Праваабарончы цэнтр «ВЯСНА»

Навіны за Сьнежань 2011

05.12.2011 Магілёў: падпалкоўнік Паркаў праявіў двайную некампетэнтнасць

Першы раз на старонках газеты “Веснік Магілёва” ў артыкуле “Массовые меропритяи: новые акценты в законе” ён адзначыў, што месцаў для правядзення масавых мерапрыемстваў у горадзе два (калі яно толькі адно). А калі ў наступным нумары выйшла ўдакладненне яго словаў, высветлілася, што ён недакладна назваў і назву гэтага адзінага месца.

05.12.2011 У суд – за фота з інтэрнэту

Распачаўся суд над віцебскім актывістам Сяргеем Каваленкам, якога вінавацяць у парушэнні заканадаўства пра вулічныя акцыі. Сутнасць правапарушэння – усталяванне бел-чырвона-белага сцяга на даху крамы “Пяты элемент”. Падставы для складання пратаколу – фота і відэа з інтэрнэту.

05.12.2011 Камітэт ААН супраць катаванняў настойвае на расследаванні ўсіх выпадкаў катаванняў у Беларусі

Камітэт ААН супраць катаванняў настойвае на неадкладным правядзенні ў Беларусі расследавання ўсіх меркаваных выпадкаў катаванняў ці жорсткага абыходжання з затрыманымі.

05.12.2011 У Быхаўскім раёне міліцыянты падрабілі пратаколы

Падчас разгляду адміністратыўнай справы ў судзе Быхаўскага раёна высветлілася, што пратаколы апытання і адміністратыўнага правапарушэння падробленыя міліцыянтамі. Пра гэта сцвярджае прыцягнуты да адказнасці жыхар вёскі Дабужа Аляксандр Шачанок, які з дапамогай праваабаронцаў рыхтуе скаргу ў пракуратуру Быхаўскага раёна.

05.12.2011 Гомельскі студэнт прапаноўвае суддзям абараніць беларускую мову

Каардынатар грамадзянскай кампаніі “Справаводства па-беларуску!” гомельскі студэнт Ігар Случак звярнуўся з персанальным зваротам да ўсіх судоў Беларусі з прапановай падтрымаць змены у закон “Аб мовах у Рэспубліцы Беларусь”, што прадугледжваюць магчымасць роўнага ўжывання беларускай і рускай моваў у судовым справаводстве і іншых сферах сістэмы юстыцыі.

05.12.2011 Не ўсё гладка і ў праўладных палякаў Беларусі

Гэтым выкліканая сітуацыя, у якой апынулася Леанарда Рэўкоўская, кіраўніца слонімскага аддзялення Саюза палякаў на чале са Станіславам Сямашкам.

05.12.2011 Добруш: ідэолагі і журналісты дамовіліся пра плённае супрацоўніцтва

Галоўны ідэолаг Добруша патлумачыў, што «ў ідэолагаў было шмат пытанняў да калектываў газет», і таму «самі журналісты прыехалі да нас, каб абмеркаваць праблемы без пасрэднікаў». Нягледзячы на «мяккую крытыку», «скончылася сустрэча на аптымістычнай ноце».

05.12.2011 Мазырскі суд выконвае "выхаваўчую і прафілактычную ролю"

Напэўна, маючы на ўвазе выхаваўчую і прафілактычную ролю, Мазырскі суд прызнаў у жніўні вінаватым Міхаіла Караткевіча ў парушэнні артыкулу 23.34 КаАП. Цікава, што "масавае мерапрыемства" малады чалавек "праводзіў" у сацыяльнай сетцы. Напэўна, менавіта з выхаваўчай мэтай раённы суд шматразова адмаўляў правабааронцу Уладзіміру Целяпуну ў правядзенні пікетаў.

05.12.2011 Дацкі інстытут па правах чалавека асудзіў прысуд Алесю Бяляцкаму

Дацкі інстытут па правах чалавека (ДІПЧ) выказвае глыбокае шкадаванне ў сувязі з рашэннем па справе Алеся Бяляцкага.

05.12.2011 Падаткавікоў зацікавіла сям'я Анатоля Лябедзькі

Уся сям’я Анатоля Лябедзькі павінна здаць падатковыя дэкларацыі за тры або пяць гадоў. Па словах лідара Аб’яднанай грамадзянскай партыі, прыйшлі адмысловыя паведамленні.

05.12.2011 Польшча – за Нобелеўскую прэмію праваабаронцу Бяляцкаму

Шматлікія польскія СМІ змясьцілі матэрыялы, прысьвечаныя вылучэньню кандыдатуры беларускага праваабаронцы Алеся Бяляцкага на Нобелеўскую прэмію міра ў 2012 годзе. Падаем пераклад артыкула з wiadomosci.onet.pl на беларускую мову.

03.12.2011 Алег Арлоў: Грамадства павінна прачнуцца

Візіты вядомага расійскага праваабаронца ў Мінск цягам апошняга месяца звязаныя з судовым працэсам па справе старшыні «Вясны» Алеся Бяляцкага. Па збегу абставінаў кіраўнік праваабарончага цэнтра «Мемарыял» на цяперашні момант таксама з’яўляецца ўдзельнікам судовага працэсу па справе «Рамзан Кадыраў супраць Алега Арлова», у якой прэзідэнт Чачні абвінавачвае праваабаронцу ў паклёпе. Гутарку пра гэта і шмат што іншае з праваабаронцам Алегам Арловым апублікаваў “Новы час”.

03.12.2011 У Дзень правоў чалавека ў Брэсце плануецца пікет і мітынг

З ініцыятывай правесці 10 снежня пікет салідарнасці з палітычнымі вязнямі выступілі мясцовыя прадстаўнікі ПЦ “Вясна”. Паводле аднаго з арганізатараў акцыі Уладзіміра Вялічкіна, заяўка ўжо пададзена ў Брэсцкі гарвыканкам, прычым месцам правядзення ў ёй пазначана дазволеная пляцоўка ў парку воінаў-інтэрнацыяналістаў. Актывістка Зінаіда Міхнюк пацвердзіла, што заяўка на мітынг у тым жа месцы ўжо таксама пададзена.

03.12.2011 У Івацэвічах актывіста Халадовіча нейтралізавалі ў дзень прыезда Лукашэнкі

Грамадскі актывіст Станіслаў Халадовіч працуе падменным слесарам водазабора івацэвіцкай ЖКГ. У чацвер ён быў тэрмінова выкліканы да начальства, дзе яму паведамілі, што ён адкліканы з выходнага 2 снежня і павінен выйсці на змену на ачысныя, якія знаходзяцца ў лясным масіве. Прычыны ніхто не патлумачыў.