Праваабарончы цэнтр «ВЯСНА»

Навіны за Кастрычнік 2011

13.10.2011 Інжынэра судзяць за “супраціў” міліцыі

У судзе Віцебскага раёну распачаўся разгляд адміністрацыйнай справы, заведзенай супраць Валера Стаўрова. Віцебскі інжынэр абвінавачваецца паводле артыкулу 23.4 Кодэксу аб адміністрацыйных правапарушэньнях - ён нібыта не падпарадкаваўся законным патрабаваньням супрацоўнікаў міліцыі. Менавіта міліцыянты і падалі на Валера ў суд. Да таго яны некалькі разоў наведваліся да яго дадому, патрабуючы тэрмінова прайсьці дактыляскапію.

13.10.2011 Пракуратура дапытала магілёўскую журналістку Аліну Скрэбунову

Сёння Магілёўская пракуратура дапытала журналістку Аліну Скрэбунову з нагоды каментароў, пакінутых на сайце “Хартыя-97”. Аддзел па высокіх тэхналогіях пры УУС Магаблвыканкама адсочвае інтэрнэт-прастору і звярнуўся з ініцыятывай у пракуратуру, каб высветліць, хто мог зрабіць каментар, каб прыцягнуць крыўдзіцеля за абразу.

13.10.2011 Аналітычны агляд па крымінальнай справе Святаслава Барановіча

Рашэнне суда яшчэ раз падкрэслівае палітычны характар усіх працэсаў па падзеях 19 снежня 2010 г. А ў сітуацыі з Святаславам Барановічам улады мелі за мэту прадэманстраваць змяншэнне колькасці палітычных вязняў дзеля магчымых перамоваў з краінамі Еўрапейскага Саюза.

13.10.2011 ЖРЭА патрабуе 19 мільёнаў з Партыі БНФ

12 кастрычніка ў офіс Партыі БНФ у Менску (Крапоткіна,93а) прыходзіў участковы інспэктар Савецкага РУУС, які ўзяў тлумачэньні ў старшыні партыі Аляксея Янукевіча. Падставай стала скарга ЖРЭА, якое спаганяе з БНФ 19 мільёнаў рублёў.

13.10.2011 Гомель. Акцыя маўклівага пратэсту ў атачэньні спэцназаўцаў

12 кастрычніка ў Гомелі а 19 гадзіне на акцыю «маўклівага» пратэсту выйшлі каля дзесяці маладзёнаў. Спэцназаўцы ўзялі ўдзельнікаў акцыі ў аблогу й ледзьве не наступалі ім на ногі. Вялі ва ўпор відэаздымку.

13.10.2011 КДБ атрымлівае неабмежаваныя паўнамоцтвы

Як стала вядома 12 кастрычніка, яшчэ 30 верасьня ўрад унёс у парлямэнт законапраект «Аб унясеньні зьмяненьняў і дапаўненьняў у Закон Рэспублікі Беларусь "Аб органах дзяржаўнай бясьпекі», паведамляе ў сваім блогу chudentsov .

12.10.2011 Баранавічы: велапрабегам па чынавенстве і бюракратызме

12 кастрычніка ў Баранавічах прадпрымальнік Мікалай Чарнавус падаў заяву ў гарвыканкам на правядзенне велапрабегу 27 кастрычніка. Такім чынам ён хоча праінфармаваць грамадскасць горада і раёна аб адмове райвыканкама ў прадастаўленні ў арэнду мясцовым прадпрымальнікам калгасных фермаў, якія зусім не выкарыстоўваюцца.

12.10.2011 У Брэсце – чарговая забарона на пікеты

Улады Брэста не даюць дазвол на пікеты, якія мусяць спрыяць усталяванню спрошчанага руху паміж Польшчай і Беларуссю. Між тым, як паведаміла адна з ініцыятараў пікету Ганна Канюс, на сённяшні дзень сабрана больш за 2000 подпісаў грамадзян пад зваротамі ў гарвыканкам і мясцовы гарсавет у падтрымку хутчэйшага прыняцця адпаведнага міжурадавага пагаднення.

12.10.2011 За актыўнасць – пяць базавых

12 кастрычніка ў судзе Слонімскага раёна адбыўся суд над сябрам мясцовай суполкі БХД Алесем Масюком , адным з удзельнікаў Народнага сходу, які прайшоў у горадзе 8 кастрычніка.

12.10.2011 Гарадзенцы Вераніка Велігор і Алесь Кіркевіч аштрафаваныя

12 кастрычніка ў Гародні адбылося паседжанне адміністратыўнай камісіі Ленінскага раёну, якая аштрафавала маладафронтаўцаў Алеся Кіркевіча і Вераніку Велігор на 10 базавых велічынь кожнага, што складае ў эквіваленце па 350 тысяч рублёў. Грамадскія актывісты былі затрыманы ўначы 17 верасня, калі яны расклейвалі на слупах абвесткі пра акцыю маўклівага пратэсту 21 верасня.

12.10.2011 У Слоніме затрыманы Іван Бедка

12 кастрычніка Кіраўнік слонімскай суполкі БХД быў дастаўлены ў міліцыю з памяшкання суда, дзе праходзіў разгляд адміністратыўнай справы яго аднапартыйца Алеся Масюка. Івана Бедку ўжо некалькі гадзінаў дапытваюць у Слонімскім РАУСе.

12.10.2011 Апошняга фігуранта справы аб "масавых беспарадках" пакінулі на волі

У судзе Маскоўскага раёна Мінска завяршыўся працэс Святаслава Барановіча, якога суддзя Алена Рудніцкая прызнала вінаватым ва ўдзеле ў “масавых беспарадках” і асудзіла да трох гадоў абмежавання волі без накіравання ў месцы адбывання пакарання. Гэта меньш, чым прадугледжвае мінімальная санкцыя за дадзенае злачынства.

12.10.2011 Адмовіўся ад дактыласкапіі – не падпарадкаваўся супрацоўнікам міліцыі

Па такім прынцыпе быў складзены пратакол на віцебскага інжынера Валера Стаўрова. 12 кастрычніка ў судзе Віцебскага раёну распачаўся разгляд адміністратыўнай справы, заведзенай супраць В. Стаўрова паводле артыкулу 23.4 Кодэксу аб адміністратыўных правапарушэннях.

12.10.2011 Смяротнае пакаранне - абарона ці прыніжэньне чалавечай годнасці?

«У маім першай артыкуле я пісала пра тое, што еўрапейскія краіны, якія перажылі вайну, заключылі пакт аб сумесных намаганнях па адраджэнні павагі да чалавечай годнасці. Мусіць, нішто не кідае такога сур'ёзнага выкліку чалавечай годнасці, як вынесенае судом рашэнне аб забойстве", - піша амбасадар Вялікабрытаніі Размары Томас у працяг тэмы аб прымяненні смяротнага пакарання ў Беларусі.

12.10.2011 На Шклоўшчыне павялічваецца колькасць дзяцей у сацыяльна небяспечным становішчы

Павялічылася ў Шклоўскім раёне і колькасць асобаў, якія абавязаны вяртаць дзяржаве выдаткі на ўтрыманне ўласных дзяцей. Калі на 1 сакавіка такіх бацькоў у раёне налічвалася 122 чалавекі, то зараз іх колькасць падрасла да 128. Памер іх заробкаў не дазваляе цалкам выплочваць сродкі, выдаткаваныя дзяржавай на ўтрыманне дзяцей, які знаходзяцца на дзярзабеспячэнні.