Праваабарончы цэнтр «ВЯСНА»

Навіны за Лістапад 2011

06.11.2011 Віцебскія газеты выканалі замову: надрукаваныя абразлівыя артыкулы пра Алеся Бяляцкага

У газетах “Віцебскі рабочы” і “Народнае слова” надрукавалі артыкул “Как “правозащитник” Беляцкий устроил себе красивую жизнь”. Як і папярэджвалі незалежныя медыі, рэгіянальную прэсу змусілі размясціць матэрыял, падпісаны Дзянісам Паляванавым.

06.11.2011 У Віцебску зноў парушаюць заканадаўства аб ахове помнікаў

Каля плошчы Свабоды, у гістарычным цэнтры горада, экскаватар рые траншэю. Гэтая тэрыторыя лічыцца гісторыка-культурнай каштоўнасцю Рэспублікі Беларусь 2-й катэгорыі.

06.11.2011 За распаўсюд газеты “Крывінка” – пад суд

5 лістапада ў райцэнтры Бешанковічы быў затрыманы настаўнік Георгі Станкевіч, які развозіў сваім сталым чытачам газету “Крывінка”, якую сам заснаваў і выдае. На выдаўца склалі пратакол за незаконны распаўсюд друкаванага выдання.

06.11.2011 У Слоніме знішчаюць помнікі

Іосіф Паўлюкевіч, які ўзначальвае Слонімскі раён толькі тры гады, ужо паспеў нанесці шкоду культурнай спадчыне. З яго дазволу ў мікрараёне Альбярцін Слоніма ў парку Пуслоўскіх нядаўна была спілавана ліпа каралінская — помнік прыроды, які ахоўваецца дзяржавай.

05.11.2011 Віктара Сырыцу будуць судзіць за Народны сход

Грамадскі актывіст абвінавачваецца ў здзяйсненні правапарушэння па артыкуле 23.34 КаАП -- за арганізацыю і ўдзел у Народным сходзе 8 кастрычніка ў старым парку горада.

05.11.2011 6 000 000 за экпертызу на наяўнасць экстрэмізму

Па хадайніцтве Алены Гнаўк яе кнігу "Асобная думка або зварот хрысьціянкі” Брэсцкі раённы суд можа накіраваць у інстытут філасофіі Акадэміі навук на экспертызу адносна наяўнасці ў ёй экстрэмізму. Але калі жанчына на рахунак суда пакладзе 6 000 000 рублёў.

05.11.2011 Алесь Бяляцкі ўказаў суду на тых, хто замовіў крымінальную справу супраць яго

"Я сцвярджаю, што гэта справа пачыналася і праводзілася з відавочным палітычным падтэкстам з мэтай пераследу сябраў Праваабарончага цэнтра "Вясна", у прыватнасці мяне, за праваабарончую дзейнасць", - заявіў суду абвінавачаны Алесь Бяляцкі 4 лістапада, у трэці дзень судовага працэсу. У пацверджанне сваіх словаў праваабаронца зачытаў некалькі дакументаў з тома першага крымінальнай справы № 11081100188, якія пракурор, даследуючы матэрыялы справы, згадаў толькі мімаходзь.

05.11.2011 Міжнародная назіральная місія: кароткі агляд другога дня судовага пасяджэння па справе Бяляцкага

3 лістапада 2011 года ў Мінску працягнуўся суд па справе кіраўніка праваабарончага цэнтра "Вясна", віцэ-прэзідэнта Міжнароднай федэрацыі правоў чалавека Алеся Бяляцкага. Міжнародная назіральная місія Камітэта міжнароднага кантролю за сітуацыяй з правамі чалавека ў Беларусі сочыць за ходам судовага паседжання. З аглядам першага дня можна азнаёміцца тут. Сённяшняе судовае пасяджэнне ў асноўным было прысвечана допыту сведак.

04.11.2011 Міхась Скобла: Ліст да Алеся Бяляцкага

Ужо трэці дзень ты глядзіш на сваіх блізкіх і сяброў з-за кратаў – з падканвойнай клеткі. Клетку нібы адмыслова для цябе пафарбавалі – яна таксама белая. Што ж, белы колер спрадаўна азначаў чысьціню, незаплямленую годнасьць. Нездарма і на сьцягу нашым пераважае бель, і краіна наша застаецца ці не адзінай у сьвеце, у чыёй назьве на першым месцы – белы колер.

04.11.2011 Судовы працэс Бяляцкага: дзень трэці

У Першамайскім судзе Мінску 4 лістапада працягнецца судовы працэс у крымінальнай справе старшыні Праваабарончага цэнтру «Вясна» віцэ-прэзідэнта Міжнароднай фэдэрацыі правоў чалавека Алеся Бяляцкага. Чакаецца, што суд прыступіць да вывучэньня пісьмовых матэрыялаў справы.

04.11.2011 Брэсцкія ўлады паабяцалі вырашыць праблемы веласіпеднага руху… у 2015 годзе

Пасля таго, як у гарвыканкам былі перададзены тры тысячы подпісаў жыхароў Брэста з патрабаваннем заняцца вырашэннем транспартных праблемаў (у тым ліку зрабіць спрыяльныя ўмовы для развіцця веласіпеднага руху), мясцовыя улады арганізавалі нараду, на якой разглядаліся прапановы актывістаў кампаніі “За вела-Брэст”.

04.11.2011 У Беларусь вяртаецца карная псіхіятрыя?

Падобна на тое, што беларуская дзяржава сур`ёзна занепакоілася псіхічным здароўем сваіх падданых. Гэты клопат можа выліцца ў чарговы заканадаўчы акт, які можа быць прыняты парламентам «як толькі, дык адразу».

04.11.2011 «Рух за свабоду» на Берасьцейшчыне не зарэгістравалі

Галоўнае ўпраўленьне юстыцыі Берасьцейскага аблвыканкаму адмовіла ў рэгістрацыі рэгіянальнай структуры «Руху за свабоду».

04.11.2011 Аксану Самуйлаву аштрафавалі на 25 базавых велічынь

Сёння каардынатар кампаніі “Гавары праўду” па Магілёўскай вобласці Аксана Самуйлава атрымала ў судзе Магілёўскага раёна пастанову аб пакаранні яе штрафам у памеры 25 базавых велічынь. Пастанову аб пакаранні штрафам “за незаконны распаўсюд прадукцыі сродкаў масавай інфармацыі” вынес суддзя Іглікаў.

04.11.2011 Міліцыя і хуткая дапамога — супраць апазіцыйнага мітынгу ў Гомелі

Мясцовыя сябры партыі левых «Справядлівы свет» вырашылі правесці 20 лістапада мітынг з мэтай абмеркавання сацыяльна-эканамічнага становішча ў Гомелі і краіне ў цэлым. Але «хуткая дапамога» і міліцыя проста адмовіліся заключыць дамовы.