Праваабарончы цэнтр «ВЯСНА»

Навіны за Кастрычнік 2011

04.10.2011 Севярынец: Гэта ненармальна, калі ў такой установе няма дзе памыцца

У спецкамендатуры ў вёсцы Куплін Пружанскага раёна, няледзячы на адсутнасць гарачай вады, адмовіліся прыняць бойлер, які прывёз сустаршыня Беларускай храсціянскай дэмакратыі Георгій Дзмітрук.

04.10.2011 Сям’я журналіста засталася беспрацоўнай

Сям’я выдаўца і рэдактара крычаўскай незалежнай газеты «Вольны горад» Сяргея Няроўнага засталася без афіцыйнага прыбытку. З жонкай, настаўніцай, не падоўжылі працоўны кантракт у мясцовым ліцэі, а сам журналіст не можа знайсці сабе ў раёне працы.

04.10.2011 Гарадзенскія ўлады імкнуцца сарваць правядзенне Народнага сходу

Напярэдадні 8-га кастрычніка, дня, на які прызначаны Народны сход, уладныя структуры асабліва актыўна праводзяць “прафілактычныя мерапрыемствы” па запалохванні грамадcка актыўнай часткі насельніцтва. Пад псіхалагічны ціск падпалі многія актывісты.

04.10.2011 Гомельскіх арганізатараў Народнага сходу папярэджваюць пра недапушчальнасць парушэння закона аб масавых мерапрыемствах

Андрэя Цянюту адпусцілі з РАУСа з папярэджаннем. Маёр Аляксандр Кошман паведаміў яму, што такое ж папярэджанне будзе вынесена іншым сябрам аргкамітэту па правядзенні Народнага сходу ў Гомелі. У прыватнасці, гаворка ішла пра старшыню абласной арганізацыі АГП Васіля Палякова.

04.10.2011 Сайт Праваабарончага цэнтру “Вясна” на працы чытаць забаронена

Удзельнікам шостай штогадовай канферэнцыі “Дзелавы інтэрнет”, якая праходзіла ў Менску 3-4 кастрычніка, быў прадэманстраваны так званы “чорны спіс” нацыянальных інтэрнэт-рэсурсаў, карыстаньне якімі забаронена ва ўсіх дзяржаўных установах краіны.

04.10.2011 На Магілёўшчыне абмежаванне на гандаль танным алкаголем дало адваротны эфект

Магчыма, чыноўнікі вобласці зразумеюць, што забаронамі і абмежаваннямі праблему алкагалізацыі насельніцтва вырашыць нельга, патрэбна сістэмная праца па падвышэнні ўзроўня жыцця насельніцтва, прапагандзе здаровага ладу жыцця, фармаванні ў чалавека ўпэўненасці ў заўтрашнім дне.

04.10.2011 Слонімскія ўлады спахапіліся пасля суду

Грамадскі актывіст Іван Бедка звярнуўся ў суд Слонімскага раёна са скаргай на адмову мясцовых чыноўнікаў. І, вядома ж, рашэнне суда было прынята не на карысць заяўніка. Аднак...

04.10.2011 У Гомелі ізноў затрыманы маладафронтавец Цянюта

4 кастрычніка каля 11:00 ў Гомелі быў затрыманы актывіст «Маладога фронту» Андрэй Цянюта. Каля бібліятэкі імя Леніна па плошчы Перамогі да яго падыйшлі супрацоўнікі АМАПу, папрасілі паказаць мабільны тэлефон на той падставе, што яны шукаюць злачынцу, які скраў мабільны тэлефон. Пасля маладафронтавец быў затрыманы і дастаўлены ў Чыгуначны РАУС. Ён толькі 30 верасня вызваліўся з ІЧУ пасля адбыцця пакарання - 10 сутак арышту нібыта за парушэнне парадку правядзення масавага мерапрыемства.

04.10.2011 У Берасьці першае затрыманьне за Народны сход

Намесьніка старшыні Берасьцейскай гарадзкой арганізацыі партыі левых “Справядлівы сьвет” Лявонція Чыпурных затрымалі увечары 3 кастрычніка.

04.10.2011 Міжнародная назіральная місія занепакоена катаваннямі ў дачыненні да беларускіх палітвязняў

Міжнародная назіральная місія Камітэта міжнароднага кантролю за сітуацыяй з правамі чалавека ў Беларусі занепакоена жорсткім абыходжаннем і катаваннямі ў дачыненні да палітвязняў Андрэя Саннікава, Змітра Дашкевіча і Мікалая Статкевіча.

04.10.2011 Затрыманы шэсць удзельнікаў пікету на плошчы Свабоды ў Мінску

У міліцыі Цэнтральнага раёна сталіцы знаходзяцца шэсць удзельнікаў несанкцыянаванага ўладамі пікету. Прадстаўнікі групы “Грамадзяне супраць беззаконня ў судах і пракуратуры” ладзілі пікет каля будынку ратушы на плошчы Свабоды.

03.10.2011 Замежны вопыт на беларускі манер

Брэсцкія актывісты палітычных партый атрымалі адказ на свой калектыўны зварот да дэпутатаў Палаты прадстаўнікоў Нацыянальнага сходу, які тычыўся ўдасканалення заканадаўства аб масавых мерапрыемствах.

03.10.2011 З-за адсутнасці ізалятараў у райцэнтрах правапарушальнікі ледзь не па году сядзяць у гомельскім ІЧУ

Дэмакратычныя актывісты Гомеля распавядаюць, што зараз на «сутках» у ІЧУ сядзяць правапарушальнікі, якія маюць сумарныя тэрміны ад 80 да 200 сутак. У міліцыі кажуць, што ў райцэнтрах няма грошай, каб пабудаваць і ўтрымліваць ІЧУ, таксама як няма сродкаў і на тое, каб кожнага правапарушальніка індывідуальна адвозіць адразу пасля суда ў ізалятар.

03.10.2011 Баранавіцкіх чыноўнікаў запрасілі на Народны сход

3 кастрычніка старшыня аргкамітэта па правядзенні Народнага сходу ў Баранавічах Віктар Мезяк накіраваў старшыні гарвыканкама Віктару Дзічкоўскаму і старшыні гарсавета Аляксандру Селіфонтаву запрашэнні на ўдзел у сходзе.

03.10.2011 Андрусь Цянюта абскардзіў арышт

За распаўсюд сярод жыхароў Гомеля ўлётак з запрашэннем прыйсці на мясцовы сход (Народны Сход), які адбудзецца ў абласным цэнтры 8 кастрычніка, прадстаўніка аргкамітэта Андрэя Цянюту пасадзілі на 10 сутак. Сёння прававы інспектар прафсаюза РЭП па Гомельскай вобласці Леанід Судаленка дапамог актывісту скласці скаргу ў абласны суд на пастанову раённага суда аб прыцягненні да адміністрацыйнага арышту.