Праваабарончы цэнтр «ВЯСНА»

Навіны за Лістапад 2011

17.11.2011 Аршанскі выканкам паставіў пад сумнеў легітымнасьць «Народнага сходу»

Выканкам падвяргае сумневу легітымнасьць "Народнага сходу", а пратакол сходу называе ананімным, так як арганізатары напісалі толькі свае прозвішчы і ініцыялы і не паказалі "імя, імя па бацьку і дадзеныя аб месцы жыхарства ..."

17.11.2011 Патрабуем ад уладаў Беларусі неадкладна спыніць здзекі над палітвязнем Андрэем Саннікавым і яго сям'ёй

Праваабарончы цэнтр «Вясна» нагадвае прадстаўнікам МУС аб іх персанальнай адказнасці за лёс, жыццё і здароўе Андрэя Саннікава і іншых зняволеных і заклікае не выконваць загады, змест якіх носіць загадзя злачынны характар.

17.11.2011 Берасьце: брашуру Алены Гнаўк прызналі экстрэмісцкай

Берасьцейскі раённы суд прызнаў экстрэмісцкай брашуру Алены Гнаўк «Асобная думка, або зварот хрысьціянкі», якую яна выдала і разаслала ў розныя дзяржаўныя ўстановы.

17.11.2011 На Кастрычніцкай плошчы затрымалі ўдзельнікаў малітвы за палітвязьняў

На Кастрычніцкай плошчы Менску затрымалі пяць грамадзкіх актывістаў, якія спрабавалі правесьці малітву за палітвязьняў. Сярод іншых — Ганну Шапуцьку, Ніну Багінскую, Тацяну Кім, Аляксандра Макаева.

16.11.2011 Працэс па справе Алеся Бяляцкага працягнецца 22 лістапада

Судовае паседжаньне па справе Алеся Бяляцкага працягнецца 22 лістапада. Пракурор зачытаў "новае" абвінавачаньне, якое адрозьніваецца ад папярэдняга толькі фразай "у выкананьне раней заключаных дамоўленасьцяў".

16.11.2011 Магдалена Каліноўска абскардзіла сваю дэпартацыю

Магдалена Каліноўска сёння пакінула Беларусь. З’яўляючыся супрацоўніцай фонду «Institutum Orientalium», яна займалася пошукам людзей для навучання ў Польшчы ў галіне вядзення турыстычнага бізнесу, а таксама бізнесу звязанага з сельскай гаспадаркай і транспартам.

16.11.2011 У Хоцімску прайшла акцыя салідарнасці з Алесем Бяляцкім

У гарадскім пасёлку Хоцімск Магілёўскай вобласці 15 лістапада адбылася акцыя салідарнасці з Алесем Бяляцкім. Мясцовыя актывісты кампаніі “Гавары праўду” выставілі інфармацыйныя стэнды з партрэтамі Алеся Бяляцкага на мясцовым рынку і на аўтастанцыі гарадскога пасёлка.

16.11.2011 Паўла Сяргея выключаюць з каледжа

Маладэчанскага актывіста Паўла Сяргея выключаюць з навучальнай установы пасля адсідкі на Акрэсціна. Дырэктар каледжа назваў яго злачынцам і сказаў, што такія навучэнцы, якія “па турмах сядзяць як па санаторыях” - там не патрэбныя. У панядзелак Павел вызваліўся з Акрэсціна, дзе адбываў арышт за закідванне яйкамі помніка Леніна ў Мінску 7 лістапада.

16.11.2011 Арыштаваная ўдзельніца Народнага сходу ў Бабруйску абскарджвае свой арышт

Учора, 15 лістапада, удзельніца Народнага сходу ў Бабруйску Галіна Смірнова абскардзіла свой адміністрацыйны арышт у вышэйстаячай інстанцыі. Пра гэта паведаміў магілёўскі праваабаронца Барыс Бухель.

16.11.2011 Пракурор падтрымаў адмову выканкама аб забароне марафонскай хадзьбы

15 лістапада баранавіцкі прадпрымальнік Мікалай Чарнавус атрымаў адказ з раённай пракуратуры на сваю заяву ў сувязі з адмовай райвыканкаму ў дазволе на правядзенне марафонскай хадзьбы па вуліцах вёскі Вялікая Каўпеніца.

16.11.2011 Звальненне за Народны сход у Баранавічах

Звольнена з працы сябра аргкамітэту Народнага сходу ў Баранавічах Анжэла Камбалава. Пасля заканчэння кантракта дырэктарка прыватнай невялікай фірмы “Белаграбудпадшыпнік”, дзе Камбалава 6 гадоў прапрацавала бухгалтарам, прапанавала ёй звольніцца па згодзе бакоў.

16.11.2011 Саннікава таемна перавялі ў іншую калонію

Сёння ў Бабруйскай калоніі павінна была адбыцца сустрэча экс-кандыдата ў прэзідэнты Андрэя Саннікава з яго адвакатам Андрэем Варвашэвічам. Тым не менш, спатканне не адбылося. У калоніі Варшэвічу сказалі, што Саннікава перавялі ў іншае месцы.

15.11.2011 Суд адмовіў мазырскаму праваабаронцу ў праве на свабоду мірных сходаў

15 лістапада ў Мазырскім райсудзе адбыўся разгляд скаргі праваабаронцы Уладзіміра Целяпуна на рашэнне мясцовага райвыканкама аб забароне пікета ў падтрымку палітвязняў. Прынятае рашэнне - адмовіць.

15.11.2011 У Барысаве міліцыя часова “нейтралізавала” мясцовых актывістаў

Барысаўскіх актывістаў, якіх абвінавачваюць у абразе дзяржаўных сімвалаў паводле артыкула 370 Крымінальнага кодэкса РБ, Аляксандра Малчанава, Андрэя Мікалаеўскага, а таксама сведку па гэтай справе Валянціна Палітыка 15 лістапада позвамі выклікалі ў мясцовы РАУС.

15.11.2011 У Салігорску патрабуюць вызвалення Алеся Бяляцкага (фота)

Грамадскасць Салігорску інфармуе жыхароў гораду аб сітуацыі вакол старшыні Праваабарончага цэнтру “Вясна”, віцэ-прэзідэнта FIDH Алеся Бяляцкага. Адпаведныя інфармацыйныя плакаты ў апошнія дні пачалі з’яўляцца на цэнтральных вуліцах гораду.