Праваабарончы цэнтр «ВЯСНА»

Навіны за Кастрычнік 2011

07.10.2011 Шырын Эбадзі, лаўрэат Нобелеўскай прэміі міру, зрабіла заяву па справе Алеся Бяляцкага (відэа)

"Сітуацыя праваабаронцаў па ўсім свеце застаецца крытычнай. Прыкладам таму служыць сітуацыя майго сябра і калегі, беларускага праваабаронцы Алеся Бяляцкага, віцэ-прэзідэнта FIDH, арыштаванага 4 жніўні гэтага года, які ўсё яшчэ неабгрунтавана знаходзіцца пад вартай. Алесь Бяляцкі павінен быць неадкладна вызвалены і атрымаць магчымасць працягваць сваю мужную і легітымную працу, так патрэбную людзям яго краіны і ўсяго рэгіёну".

07.10.2011 Старшыню аргкамітэта па падрыхтоўцы Народнага сходу ў Баранавічах Віктара Мезяка зноў шукае міліцыя

Сёння, 7 кастрычніка, стала вядома, што старшыню аргкамітэта па падрыхтоўцы і правядзенню мясцовага схода ў Баранавічах Віктара Мезяка зноў шукае гарадская міліцыя. Двое міліцыянераў зранку наведалі дом, дзе пражывае Мезяк Віктар, і цікавіліся ў родзічаў яго месцазнаходжаннем.

07.10.2011 Актывістаў БХД выклікаюць у пракуратуру

Напярэдадні правядзення 8 кастрычніка ў многіх гарадах Беларусі Народнага сходу двух актывістаў аргкамітэту БХД выклікаюць у пракуратуру.

07.10.2011 Целяпуна папярэдзілі па прадстаўленні Генпракуратуры (абноўлена)

Мазырская раённая пракуратура па прадстаўленні Генпракуратуры папярэдзіла праваабаронцу Уладзіміра Целяпуна аб адказнасці за … арганізацыю і ўдзел у Народным сходзе. На пярэчанне праваабаронцы што ён не датычны да арганізацыі сходу, а ўсяго толькі прасіў дазволу на пікет, у пракуратуры адказалі: “Гэта не мае значэння, лепей сядзіце дома”.

07.10.2011 Хрыстафор Жаляпаў будзе судзіцца з райвыканкамам, міліцыяй, хуткай дапамогай і ЖКГ

Пасля таго, як яму 8 разоў запар адмовілі ў правядзенні мітынгаў і пікетаў, ён звярнуўся ў суд Чыгуначнага раёну са скаргай на раённую адміністрацыю і службы, якія мусяць забяспечваць правапарадак, чысціню і медыцынскае абслугоўванне падчас вулічных акцый. Суд мае адбыцца 13 кастрычніка.

07.10.2011 Кіраўнік Магілёўскай абласной арганізацыі АГП атрымаў папярэджанне ад пракуратуры

Старшыня Магілёўскай абласной арганізацыі Аб’яднанай Грамадзянскай партыі Уладзімір Шанцаў атрымаў афіцыйнае папярэджанне ад пракуратуры Ленінскага раёна Магілёва аб недапушчальнасці падрыхтоўкі здзяйснення дзеянняў, якія парушаюць нормы беларускага заканадаўства “Аб масавых мерапрыемствах”.

07.10.2011 Баранавічы: сябра аргкамітэта па падрыхтоўцы мясцовага сходу Анжэлу Камбалаву выклікаюць у міліцыю

Гэта ўжо чацвёрты выпадак у Баранавічах, калі прадстаўнікі міліцыі выклікаюць грамадскіх актывістаў з нагоды запланаванага Народнага сходу, на трох ужо складзены пратаколы аб парушэнні арт. 23.34 КААП аб парадку арганізацыі правядзення масавага мерапрыемства.

07.10.2011 Салігорск: сход забаранілі, арганізатара выклікалі ў пракуратуру

Як паведаміў мясцовым праваабаронцам віцэ-старшыня Беларускага незалежнага прафсаюза Мікалай Новік, з ім сканактаваліся прадстаўнікі Салігорскай пракуратуры і выклікалі на гутарку з нагоды запланванага на 8 кастрычніка Народнага сходу.

07.10.2011 Дэпартамент выканання пакаранняў не задаволіў скаргу Крысціны Шацікавай

9 верасня Крысціна Шацікава прыехала ў калонію, каб паразмаўляць з яе начальнікам спадаром Ярмаліцкім з нагоды ўмоваў утрымання экс-кандыдата ў Прэзідэнты Міколы Статкевіча, аднак, туды яе не пусцілі.

07.10.2011 Працягваецца пераслед гомельскага актывіста Кастуся Жукоўскага

Пракуратура ўжо адразу пасля вызвалення актывіста з ізалятара праз міліцыю перадала яму позву на 7 кастрычніка. Імаверна, што выклік у пракуратуру звязаны з Народным сходам, адным з арганізатараў якога з'яўляецца Жукоўскі.

07.10.2011 У Дзісне ад удзелу ў Народным сходзе адгаворваюць міліцыянты і кіраўнікі прадпрыемстваў

Арганізатарку мясцовага Народнага сходу 6 кастрычніка выклікалі ў Мёрскі райвыканкам да загадчыка аддзела ідэалогіі. Але яна адмовілася ехаць у райцэнтар ды размаўляць з чыноўнікамі.

07.10.2011 Алег Манаеў - пра прычыны свайго затрымання

Заснавальнік Незалежнага інстытуту сацыяльна-эканамічных і палітычных дасьледаваньняў, доктар сацыялёгіі Алег Манаеў больш за тры гадзіны правёў у пастарунку. Ён быў затрыманы на менскай вуліцы незадоўга да ўдзелу ў прэзэнтацыі апошніх сацыялягічных дасьледаваньняў, якія сьведчаць пра небывалае падзеньне рэйтынгу кіраўніка дзяржавы.

06.10.2011 Кульбіты мазырскіх чыноўнікаў

Сёння, 6 кастрычніка, праваабаронца ўрэшце атрымаў выпіску з рашэння райвыканкама пра заключэнне дамоваў з адпаведнымі службамі і накіраваўся да начальніка Мазырскага РАУС Пятра Зыкуна. Той зняў копію і сказаў, што будзе рабіць пісьмовы запыт у райвыканкам, каб цалкам азнаёміцца з гэтым рашэннем райвыканкама ("я могу десятки таких ответов и выписок наделать...").

06.10.2011 Праваабаронцы і дэмактывісты Брэста дамагліся грамадскага абмеркавання генплана горада

Гарадскія ўлады вымушаны былі прызнаць паспешлівасць свайго рашэння (ужо 28 верасня з'явілася інфармацыя, што скарэктаваны генплан узгоднены ва ўсіх установах на мясцовым узроўні і па ім адбыліся “грамадскія слуханні”) і 5 кастрычніка абвесцілі, што грамадскае абмеркаванне будзе працягнута да канца гэтага месяца.

06.10.2011 Полацк: калі ласка, на дактыласкапію

Арганізатара Народнага сходу ў Полацку актывіста Віктара Калесніка выклікаюць 7 кастрычніка ў ГАУС для праходжання дактыласкапіі. Позву пад роспіс атрымала маці Віктара, калі той знаходзіўся ў ад'ездзе.