15.11.2011 Суткі за ўдзел у “Народным сходзе”

Затрыманы пасьля “Народнага сходу“ 12 лістапада Аляксандр Пятніцкі асуджаны судом Савецкага раёну Мінска да 10 сутак арышту. Яго звінавацілі ў непадпарадкаванні законным патрабаванням супрацоўніка міліцыі (арт. 23.4 КоАП РБ).

15.11.2011 Працэс Філіпа Кірдуна працягнецца 16 лістапада а 9-й раніцы

Сёньня працягнуўся разгляд адміністратыўнай справы ў дачыненьні верніка Філіпа Кірдуна, якога вінавацяць у нецэнзурнай лаянцы падчас працэдуры дактыласкапіі. Працяг разгляду справы – заўтра, а 9-й гадзіне раніцы.

15.11.2011 Бабруйск: Маёр Рудзько папярэдзіў затрыманую на Дзяды, што яе будуць судзіць

Алену Тоўсцік, адну з затрыманых на Дзяды за запаленыя свечкі, супрацоўнікі міліцыі запрашалі па тэлефону на сустрэчу два дні. А сёння раніцай, 15 лістапада, без дазволу і запрашэння проста заявіліся да яе дахаты.

15.11.2011 "Ганаровы госць не можа прысутнічаць, калі Politiken уручае сваю прэмію свабоды"

Прысутнасць Алеся Бяляцкага на ўрачыстай цырымоніі уручэння прэміі свабоды дацкага выдання Politiken (Politiken Freedom Prize) было сімвалічным - у зале вісеў постэр з графічнай выявай лаўрэата.

15.11.2011 На актывістаў адміністратыўныя пратаколы склалі завочна

Актывістцы Паліне Кур’яновіч і ейнаму брату Паўлу Кур’яновічу па пошце прыйшлі копіі пратаколаў аб адміністратыўных правапарушэньнях, складзеныя бяз іхняй прысутнасьці за ўдзел у акцыі, да якой яны не маюць ніякага дачыненьня.

15.11.2011 Яўгена Васьковіча ў калоніі пакаралі 30 днямі карцару

Бабруйскі сябар аргкамітэта па стварэнні партыі "Беларуская Хрысціянская Дэмакратыя" Яўген Васьковіч, асуджаны да сямі гадоў пазбаўлення волі, з 19. Кастрычніка знаходзіцца ў карцары турмы № 4 горада Магілёва.

15.11.2011 Праваабарончая праграма “Людзьмі звацца!” на Радыё Рацыя

- Як праваахоўныя органы сустрэлі на радзіме лідэра “Правага альянсу” Юрася Карэтнікава, які пэўны час правёў у вымушанай эміграцыі.

- Заключэнне пра неадпаведнасць крымінальнага артыкула 193.1 міжнародным стандартам правоў чалавека падрыхтавана Венецыянскай камісіяй.

14.11.2011 Адбылася вочная стаўка па справе аб “хуліганстве”

Сёння, 14 лістапада, у Мінску адбылася вочная стаўка аднаго з падазраваных паводле крымінальнай справы за хуліганства -- прадстаўніка Партыі БНФ з Гародні Максіма Губарэвіча са сведкай “збіцця” ахоўніка будынку, дзе месціўся офіс Партыі БНФ.

14.11.2011 На Ірыну Яскевіч склалі другі пратакол за першы Народны сход

Віцебскую арганізатарку Народнага сходу супрацоўнікі міліцыі вінавацяць у парушэнні закону пра масавыя мерапрыемствы. Першы пратакол, складзены супрацоўнікамі Кастрычніцкага РАУС за правядзенне сходу 8 кастрычніка, суд да разгляду не прыняў.

14.11.2011 Пракурор патрабуе смяротнага пакарання і для Канавалава, і для Кавалёва

Канавалаў абвінавачваецца ў ажыццяўленні тэракта ў мінскім метро 11 красавіка 2011 года, а Кавалёў — у дапамаганні тэрарызму. Абвінавачанне сцвярджае, што менавіта Кавалёў дапамог Канавалаву ажыццявіць выбух на станцыі метро "Кастрычніцкая".

14.11.2011 Уладзімір Лабковіч: Справа Бяляцкага пачыналася з пісьмовага папярэджаньня Генпракуратуры за дзейнасьць ад імя незарэгістраванай арганізацыі

Еўрапейская камісія за дэмакратыю праз права (Венецыянская камісія) 15 кастрычніка падрыхтавала спецыяльнае заключэньне “Аб адпаведнасьцi артыкула 193.1 Крымінальнага Кодэксу Рэспублікі Беларусь датычна правоў незарэгістраваных аб'яднаньняў міжнародным стандартам правоў чалавека”. Унікальнасьць гэтага прававога дакумента палягае ў тым, што ўпершыню ў практыцы аўтарытэтнай юрыдычнай камісіі разглядаўся толькі адзін артыкул у адной асобна ўзятай краіне.

14.11.2011 Міліцыянты гвалтам узялі адбіткі пальцаў

Філіпа Кірдуна у суботу 12 лістапада выклікалі ў Гарадскі аддзел міліцыі №1 УУС Фрунзенскага раёна Мінска нібыта па пытаньні, зьвязаным з ваенкаматам. На месцы высьветлілася, што справа тычылася зняцьця адбіткаў пальцаў.

14.11.2011 Аршанскі выканкам «палепшыў якасць вады» у неіснуючай вёсцы

У адказе Аршанскага гарвыканкама гаворыцца, што «для паляпшэння якасці падаваемай вады насельніцтву былі пабудаваны і ўведзены ў эксплуатацыю наступныя аб'екты: будаўніцтва станцыі абезжалезвання ў в. Бабанічы Аршанскага раёна, 2006 год». На паперы ўсё выглядае проста выдатна. Але ёсць адна маленькая загвоздка. У Аршанскім раёне вёскі Бабанічы ... няма.

14.11.2011 На ўдзельнікаў Народнага сходу ў Гомелі склалі па два пратаколы

Пратаколы склалі ў адносінах да Зміцера Карашкова і Ксеніі Яраслаўцавай. Адметнасць у тым, што на іх у міліцыі былі складзены па два пратаколы: за ўдзел у Народных сходах 8 кастрычніка і 12 лістапада. Пакуль невядома, калі будзе суд.

14.11.2011 Жыхары Брэста змагаюцца за свае лецішчы

Прадстаўнікі пяці садоўніцкіх таварыстваў, што месцяцца на ўскрайку Брэста, правялі агульны сход, мэта якога - абраць шляхі барацьбы за захаванне сваіх зямельных участкаў і пабудоў. Непрыдатная зямля пад лечішчы была раздадзена жыхарам горада ў згаданым раёне яшчэ 40 гадоў таму.