Праваабарончы цэнтр «ВЯСНА»

Навіны за Сьнежань 2011

02.12.2011 Зянон Пазняк пра смяротнае пакаранне

"У падрэжымнай Беларусі захоўваецца клясычная праўная сыстэма справядлівасьці ў дачыненьні да забойства і сымэтрычны прынцып адплаты, нягледзячы на тое, што рэжымная судовая сыстэма практычна поўнасьцю страціла сваю самастойнасьць і ператварылася ў рэпрэсіўную машыну ў руках узурпатара ўлады".

02.12.2011 У Брэсце пачаў выдавацца праваабарончы бюлетэнь

Гэтая ініцыятыва належыць мясцовым актывістам Беларускага Хельсінкскага камітэту. Распаўсюджваецца “Брэсцкае права” сярод сябраў грамадскіх арганізацый, палітычных партый і звычайных берасцейцаў, якія цікавяцца праваабарончай тэматыкай.

02.12.2011 У Магілёве міліцэйскі чыноўнік праявіў некампетэнтнасць

У інтэрв’ю газеце “Веснік Магілёва” падпалкоўнік міліцыі Дзмітрый Паркаў адзначыў, што ў горадзе ёсць два месцы для правядзення масавых мерапрыемстваў: стадыён па вуліцы Чалюскінцаў, 64 В і пляцоўка каля палаца культуры завода Кірава. Да гэтай заявы падпалкоўніка было вядома толькі адно з гэтых месцаў.

02.12.2011 За скаргу ў Адміністрацыю прэзідэнта магілёўскага аспіранта выжываюць з аспірантуры

Паступаючы ў аспірантуру Інстытута Фізіалогіі НАН Беларусі, магілёвец Аляксей Паўлоўскі не падазраваў, што можа аказацца ў сітуацыі, калі за законнае патрабаванне ложка-месца ў інтэрнаце яго могуць адлічыць з вучобы.

02.12.2011 Магілёўскую прадпрымальніцу Людмілу Крыловіч выклікаюць у КДБ

Жанчыне патэлефанавалі на мабільны тэлефон, прадставіліся, што з КДБ, і папрасілі прыйсці на сустрэчу. Калі ж прадпрымальніца запатрабавала позву, то мужчына, які тэлефанаваў, замяўся і сказаў, што хоча неафіцыйнай размовы.

02.12.2011 Прымусовая падпіска на дзяржпрапаганду працягваецца

Праблема прымусовай падпіскі на дзяржаўныя выданні ў Салігорску назіраецца ўжо доўгія гады. “Брудную” працу звычайна выконваюць ідэалагічныя аддзелы прадпрыемстваў па разнарадцы з выканкаму. На ААТ “Беларуськалій” гэткая практыка мае перманентны масавы характар.

02.12.2011 Суд над рэдактарам газеты “Крывінка” працягнецца 5 снежня

Рэдактара і выдаўца Георгія Станкевіча судзяць за незаконны распаўсюд незарэгістраванага друкаванага выдання ў райцэнтры Бешанковічы.1 снежня ў Бешанковіцкім райсудзе пачаўся разгляд судовай справы, якую ініцыявалі, як высветлілася, дзве жыхаркі райцэнтру.

02.12.2011 Гуляеў: Прапаганда да 1980-х і прапаганда цяпер – гэта браты-блізняты

Адзін з інтэрнаўтаў апублікаваў праз сэрвіс Youtube праграму беларускага дзяржаўнага тэлебачання “Взгляд в мир. Права человека”. Гэты ролік выклікаў шквал абураных ды здзеклівых каментароў адносна тэндэнцыйнасці ды непраўдзівасці матэрыялаў праграмы. Напрыклад, паводле стваральнікаў праграмы, прэзідэнт Францыі Нікаля Сарказі – стаўленік ЗША, які мае разваліць Еўразвяз. Пры гэтым сённяшні стан з правамі чалавека і эканомікаю ў заходніх краінах апісваецца як катастрофа.

02.12.2011 Працэс Алеся Бяляцкага ў дзяржСМІ: асудзілі да суду

Недзяржаўныя прэса і электронныя медыя пільна адсочвалі працэс Алеся Бяляцкага — гэта і анлайн-рэпартажы з залі суда, і каментары ад міжнародных арганізацый, літоўскага і польскага бакоў, якія аказаліся наўпрост звязанымі са справай праваабаронцы, і асвятленне міжнароднай кампаніі салідарнасці з Бяляцкім…

02.12.2011 Судзяць намесьніка старшыні Праваабарончага цэнтру “Вясна” Валянціна Стэфановіча

У судзе Партызанскага раёна Менска распачаўся судовы працэс па справе аб спагнаньні падаткаў з праваабаронцы Валянціна Стэфановіча. Пазоў накіраваны Інспекцыяй Міністэрства па падатках і зборах Партызанскага раёна. Суддзя – Вераніка Абрамовіч.

02.12.2011 Яўген Вапа: Ганьба ўладам. Гонар нацыі!

Завяршыўся суд над Алесем Бяляцкім. Прыгаварылі яго да канфіскаты маёмасці і 4,5 года пазбаўлення волі ў турме з абвостраным рэжымам толькі за-тое, што сам Алесь і кіраваны ім Праваабарончы цэнтр „Вясна” кінуў выклік антыдэмакратычнай і антызаконнай сістэме Аляксандра Лукашэнкі.

02.12.2011 Мінгарсуд не ўстаў на абарону адваката Алега Агеева

28 лістапада 2011 года судовая калегія па грамадзянскіх справах Мінскага гарадскога суда разгледзела грамадзянскую справу па скарзе адваката Алега Агеева на неправамерныя дзеяньні Міністэрства юстыцыі па спыненні дзеяння ягонай ліцэнзіі.

02.12.2011 Алеся Бяляцкага перавялі ў Жодзінскую турму №8

Праваабаронцу Алеся Бяляцкага, якога нібыта за нясплату падаткаў 24 лістапада асудзілі на чатыры з паловай гады калоніі ўзмоцненага рэжыму 1 сьнежня перавялі з Мінскага сьледчага ізалятара на Валадарцы ў СІЗА ў Жодзінскай турме. Пра перавод выпадкова даведалася жонка праваабаронцы Наталля, якая сёньня наведала Валадарку, каб напісаць заяву на перадачу рэчаў.

02.12.2011 Прэзэнтацыя кнігі «Адзін дзень палітвязьня 2009-2011»

1 сьнежня ў Менску адбылася прэзэнтацыя кнігі «Адзін дзень палітвязьня 2009-2011», якая выйшла ў сэрыі «Бібліятэка Свабода». У амбасадзе ЗША ў Менску сабраліся былыя палітвязьні і сваякі палітзьняволеных, якія застаюцца за кратамі.

02.12.2011 Паэт Строцаў просіць расстраляць яго разам з Кавалёвым і Канавалавым

Паэт і выдавец Дзмітрый Строцаў звярнуўся з адкрытым лістом да Аляксандра Лукашэнкі ў сувязі з вынясеннем смяротнага прысуду абвінавачаным у выбуху ў мінскім метро.