Праваабарончы цэнтр «ВЯСНА»

Навіны за Сьнежань 2011

06.12.2011 Сябраў нарвежскага і дацкага ПЭН-цэнтраў не ўпусцілі ў Беларусь

У ноч на 5 cнежня ў аэрапорце Мінск-2 прадстаўнікам нарвежскага ПЭН-Цэнтра (генеральны сакратар Карл Мортан Іверсан, сябра Праўлення Уільям Нюгард і выдавец Трыгве Ослюнд) і дацкага ПЭН-Цэнтра (сябра Праўлення і журналіст Нільс-Івар Ларсан) адмовілі ў візах.

06.12.2011 Рэдакцыя «Жыцця Палесся» з гонарам называе сябе прапагандыстам і агітатарам

Звычайна журналісты дзяржвыданняў крыўдзяцца, лічаць гэта абразай. Карэспандэнты мазырскай раённай газеты самі, прычым з гонарам, называюць сябе прапагандыстамі. Дэвіз выдання: «Газета не толькі калектыўны арганізатар, але і калектыўны прапагандыст і агітатар!» Менавіта так - з клічнікам.

06.12.2011 “Раёнкі” Гродзеншчыны рыхтуюць людзей да тэрытарыяльнай самаабароны

5 снежня “Праца” (Зэльва) і “Свіслацкая газета” пачалі выконваць новы ідэалагічны загад - апублікавалі артыкул дзяржаўнага сакратара Савета Бяспекі Леаніда Мальцава "Территориальная оборона в системе национальной безопасности".

06.12.2011 У Маладэчне забаранілі пікет да Дня правоў чалавека

Райвыканкам думаў 10 дзён і, напэўна, не прыдумаў істотнай прычыны для адмовы, таму абмежаваўся шматсэнсоўнай фармулёўкай аб невыкананні закону. Што гэта значыць і якія менавіта патрабаванні закону праваабаронцы Эдуард Баланчук і Алесь Капуцкі не выканалі ўжо на этапе падачы заявы – застаецца толькі здагадвацца.

06.12.2011 Пасылку Зміцеру Дашкевічу вярнулі назад

Грамадская актывістка Анжэла Камбалава 21 лістапада яна адправіла пасылку Зміцеру Дашкевічу ў глыбокскую калонію № 13. Праз 8 дзён яна атрымала пісьмовае паведамленне, дзе было пазначана, што яна не з’яўляецца сваячкай вязню, таму пасылку вярнулі назад.

06.12.2011 Навошта КДБ гітара?

Прайшоў амаль год пасля сумна вядомых падзей 19 снежня 2010 года ў Мінску, а грамадскі актывіст з Асіповічаў Ігар Сімбіроў ніяк не можа вярнуць сваю гітару, якая дагэтуль знаходзіцца ў супрацоўнікаў КДБ разам з асабістымі дзённікамі і нэтбукам.

06.12.2011 Ад віцебскіх праваабаронцаў запатрабавалі “пацвярджэння паўнамоцтваў”

Праваабаронца Леанід Свецік звярнуўся ў Віцебскі аблвыканкам з прапановай арганізаваць сустрэчу прадстаўнікоў улады з актывістамі праваабарончага руху. Аднак у выканкаме найперш запатрабавалі ад праваабаронцаў прадставіць “дакументы, што пацвярджаюць іхныя паўнамоцтвы”.

06.12.2011 Выдаўца “Крывінкі” будуць судзіць паводле перапрацаванага пратаколу

Суддзя Бешанковіцкага райсуду накіравала на перапрацоўку адміністратыўны пратакол, складзены на рэдактара самвыдатаўскай газеты “Крывінка” Георгія Станкевіча. Міліцыянты абвінавацілі яго ў парушэнні парадку распаўсюду газеты, нават не згадаўшы, які менавіта артыкул заканадаўства пра СМІ ён парушыў. Дата суду пакуль не вядомая.

06.12.2011 Праваабаронцы просяць кіраўніка Вярхоўнага суда Беларусі ўнесці пратэст на рашэнне аб смяротнай кары Канавалава і Кавалёва

Праваабаронцы просяць старшыню Вярхоўнага суда (ВС) Беларусі Валянціна Сукалу ўнесці пратэст на рашэнне суда аб прымяненні выключнай меры пакарання (смяротнай кары) у дачыненні да Дзмітрыя Канавалава і Уладзіслава Кавалёва.

06.12.2011 Ператрус у кватэры актывісткі АГП у Бабруйску

У кватэры намесніцы старшыні Бабруйскай гарадской арганізацыі АГП Алёны Тоўсцік супрацоўнікі міліцыі правялі агляд.

06.12.2011 Сёньня – суд па справе Аляксандра Крутога

6 сьнежня а 14-й гадзіне ў судзе Маскоўскага раёна адбудзецца разгляд крымінальнай справы Аляксандра Крутога. Справу будзе разглядаць суддзя Аляксандр Кострыкаў. Аляксандр Крутой выступаў у якасьці прадстаўніка сваёй дачкі, пацярпелай падчас тэракту ў менскім метро 11 красавіка 2011 года, на працэсе па абвінавачаньні Дзьмітрыя Канавалава і Уладзіслав Кавалёва ў тэрарызме.

06.12.2011 Працяг суду над Алесем Галаванем - 15 сьнежня

5 сьнежня ў Першамайскім райсудзе Віцебску распачаўся суд над Алесем Галаванем. Актывіста “Маладой Беларусі”, сябра ініцыятыўнай групы кандыдата ў прэзыдэнты Алеся Міхалевіча на леташніх выбарах затрымалі напярэдадні ўвечары, калі ён проста ішоў па горадзе.

06.12.2011 Freedom House выступае за пашырэнне санкцый у дачыненні да Беларусі

Такую пазіцыю выказаў кіраўнік арганізацыі Дэвід Крамер.

05.12.2011 Пратакол на Уладзіміра Няпомняшчых суд накіраваў на дапрацоўку

5 снежня суддзя Цэнтральнага раёна Гомеля Алена Цалкова разгледзела паўторна адміністратыўны пратакол па арт. 17.1 КаАП (дробнае хуліганства), складзены ў дачыненні актывіста АГП Уладзіміра Няпомняшчых.

05.12.2011 Першая адмова новага кіраўніка раённай адміністрацыі

Юры Панфілаў, старшыня Чыгуначнай раённай адміністрацыі Віцебска, забараніў праводзіць пікет да ўгодкаў Усеагульнай Дэкларацыі правоў чалавека 10 снежня. Гэта быў перашы зварот да чыноўніка, нядаўна прызначанага на гэтую пасаду, з боку віцебскіх дэмакратычных актывістаў.