Праваабарончы цэнтр «ВЯСНА»

Навіны за Кастрычнік 2011

03.10.2011 У Бабруйску за школу і бальніцу падпісвацца нельга

Зараз у Бабруйску ідзе збор подпісаў за будаўніцтва новай школы ў мікрараёне Заходнім, рэканструкцыю дарогі на вуліцы Крылова і наконт праблем у паліклініцы ў раёне Фарштат. Займаюцца гэтым актывісты кампаніі “Гавары праўду”.

03.10.2011 Артур Эшбаеў на волі да пятніцы

Затрыманага ў мінулую пятніцу, 30 верасня, актывіста РЭП і зборшчыка подпісаў за правядзенне Народнага сходу Артура Эшбаева 3 кастрычніка вызвалілі з-пад варты. Судовае паседжанне адкладзена да пятніцы, 7 кастрычніка.

03.10.2011 У Гародні працягваецца прэсінг на “маўклівых пратэстоўцаў”

У Гародні працягваецца прэсінг на былых удзельнікаў “маўклівых пратэстаў”. Грамадскі актывіст Андрэй Сургайліс занепакоены сітуацыяй, якая склалася вакол яго асобы.

03.10.2011 Алеся Бяляцкага вылучаць на Нобелеўскую прэмію міру

Старшыня праваабарончага цэнтру “Вясна”, віцэ-прэзідэнт Міжнароднай федэрацыі правоў чалавека Алесь Бяляцкі вылучаны на Нобелеўскую прэмію міру за заслугі ў справе абароны правоў чалавека 2012 года.

03.10.2011 Як жывуць былыя палітвязні

Сяргей Казакоў зладзіў канцэрт і працуе фасоўшчыкам, Уладзімір Хамічэнка перакваліфікаваўся ў рознарабочыя, а Алегу Гнедчыку далі разлік і на працу не бяруць.

03.10.2011 КДБ цікавяць сувязі слонімскіх дэмакратаў за мяжой

Доктара Слонімскай раённай бальніцы, актывіста партыі БНФ Івана Шэгу двойчы дапыталі ў Слонімскім міжраённым аддзяленні ўпраўлення КДБ па Гродзенскай вобласці.

03.10.2011 Жодзінская міліцыя прыраўняла зборшчыкаў подпісаў да крымінальных элементаў

Жодзінская міліцыя ў выканкамаўскай газеце размясціла аб'яву, у якой «патлумачыла», кім могуць прадстаўляцца злачынцы, якія збіраюцца пранікнуць ў жыллё. Ёсць сярод гэтых катэгорый і зборшчыкі подпісаў. Зараз у горадзе актыўна збіраюцца подпісы за правядзенне Народнага сходу, прызначанага на 8 кастрычніка.

03.10.2011 У Салігорску будуць пратэставаць супраць катаванняў

Бараніць лідэра “Маладога Фронту” Змітра Дашкевіча ад катаванняў за кратамі салігорская моладзь збіраецца праз масавыя мерапрыемствы. Заяўка на правядзенне адпаведнага пікету была накіравана мясцовым маладафронтаўцам Андрэем Тычынай у раённы выканаўчы камітэт.

03.10.2011 Лідзкія ўлады забаранілі Народны сход

У адказе арганізатарам Народнага сходу гаворыцца, што пададзеная заява не адпавядае артыкулу 5 Закона РБ “Аб масавых мэрапрыемствах”, ёй не пазначана, хто забясьпечвае ахову людзей падчас мэрапрыемства.

03.10.2011 Газета Брэсцкага гарвыканкама называе ААН “смешнай” установай

У апошнім нумары дзяржаўнай газеты “Брестский вестник”(№39) надрукаваны артыкул Валерыя Дзеркача “Много шума из ничего”, прысвечаны таму, як недзяржаўныя выданні рэгіёна (“Брестский курьер“ і “Брестская газета”) праінфармавалі сваіх чытачоў пра рашэнне Камітэта ААН па ліквідацыі дыскрымінацыі жанчын, якое тычыцца жыхаркі Брэста Інгі Абрамавай.

03.10.2011 Актывістаў кампаніі «Наш дом» разагналі трактарам

1 кастрычніка ў Слуцку супрацоўнікі праваахоўных органаў перашкодзілі правядзеньню суботніка грамадзянскай кампаніі «Наш дом». У выніку пацярпелі людзі.

03.10.2011 Уначы напалі на Вацлава Арэшку і Валера Ўхналёва

«Пра хвалю бандыцкіх нападаў» — пад такім назовам 3 кастрычніка ў Менску апазыцыйныя палітыкі Сяргей Калякін, Анатоль Лябедзька, Валер Ухналёў і Вацлаў Арэшка правядуць прэс-канфэрэнцыю.

03.10.2011 У Смалявічах затрымалі актывіста Артура Эшбаева

Яго абвінавацілі ў падрыхтоўцы несанкцыянаванага мерапрыемства і пасадзілі за краты да суда.

02.10.2011 У Брэсце забароненыя пікеты ў падтрымку палітзняволеных

Брэсцкі прадпрымальнік Віктар Чайкоўскі, які з’яўляецца намеснікам старшыні РАА “Перспектыва”, атрымаў адказ з мясцовага гарвыканкаму наконт правядзення шэрагу пікетаў з патрабаваннем свабоды для палітычных зняволеных, спынення катаванняў і пераследу актывістаў па палітычных матывах.

02.10.2011 Статкевіча-старэйшага павіншавалі з Днём настаўніка

1 кастрычніка прадстаўнікі грамадскасці горада Баранавічы павіншавалі Віктара Паўлавіча Статкевіча, які 35 гадоў працаваў выкладчыкам гісторыі, з Днём настаўніка. Праваабарончы цэнтр “Вясна” далучаецца да віншаванняў і зычыць душэўнай моцы і як мага хутчэй пабачыць сына на волі.