04.11.2011 Літва: Менск цікавіўся і рахункамі Саюзу беларускіх пісьменнікаў

Паводле старшыні Камітэту нацыянальнай бяспекі Літвы Арвідаса Анушаўскаса, запыты пра рахункі пасля скандалу з Алесем Бяляцкім не задавальняюцца.

«Напрыклад, быў падобны запыт пра рахункі арганізацыі беларускіх пісьменнікаў. Мы такой інфармацыі не падалі. Расследаванне дало тое, што ўсе цяпер установы каардынуюць свае дзеянні ў перадаванні інфармацыі з Міністэрствам замежных справаў», – заявіў ён «Белсату».

04.11.2011 Кіраўніка баранавіцкай суполкі Руху “За свабоду” выклікаюць у РУУС

Сёння, 4 лістапада, супрацоўнік міліцыі Дзмітрый Мізгер патэлефанаваў старшыні Баранавіцкай гарадской суполкі Руху “За свабоду” Віктару Сырыцу і далікатна запрасіў яго на размову ў ГАУС. Грамадскі актывіст не выключае, што гэтае запрашэнне ў міліцыю звязана з правядзеннем у Баранавічах 12 лістапада Народнага сходу.

04.11.2011 Рыгор Грык падаў скаргу ў суд на адмову ў пікеце

3 лістапада грамадскі актывіст Рыгор Грык падаў скаргу ў гарадскі суд на дзеянні Баранавіцкага гарвыканкама, які 5 кастрычніка забараніў правядзенне пікету супраць роста коштаў і татальнага збяднення насельніцтва ў старым парку горада.

04.11.2011 Нацбанк адказаў вялейчукам на рэзалюцыю Народнага сходу

Арганізатар Народнага сходу ў Вялейцы Ўладзімір Малярчук атрымаў першы адказ на рэзалюцыю Народнага сходу, якая была перададзена ў Савет міністраў. На адно са шматлікіх патрабаванняў рэзалюцыі паспрабаваў адказаць Нацыянальны банк.

04.11.2011 Суд над Зінаідай Міхнюк працягнецца 11 лістапада

У судзе Маскоўскага раёна Брэста адбылося судовае паседжанне, якое тычыцца затрымання ў дзень правядзення Народнага сходу ў гэтым горадзе Зінаіды Міхнюк, якая была адным з арганізатараў згаданага мерапрыемства.

03.11.2011 Другі дзень працэсу над Алесем Бяляцкім

У Першамайскім судзе Мінску працягваецца судовы працэс у крымінальнай справе старшыні Праваабарончага цэнтру «Вясна» віцэ-прэзідэнта Міжнароднай фэдэрацыі правоў чалавека Алеся Бяляцкага. У першы дзень пракурор зачытаў абвінавачваньне. Суд пачаў дапытваць Бяляцкага. Сёньня чакаецца допыт сьведак па справе. Гэта – знаёмыя і родныя Алеся Бяляцкага, калегі па праваабарончай дзейнасьці.

03.11.2011 Amnesty International: Вызваліце Бяляцкага

Міжнародная праваабарончая арганізацыя Amnesty International заявіла ў сувязі з другім днём працэсу над Алесем Бяляцкім, што беларускія ўлады павінны вызваліць «вядомага праваабаронцу, арышт якога па абвінавачаньні ў сур'ёзным ухіленьні ад выплаты падаткаў, як мяркуюць, меў палітычную падаплёку».

03.11.2011 Актывіста з Гарадка пазбавілі правоў, “каб не ездзіў па Народных сходах”

Такія словы Леанід Аўтухоў пачуў за сваёй спіной у Гарадоцкім РАУС, дзе яго знаёмілі з рашэннем камісіі ДАІ. Спадара Аўтухова пазбавілі магчымасці кіраваць аўтамабілем на цэлы год, ды яшчэ далі штраф памерам 280 тысяч рублёў.

03.11.2011 Брэст: Зміцера Шурхая ўсё ж прызналі вінаватым у брыдкаслоўі

Каардынатар аргакамітэту па стварэнні партыі Беларуская хрысціянская дэмакратыя ў брэсцкім рэгіёне Зміцер Шурхай спрабаваў трэці раз абскардзіць рашэнне суду першай інстанцыі, які мінулым летам пакараў яго нібыта за лаянку

03.11.2011 Бабруйск: Віктару Бузінаеву прысудзілі 10 сутак арышту за Народны сход

Суд над Віктарам Бузінаевым, старшынём бабруйскай суполкі АГП і адным з сябраў аргкамітэта Народнага схода пачаўся 3 лістапада ў 10.30. Яго абвінавачвалі ва ўдзеле і арганізацыі несанкцыянаванага мерапрыемства.

03.11.2011 Улады адмовілі ў візе прэзідэнтцы і ганароваму прэзідэнту FIDH дзеля наведвання суда над Бяляцкім

Парыж-Жэнева, Парыж, 2 лістапада 2011 г. – Абсерваторыя па Абароне Праваабаронцаў, сумесная праграма Міжнароднай Федэрацыі Правоў Чалавека (FIDH) і Сусветнай арганізацыі супраць катаванняў (OMCT) рашуча асуджаюць адмову ўладаў Беларусі выдаць уязныя візы прэзідэнтцы FIDH, Суэр Белассен, і ганароваму прэзідэнту, Патрыку Бадуэну, дзеля назірання за судом над віцэ-прэзідэнтам FIDH, Алесем Бяляцкім, які ўтрымліваўся пад арыштам 4 жніўня 2011 года на абвінавачванні ва "ўхіленні ад выплаты падаткаў у асабліва буйным памеры".

03.11.2011 Галіна Кавалевіч з Бярозы хоча ведаць прозвішчы сваіх катаў

Пенсіянерка з горада Бярозы Галіна Кавалевіч ў скарзе на імя начальні ка Брэсцкага абласнога ўпраўлення ўнутраных спраў цікавіцца тым, на якой падставе супрацоўнікі Бярозаўскага РАУС яе схапілі з лаўкі, пацягнулі ў аўтазак і збілі ў аўтазаку 13 ліпеня 2011 года.

03.11.2011 Вярхоўны суд знайшоў парушэнне ў дзеяннях суддзі з Віцебску

Судзьдзя Валянціна Кісмярошкіна не дазволіла віцебскаму праваабаронцу Паўлу Левінаву, сведку на судовым працэсе па справе “маўклівых акцый”, азнаёміцца з пратаколам судовага пасяджэння. Вярхоўны суд прызнаў гэта парушэннем Працэсуальна-выканаўчага кодэксу і ў афіцыйным адказе паведаміў, што “суддзі ўказана на недапушчэннне” падобных пралікаў.

03.11.2011 Законапраекты, што робяць больш жорсткімі ўмовы грамадска-палітычнай дзейнасці, прызнаны канстытуцыйнымі

Канстытуцыйны суд (КС) Беларусі прызнаў законнымі папраўкі ў закон аб масавых мерапрыемствах і законы, што рэгулююць грамадска-палітычную дзейнасць.

03.11.2011 Заява віцэ-старшыні Front Line ў сувязі з судом над Алесем Бяляцкім

Дублін, Ірландыя, 2 лістапада 2011. Суд над праваабаронцам Алесем Бяляцкім пачаўся ў судзе Маскоўскага раёна г. Мінска. Віцэ-старшыня Front Line Эндру Андэрсан застаўся ў Дубліне, пазбаўлены магчымасці наведаць ў Беларусь каб сустрэцца з членамі сям'і Бяляцкага ды яго калегамі з Праваабарончага Цэнтра “Вясна”.