Праваабарончы цэнтр «ВЯСНА»

Навіны за Лістапад 2011

10.11.2011 Прафсаюзны актывіст патрабуе павышэння зарплаты праз суд

У Полацкім гарадскім судзе 10 лістапада адбылося паседжанне з нагоды грашовай кампенсацыі за дадатковую працу па пазове, пададзенай актывістам свабоднага прафсаюза Міколам Шарахом супраць адміністрацыі ААТ "Шкловалакно".

10.11.2011 Максіма Губарэвіча па крымінальнай справе зноў выклікаюць у Мінск

Нагадаем, што інцыдэнт, паводле якога была распачата крымінальная справа, здарыўся яшчэ ў жніўні, каля на той час новага цэнтральнага офісу БНФ у Мінску. Сярод фігурантаў справы таксама Сяржук Семянюк і Алесь Каліта.

10.11.2011 АБСЭ: Судовую сыстэму Беларусі трэба грунтоўна рэфармаваць

Янэз Ленарчыч, дырэктар Бюро па дэмакратычных інстытутах і правах чалавека (БДІПЧ) АБСЭ, заявіў сёньня ў Варшаве, што суды над затрыманымі пасьля выбараў 19 сьнежня 2010 году паказваюць на патрэбу грунтоўнага рэфармаваньня судовай сыстэмы Рэспублікі Беларусь.

10.11.2011 У Магілёве актывісты “Еўрапейскай Беларусі” нагадваюць пра палітвязняў

Актывісты грамадзянскай кампаніі “Еўрапейская Беларусь” нагадваюць магілёўцам пра палітвязняў. Цягам апошняга тыдня ў горадзе ідзе распаўсюд улётак.

10.11.2011 Гарадзенскі абласны суд разгледзеў скаргу слонімскага актывіста Алеся Масюка за 10 секунд

Менавіта столькі спатрэбілася часу суддзі абласнога суду Мікалаю Рачынскаму, каб паведаміць пра тое, што скарга слонімскага грамадскага актывіста Алеся Масюка на пастанову Слонімскага раённага суду пакідаецца без задавальнення. Актывіст быў аштрафаваны за ўдзел у Народным сходзе.

10.11.2011 Затрыманы віцебскі актывіст Аляксандр Кірылаў

У будынку мясцовага цэнтра занятасці затрыманы віцебскі актывіст Аляксандр Кірылаў. Ён з’яўляецца кіраўніком віцебскага аддзялення Беларускай кансерватыўнай партыі Белая Русь, якую стварае былы прэтэндэнт на пасаду кіраўніка Беларусі Сяргей Рыжоў.

10.11.2011 Праваабаронца патрабуе тлумачэнняў па фактах жорсткага абыходжання

Віцебскі праваабаронца Павел Левінаў накіраваў у транспартную пракуратуру ліст з патрабаваньнем расследваць факты “жорсткага, бесчалавечнага абыходжання супрацоўнікаў міліцыі” падчас высветлення акалічнасцяў нападу на актывіста “Маладой Беларусі” Тараса Сургана.

10.11.2011 Праваабаронцы – сябры Савета пры Прэзідэнце РФ сочаць за судовым працэсам па справе Алеся Бяляцкага

Міжнародная назіральная місія Камітэта міжнароднага кантролю за сітуацыяй з правамі чалавека ў Беларусі працягвае сачыць за ходам працэсу Алеся Бяляцкага. Для гэтай мэты ў Мінск прыехала старшыня Незалежнага экспертна-прававога савета (НЭПС), сябра Савета пры Прэзідэнце РФ па развіцці грамадзянскай супольнасці і правах чалавека Мара Палякова.

10.11.2011 Студэнтаў МДЛУ пасля арыштаў за акцыю выклікаюць у дэканат

Актывстаў “ЕўрапейскайБеларусі” Аляксандра Салдаценку і Мікіту Каваленку, асуджаных да арыштаў за ўдзел у акцы салідарнасьці з палітзняволенымі 25 кастрычніка, выклікалі ў дэканат па месцы вучобы. Актывісты навучаюцца ў Менскім дзяржаўным лінгвістым універсітэце (МДЛУ).

10.11.2011 Круглянская раёнка “Сельскае жыццё” пазайздросціла “прыгожаму жыццю” праваабаронцы Алеся Бяляцкага

Праваабаронца з Круглага Зінаіда Мілешчанка лічыць, што публікацыя артыкула ў раённых газетах ставіць сваёй мэтай скампраметаваць не толькі Алеся Бяляцкага, але наогул усіх праваабаронцаў.

10.11.2011 У доме Мікалая Уласевіча адбыўся ператрус

9 лістапада ў доме актывіста Мікалая Уласевіча, які пражывае ў мястэчку Варняны Астравецкага раёну, адбыўся ператрус. Сам Мікалай у гэты час быў у ад’ездзе, дома была толькі жонка. Каля 16 гадзін дня ў дом Уласевіча заявіліся міліцыянты, якія правялі ні то вобыск, ні то дагляд жылога дома.

10.11.2011 Бандарэнка пераведзены ў медчастку магілёўскай калоніі

Каардынатар грамадзянскай кампаніі «Еўрапейская Беларусь» Дзмітрый Бандарэнка, які знаходзіцца Магілёўскай калоніі № 15, пераведзены ў медыцынскую часць, паведаміла яго жонка Вольга Бандарэнка.

10.11.2011 Аляксандр Крутой знаходзіцца ў жодзінскай турме

З моманту затрымання 20 верасня Аляксандр Крутой, які прадстаўляў у судзе па справе аб тэракце ў мінскім метро інтарэсы сваёй пацярпелай дачкі Інэсы, не змог атрымаць ад сваякоў ніводнага ліста. Яны да яго не даходзяць, паведаміла Інэса Крутая.

10.11.2011 Жыхары Слоніма выказваюць гатоўнасць выплаціць штраф Івану Бедку

Слонімец-пенсінер Канстанцін Папко сказаў, што ён гатовы хоць сёння даць з пенсіі тысяч 30, каб “пагасіць” штраф, бо Іван Бедка “адстойваў не толькі свае інтарэсы, але і ўсіх нас, беларусаў” . Пенсіянер заклікаў далучыцца да яго прапановы іншым слонімцам.

10.11.2011 Гомельская зняволеная паскардзілася ў суд на ўмовы ўтрымання ў СІЗА

Суд Цэнтральнага раёна Гомеля 9 лістапада не задаволіў іск зняволенай жыхаркі Гомеля Галіны Працко, якая патрабавала спагнаць кампенсацыю за маральную і фізічную шкоду з гомельскага следчага ізалятара (СІЗА-3). У заяве ў суд яна сцвярджала, што падчас зняволення набыла некалькі хвароб.