Праваабарончы цэнтр «ВЯСНА»

Навіны за Сьнежань 2011

14.12.2011 Першае траўматычнае здарэнне на пляцоўцы Астравецкай АЭС

Выявілася, што на пляцоўцы выкарыстоўваюцца дызельныя перасоўныя электрастанцыі, пры эксплуатацыі якіх парушаецца тэхніка бяспекі. 1 снежня на аб’екце працаваў стажор, жыхар Астраўца Алег Січынскі. Пры спробе рамантаваць трубавод радыятара ахалоджвання дызельнай электрастанцыі, яму адрэзала тры пальцы.

14.12.2011 Праваабаронца Павал Левінаў сустрэўся з начальнікам калоніі “Віцьба-3″

13 сьнежня па ініцыятыве віцебскага праваабаронцы Паўла Левінава адбылася яго сустрэча з начальнікам папраўчай калёніі “Віцьба-3″ палкоўнікам Віталём Агністыкавым. Мэтай сустрэчы было высьвятленьне сытуацыі з умовамі ўтрыманьня палітвязьня Андрэя Саньнікава, які адбывае пакараньне ў гэтай калёніі.

14.12.2011 У Магілёўскай абласной дзіцячай бальніцы прымушаюць падпісвацца на дзяржвыданні

Кожная медсястра мусіць зрабіць падпіску на сумму 80-95 тысяч рублёў, лекары - у сярэднім на 150 тысяч. Пасля звароту супрацоўніцы па гэтым пытанні ў Магілёўскі гарвыканакам апошні пераслаў яго на разгляд адміністрацыі Магілёўскай абласной дзіцячай бальніцы.

14.12.2011 Акцыя ў падтрымку Бяляцкага на Еўрапейскім кангрэсе правоў чалавека (фота)

Салігорскі маладафронтавец Іван Шыла правёў акцыю ў падтрымку Алеся Бяляцкага на Кангрэсе правоў чалавека, які праходзіў у польскіх Катовіцах. Акцыю падтрымалі як шараговыя студэнты ўніверсітэту, так і вядомыя палітыкі і госці Кангрэсу з розных краін.

14.12.2011 У Брэсце прапануюць правесці мясцовы рэферэндум

З такой ініцыятывай выступілі грамадскія актывісты, якія жадаюць, каб рашэнні па пытаннях, што хвалююць многіх жыхароў, прымаліся з улікам інтарэсаў большасці насельніцтва.

14.12.2011 Грошы за пірожныя — на дзяржаўныя выданні

Кірмашы ў Дзятаўскай гімназіі сталі традыцыйнымі. І арганізоўваюць іх позняй вясной і ў канцы года — якраз тады, калі ідзе падпіска на рэспубліканскія выданні. Бо грошы ад выпечаных торцікаў дзеці аддаюць на… падпіску на дзяржаўныя газеты і часопісы.

14.12.2011 Сяргей Каваленка скардзіца на ціск інспекцыі па выкананні пакаранняў

Віцебскі сябра КХП БНФ, умоўна асуджаны за вывешванне бел-чырвона-белага сцяга на гарадской елцы, падаў шэраг скаргаў у абласную пракуратуру. Ён піша пра абмежаванне сваіх законных правоў на працу, адпачынак і права карыстацца роднай мовай.

14.12.2011 Уладзіслаў Кавалёў напісаў прашэнне пра памілаванне

Пра гэта паведаміў намеснік генеральнага пракурора Аляксей Стук, перадае interfax.by. Таксама прадстаўнік Генпракуратуры заявіў, што наглядныя скаргі асуджаныя пакуль не падалі.

14.12.2011 Амбасадару Рэспублікі Беларусь у Польшчы перадалі больш за 500 зваротаў аб памілаванні Канавалава і Кавалёва

Пяцьсот чатырнаццаць чалавек, у тым ліку экс-старшыня Канстытуцыйнага савета Францыі, падпісала зварот да Прэзідэнта Лукашэнкі аб памілаванні асуджаных да смяротнага пакарання ў Беларусі.

14.12.2011 Працягваюцца допыты па крымінальнай справе чальцоў БНФ

Па крымінальнай справе аб хуліганстве актывістаў Партыі БНФ Алеся Каліты, Сяржука Семянюка і Максіма Губарэвіча, працягваюцца допыты сведак.

13.12.2011 У Бялыніцкім раёне таксама практыкуецца прымусовая падпіска на дзяржвыданні

У Бялыніцкім раёне па-ранейшаму працягваецца практыка прымусовай падпіскі на дзяржаўныя СМІ. У прыватнасці, настаўнікі і выхавацелі дзіцячых садкоў скардзяцца на тое, што чыноўнікі з аддзела адукацыі райвыканкама настойліва “рэкамендуюць” падпісвацца на пэўныя выданні і абяцаюць праблемы, калі хто на гэтыя выданні падпісацца не захоча.

13.12.2011 Бабруйскія дэмакраты склалі свае “чорныя спісы”

Дэмакратычныя актывісты Бабруйска просяць уключыць у спісы невыязных некалькі мясцовых супрацоўнікаў гарвыканкама, міліцыі і суда. То бок, тых людзей, якія на працягу бягучага года чынілі рэпрэсіўныя дзеянні ў дачыненні да іншадумцаў - пераследвалі, выносілі палітычна-матываваныя выракі.

13.12.2011 Алесь Бяляцкі прызнаны праваабаронцам года

13 снежня вядучыя праваабарончыя арганізацыі Беларусі ўручылі нацыянальную прэмію за выключныя дасягненні ў галіне абароны правоў чалавека - у намінацыях “Праваабаронца года 2011”, “Адвакат года 2011” і “Журналіст года 2011”. Адвакатамі года абвешчаныя Марына Кавалеўская і Дар’я Ліпкіна, журналістамі года — майстры фота Юлія Дарашкевіч і Уладзь Грыдзін.

13.12.2011 Аспіранта Аляксея Паўлоўскага адлічылі з Акадэміі навук за скаргу ў Адміністрацыю прэзідэнта?

Магілёвец цягам двух месяцаў змагаўся за ложка-месца ў інтэрнаце, якое яму гарантаваў інстытут фізіалогіі Нацыянальнай Акадэміі навук, аднак замест вырашэння праблемы з пражываннем застаўся без статуса аспіранта.

13.12.2011 “За чыстае паветра” – пададзена скарга

Брэсцкая актывістка Ганна Канюс падала ў аблвыканкам скаргу на забарону ўладамі горада пікету ў рамках акцыі “За чыстае паветра”. З дапамогай пікету планавалася прыцягнуць увагу грамадскасці да праблемы са смуродам ў Брэсце і выказаць пратэст у сувязі з бяздзейнасцю чыноўнікаў у гэтым пытанні.