Праваабарончы цэнтр «ВЯСНА»

Навіны за Верасень 2011

01.09.2011 Член Савета пры Прэзідэнце РФ аб'яўлены ў Беларусі персонай нон-грата

27 жніўня пры перасячэнні беларуска-літоўскай мяжы Юрыю Джыбладзе, члену Савета пры Прэзідэнце РФ па развіцці грамадзянскай супольнасці і правах чалавека, прэзідэнту Цэнтра развіцця дэмакратыі і правоў чалавека, беларускія памежнікі паведамілі аб тым, што яму «забаронены ўезд у Рэспубліку Беларусь".

01.09.2011 “Нацыянальны Альянс” патрабуе спыніць пераслед актывістаў "Моладзі БНФ"

Усеўкраінская моладзевая арганізацыя “Нацыянальны Альянс” абураная завядзеннем супраць актывістаў "Моладзі Беларускага Народнага Фронту" Алеся Каліты, Сяргея Семенюка і Максіма Губарэвіча крымінальнай справы.

01.09.2011 Міліцыянты не далі ліцэістам правесці традыцыёную лінейку

Міліцыя перашкодзіла правесці традыцыйную лінейку вучняў Беларускага гуманітарнага ліцэю імя Якуба Коласа ў Мінску. Імпрэза кожны год адбываецца каля былога будынку ліцэю, дзе зараз месціцца суд Цэнтральнага раёну.

01.09.2011 Калектыўная скарга ў ААН на Гомельскі гарвыканкам

Актывісты незалежнага прафсаюза РЭП паскардзіліся на Гомельскі гарвыканкам у ААН. Праваабаронцы перакананыя, што гарадскія ўлады шматразова парушылі права грамадзянаў на свабоду сходаў, неабгрунтавана адмаўляючы ў правядзенні мірных мітынгаў у паўмільённым абласным цэнтры.

01.09.2011 Другі раз запар адвакат сустрэўся з Дашкевічам

31 жніўня палітвязьня Зьмітра Дашкевіча горацкай калёніі наведаў адвакат. Пасьля гучнай інфармацыі ў СМІ аб перасьледзе Дашкевіча ў турме адвакат у чарговы раз здолеў сустрэцца з падабаронным. Перашкодаў гэтым разам не было.

01.09.2011 Баранавічы: гарадскі суд традыцыйна на баку міліцыі

30 жніўня 2011 года Баранавіцкі раённы (гарадскі) суд пакараў грамадскага актывіста Аляксандра Вайцешыка нібыта за непадпарадкаванне супрацоўніку міліцыі падчас выканання ім службовых абавязкаў (артыкул 23.4 КаАП). Суддзя Сяргей Данільчык прысудзіў актывісту грашовы штраф у памеры 20 базавых велічыняў (700 000 руб.).

01.09.2011 Форум Грамадзянскай супольнасьці “Усходняга партнёрства” выступіў у абарону Бяляцкага

Форум грамадзянскай супольнасьці праграмы “Усходняга партнёрства” прыняў адмысловую заяву з нагоды крымінальнага пераследу старшыні Праваабарончага цэнтру “Вясна” Алеся Бяляцкага. Заяву падпісалі больш за 50 грамадзскіх актывістаў, прадстаўнікоў грамадзскіх арганізацый.

01.09.2011 Алесь Бяляцкі: побыт за кратамі

Арыштаваны старшыня Праваабарончага цэнтру “Вясна” Алесь Бяляцкі імкнецца як мага больш прадуктыўна выкарыстоўваць час, які ён вымушаны праводзіць за кратамі. Праваабаронца шмат чытае, займаецца англійскай мовай, робіць фізічныя практыкаваньні і піша мемуары пра згуртаваньне маладых літаратараў “Тутэйшыя”, адным з заснавальнікаў якога ён быў.

01.09.2011 У Бабруйску затрымалі мясцовага кіраўніка Моладзі БХД

У Бабруйску 29 ці 30 жніўня затрымалі мясцовага каардынатара Маладых Хрысціянскіх Дэмакратаў (Моладзі БХД) Максіма Рыжкевіча. Пра гэта прэсавай службе БХД паведаміў А.Сапега.