта 1 верасьня мінулага года, скардзіцца на суровую цэнзуру ў калёніі №15 у Магілёве. Тут адбывае пакараньне анархіст Мікалай Дзядок, з якім ён вядзе перапіску.

18.01.2012 Бярозаўчане пачалі збор сродкаў для сям’і Сяргея Каваленкі

Сябры Бярозаўскай суполкі Касерватыўна-хрысціянскай партыі БНФ пачалі збор дзіцячых рэчаў і грашовых сродкаў для сям’і віцебскага актывіста Сяргея Каваленкі. На думку Сяргея Аліхвера, які займаецца гэтай справай непасрэдна, нашаму грамадству трэба згуртавацца менавіта цяпер, калі актыўныя беларускія людзі рэпрэсуюцца ўладай.

18.01.2012 Старшыня выканкаму паабяцаў разабрацца з незалежным сайтам

На мінулым тыдні адбылося паседжанне Салігорскага выканаўчага камітэту і ідэалагічнага актыву прадпрыемстваў гораду. На ім старшыня выканкаму Аляксандар Рымашэўскі абрынуўся з крытыкай на незалежны інтэрнэт рэсурс САЛІГОРСК.org.

18.01.2012 Аляксей Паўлоўскі: “Рэпартаж БТ -- поўная хлусня”!

Пасля шэрагу публікацый у інтэрнэце аб тым, што з актывістам незалежнага прафсаюза РЭП Аляксеем Паўлоўскім не працягнуты працоўны кантракт і 15 рабочых з ягонай брыгады падпісалі заявы на звальненне ў знак салідарнасці з ім, БТ зрабіла паклёпніцкі матэрыял на актывіста.

18.01.2012 У некаторых сельгасгаспадарках Зэльвеншчыны зарплата ніжэй за мінімальную

Нядаўна вяскоўцы з нагоды нізкай зарплаты звярталіся да намесніка старшыні Камітэта дзяржаўнага кантролю Гродзенскай вобласці Анатоля Дарожкі, які адзначыў, што «плаціць чалавеку менш устаноўленай нормы, не маючы на тое важкіх падстаў, не можа ніхто».

18.01.2012 Заява Маскоўскага Бюро па правах чалавека ў сувязі са становішчам у Беларусі

Расейскія праваабаронцы адзначаюць, што «ўсе апошнія гады Беларусь нязменна ўваходзіць у лік краінаў свету, дзе правы чалавека парушаюцца ў найбольшай ступені: асноўным аб'ектам крытыкі міжнародных арганізацый з'яўляюцца парушэнні правоў чалавека ў эканамічнай сферы і, у першую чаргу, у грамадска-палітычнай сферы».

18.01.2012 Затрыманьні каля Купалаўскага тэатра (дапоўнена)

17 студзеня ў Менску ў раёне Купалаўскага тэатра былі затрыманыя актывіст “Еўрапейскай Беларусі” Даніл Ганчароў і ягоная знаёмая Ірына Арэхоўская. Прычына затрыманьня невядомая.

18.01.2012 У Вільні зноў згадалі пра Плошчу

16 студзеня ў Беларускім Доме правоў чалавека супольна з Праваабарончым цэнтрам "Вясна" і Грамадзянскай кампаніяй "Наш Дом" прайшла прэзентацыя кнігі, дзіцячай размалёўкі, паштоўкі і відэа кліпа, прысвечаных удзельнікам Плошчы-2010 – мірнай акцыі пратэсту супраць парушэнняў падчас выбараў прэзідэнта Рэспублікі Беларусь, што прайшла ў Беларусі 19 снежня 2010 года.

18.01.2012 Журналісткі пазбаўленыя магчымасці працаваць

Амаль месяц прайшоў з часу затрыманыя каля будынку КДБ фрыланс-фатографа Юліі Дарашкевіч і відэааператаркі “Нашай Нівы” Таццяны Гаўрыльчык, якія здымалі кароткую, але гучную акцыю руху Femen.

18.01.2012 Актывісты спрабуюць знайсці адказнага за ініцыяцыю скасаваньня артыкула 193.1

Грамадскія ініцыятывы “Права на веру” і “СТОП 193.1!” распаўсюдзілі прэс-рэліз, у якім паведамляюць пра захады наконт скасаваньня артыкула 193.1 Крымінальнага Кодэкса Рэспублікі Беларусь.