Праваабарончы цэнтр «ВЯСНА»

Навіны за Лістапад 2011

14.11.2011 Леанід Аўтухоў падаў у суд на ДАІ

Калі актывістз райцэнтру Гарадок вяртаўся дахаты 8 кастрычніка з Народнага сходу ў Віцебску, яго машыну спынілі супрацоўнікі ДАІ – як высветлілася, паводле загаду свайго кіраўніцтва. Актывіста прызналі парушальнікам правілаў дарожнага руху, і гэта ён спрабуе аспрэчыць праз суд.

14.11.2011 Міліцыя ў Салігорску не навучылася працаваць з законам аб дактыласкапіі

Ад жыхароў Салігорску да мясцовых праваабаронцаў зноў пачала трапляць інфармацыя аб актывізацыі міліцыі ў сувязі з абавязковай даткыласкапічнай рэгістрацыяй.

14.11.2011 Бабруйск: Віктар Бузінаеў па волі і будзе пісаць скаргу

13 лістапада на свабоду пасля 10 сутак арышту выйшаў адзін з сябраў аркамітэта Народнага схода Віктар Бузінаеў. Ён паведаміў, што будзе падваць скаргу на рашэнне суддзі Наталлі Шэгеды.

14.11.2011 Лукашэнка падпісаў закон, які забараняе любыя пратэсты

Аляксандр Лукашэнка падпісаў закон, які незалежная супольнасць Беларусі паспела назваць "Больш за трох не збірацца". Ён фактычна забараняе любыя акцыі пратэсту, у тым ліку флэш-мобы. Беларускі дыктатар паставіў свой подпіс пад дакументам яшчэ 8 лістапада.

14.11.2011 Прэс-канферэнцыя з нагоды заключэння Венецыянскай камісіі адносна адпаведнасці арт.193-1 міжнародным стандартам правоў чалавека

Шаноўныя журналісты! Запрашаем Вас на прэсавую канферэнцыю з нагоды прыняцця заключэння Венецыянскай камісіі адносна адпаведнасці арт.193-1 (“Дзейнасць ад імя незарэгістраванай арганізацыі”) Крымінальнага кодэксу Беларусі міжнародным стандартам правоў чалавека.

14.11.2011 На Тацяну Севярынец склалі новы пратакол за Народны сход

8 кастрычніка актывістка вяла Народны сход у Віцебску. Паводле пратаколу, складзенага на яе 26 кастрычніка, міліцыянты палічылі яе арганізатаркай несанкцыянаванай акцыі. Яшчэ праз два тыдні яны раптам узгадалі, што гэтае правапарушэньне яна здзейсніла паўторна. І прыйшлі да яе 11 лістапада дахаты, каб перапісаць пратакол наноў.

14.11.2011 У Гомелі на двух затрыманых склалі пратаколы

У Гомелі былі адпушчаныя з міліцыі ўсе 15 затрыманых удзельнікаў мясцовага Народнага сходу.

14.11.2011 Міжнародная назіральная місія: кароткі агляд чацвертага дня судовага пасяджэння па справе Бяляцкага

10 лістапада 2011 года ў Мінску адбылося чацвёртае судовае паседжаньне па справе кіраўніка праваабарончага цэнтра "Вясна", віцэ-прэзідэнта Міжнароднай федэрацыі правоў чалавека Алеся Бяляцкага. Міжнародная назіральная місія Камітэта міжнароднага кантролю за сітуацыяй з правамі чалавека ў Беларусі сочыць за ходам працэсу. Сённяшняе судовае паседжаньне было прысвечана допыту абвінавачанага.

12.11.2011 Народны сход 12 лістапада: хроніка перасьледу

Найбольшая колькасьць затрыманых удзельнікаў Народнага сходу ў Гомелі - 15 чалавек. Затрыманьні ў Менску і Баранавічах

11.11.2011 Полацкі суд на трэцім паседжанні адмовіўся разглядаць справу

Сёння прайшло трэцяе паседжанне суда з нагоды грашовай кампенсацыі за дадатковую працу па пазове, пададзенай актывістам Свабоднага прафсаюза Міколам Шарахом супраць адміністрацыі ААТ "Шкловалакно". Папярэднія паседжанні праходзілі 4 і 10 лістапада.

11.11.2011 Арганізатара Народнага сходу ў Наваполацку выклікаюць у міліцыю на час, прызначаны для правядзення мерапрыемства

Арганізатара Народнага сходу ў Наваполацку Яўгена Парчынскага выклікаюць у міліцыю на час, прызначаны для правядзення мерапрыемства.

11.11.2011 Ірына Яскевіч не дазволіла супрацоўнікам міліцыі прыйсці да яе “з афіцыйным візітам”

“Калі афіцыйна, то мусяць даслаць позву, і я сама прыйду ў пастарунак”, -- сказала спадарыня Яскевіч міліцыянту, які па тэлефоне прапанаваў наведаць актывістку ў яе дома, каб напісаць новы пратакол пра адміністрацыйнае правапарушэнне.

11.11.2011 Барыса Хамайду затрымалі, каб папярэдзіць пра адміністрацыйную адказнасць

Віцебскі апазіцыянер меркаваў, што міліцыянты маюць прэтэнзіі да таго, што ён распаўсюджвае незалежную прэсу ў цэнтры горада. Але аказалася, што яго хочуць папярэдзіць, каб не ўдзельнічаў у заўтрашнім Народным сходзе.

11.11.2011 Бабруйск: Локцеў атрымаў трое сутак, Смірнова – пяць

Сёння ў Бабруйску адбылося другое пасяджэнне па справе сябраў аркамітэта Народнага сходу. Канстанціну Локцеву суддзя Шэгеда прысудзіла трое сутак арышту, яго павезлі ў ІЧУ адразу з залі суда. Разгляд справа Галіны Смірновай скончыўся арыштам на пяць сутак.

11.11.2011 Зінаіду Міхнюк пакаралі штрафам памерам 70 тысяч рублёў

11 лістапада ў судзе Маскоўскага раёна Брэста вынесена рашэнне па адміністрацыйнай справе Зінаіды Міхнюк, якая была затрымана 8 кастрычніка, ў дзень правядзення Народнага сходу. Спадарыня Міхнюк была затрымана за некалькі гадзін да запланаванай падзеі. Яе абвінавацілі ў брыдкаслоўі.