Праваабарончы цэнтр «ВЯСНА»

Навіны за Сьнежань 2011

13.12.2011 Бяляцкі ўзнагароджаны польскім МЗС

12 снежня ў Варшаве міністр замежных спраў Польшчы Радаслаў Сікорскі ўручыў дыплом-узнагароду жонцы Бяляцкага Наталлі Пінчук.

13.12.2011 Нацбола Дзяніса Сахара аштрафавалі на мільён рублёў

Актывіста нацыянал-бальшавікоў затрымалі раніцай у сябе дома сёння, 12 снежня.

12.12.2011 ДА УВАГІ ЖУРНАЛІСТАЎ

Праваабаронцы запрашаюць на ўганараванне “Праваабаронцы 2011 года”, “Адваката 2011 года” і “Журналіста 2011 года”. Пераможцы ў дадзеных намінацыях вызначаны прадстаўнікамі вядучых праваабарончых арганізацый Беларусі за дасягненні ў галіне абароны правоў чалавека ў сваёй прафесіі.

12.12.2011 У Беларусі стартавала кампанія у падтрымку незалежнай музычнай культуры “Рок-салідарнасць”

10 снежня, у міжнародны дзень абароны правоў чалавека, у Беларусі стартавала грамадзкая кампанія “Рок-салідарнасць”, ініцыяваная Фан-клубам беларускай музыкі, аматарамі айчыннага року і актывістамі недзяржауных арганізацый.

12.12.2011 Маці асуджанага за тэракт Уладзіслава Кавалёва піша скаргі

“Асобнай праблемай паўстала атрыманне даверанасці на вядзенне справаў сына. Адвакат перадаў яе ў СІЗА КДБ, каб там яе заверылі. Мне перадалі, што я змагу атрымаць дакумент 8 снежня ў 10 раніцы ў бюро прапускоў. Аднак у належны час мы туды прыйшлі і пачулі, што ні пра якую даверанасць там не ведаюць".

12.12.2011 Барысаў: зборшчык подпісаў аштрафаваны за правядзенне НС

Сёння ў Барысаве адбылося трэцяе паседжанне суду над зборшчыкам подпісаў за правядзенне Народнага сходу Мікалаем Ільюшонкам. Суддзя Барысаўскага раённага суду Аляксандр Шутко вынес рашэнне аб прызначэнні Ільюшонку штрафу ў памеры 15 базавых велічынь за парушэнне заканадаўства аб правядзенні масавых мерапрыемстваў.

12.12.2011 Віцебскіх актывістаў судзілі за расцяжку “Свабоду палітвязням!”

Затрыманыя ўвечары 11 снежня Уладзіслаў Варанецкі і Іван Салохін атрымалі судовае папярэджанне за тое, што вывесілі на мосце імя Блахіна расцяжку “Свабоду палітвязням!”. Абодва актывісты адзначаюць некарэктныя паводзіны супрацоўнікаў міліцыі падчас затрымання. Мінулую ноч ім давялося правесці ў віцебскім ізалятары часовага ўтрымання пад вартай.

12.12.2011 На рынках Брэста раздавалі праваабарончую літаратуру

Праваабаронцы і актывісты апазіцыйных партый у Міжнародны дзень правоў чалавека распаўсюдзілі ў Брэсце больш за 500 асобнікаў інфармацыйных матэрыялаў, прысвечаных праваабарончай тэматыцы. Як паведаміў прадстаўнік БХК Ігар Маслоўскі, людзі вельмі прыхільна ставіліся да акцыі.

12.12.2011 Віцебскія газеты зноў заклікаюць “не шкадаваць тэрарыстаў”

У абласной газеце “Віцебскі рабочы” з’явіўся чарговы артыкул “Тэрарызм з “добрым” тварам”, перадрукаваны з інтэрнэту. Аўтар папракае залішняй гуманнасцю ўсіх тых, хто пратэстуе супраць смяротнае кары для абвінавачанах за тэракт у мінскім метро ўраджэнцаў Віцебску Уладзіслава Кавалёва і Дзмітрыя Канавалава.

12.12.2011 Гомельскія “раёнкі “ пра правы чалавека

Некаторыя раённыя газеты Гомельскай вобласці ўзгадалі, што 10 снежня адзначаецца міжнародны Дзень правоў чалавека. Імаверна, быў ідэалагічны загад: напісаць пра правы чалавека. Вось і выкручваліся газеты як маглі.

12.12.2011 Гарадзенскія праваабаронцы павіншавалі землякоў з Днём правоў чалавека

10 снежня праваабаронцы горада над Нёманам правялі акцыю ў гонар Дня правоў чалавека. Людзям раздаваліся кніжачкі з тэкстам Усеагульнай дэкларацыі правоў чалавека, а таксама матэрыялы супраць смяротнага пакарання, бюлетэні з апісаннем сітуацыі з палітвязнямі ў Беларусі і прысудам кіраўніку Праваабарончага Цэнтру “Вясна” Алесю Бяляцкаму.

12.12.2011 У Маладэчне адзначылі Дзень правоў чалавека пад наглядам міліцыі (фота)

Нягледзячы на афіцыйную забарону ў правядзенні пікета, маладзечанскі праваабронца Эдуард Баланчук усё ж адзначыў Дзень правоў чалавека. У самым шматлюдным месцы горада, на Цэнтральнай плошчы, Эдуард распавядаў мінакам пра свята і раздаваў тэматычную літаратуру.

12.12.2011 Салігорск: Фотаакцыя ў Дзень правоў чалавека (фота)

Салігорскія праваабаронцы зладзілі фотаакцыю, прысвечаную Дню правоў чалавека. Арганізатары вырашылі візуалізаваць вытрымкі з Усеагульнавй дэкларацыі правоў чалавека. Ідэю падтрымалі жыхары гораду, вядомыя сваімі дэмакратычнымі поглядамі. Яны сфатаграфаваліся з плакатамі, на якіх змешчаны важныя ўрыўкі з Дэкларацыі.

12.12.2011 Ігар Случак прапануе чыноўнікам зрабіць беларускую мову дамінуючай ва ўстановах

Жыхар Гомеля, ініцыятар кампаніі «Справаводства па-беларуску!» зноў звярнуўся з персанальнымі зваротамі да ўсіх старшынь раённых, гарадскіх і абласных выканаўчых камітэтаў з прапановай больш шырока ўжываць беларускую мову ў справаводстве ва ўстановах і арганізацыях.

12.12.2011 Баранавіцкія праваабаронцы адзначылі Дзень правоў чалавека (фота)

10 снежня баранавіцкія праваабаронцы і грамадскія актывісты адзначылі сусветны Дзень правоў чалавека. Паколькі мітынгі, сходы і пікеты ў Баранавічах сістэматычна забараняюцца, то праваабаронцы і грамадскія актывісты хадзілі па горадзе і раздавалі мінакам тэксты Усеагульнай дэкларацыі правоў чалавека.