13.09.2011 Абарона падае заяву аб змене меры стрымання Дашкевічу

Малады палітык адбывае зняволенне ў калоніі гораду Горкі, дзе падвяргаецца ціску з боку адміністрацыі. Некалькі разоў ён змяшчаўся ў штрафны ізалятар, потым быў пасаджаны на месяц у памяшканне камернага тыпу. Як нагадала намесніца старшыні Маладога Фронту Наста Палажанка, 13 верасня ў калоніі адбудзецца суд, на якім будзе вырашацца пытанне аб пераводзе Дашкевіча ў турму.

13.09.2011 Зміцеру Бандарэнку адмовіліся змякчыць пакаранне

Камісія па ўмоўна-датэрміновым вызваленні і змене рэжыму пакарання адмовілася змякчыць меру пакарання каардынатару грамадзянскай кампаніі «Еўрапейская Беларусь».

13.09.2011 Праваабарончая праграма“Людзьмі звацца!” на Радыё Рацыя

- Адмовы ў правядзенні пікетаў за спыненне крымінальнага пераследу ў дачыненні да праваабаронцы Алеся Бяляцкага мясцовыя выканаўчыя ўлады тлумачаць цалкам абсурднымі прычынамі.

- Памілаваны палітвязень Андрэй Пратасеня - пра ўласныя ўражанні ад беларускай карнай сістэмы і першыя дні на волі.

12.09.2011 Мінюст працягвае папаўняць шэрагі апальных адвакатаў

Пасля таго як Міністэрства юстыцыі Рэспублікі Беларусь вынесла прадстаўленне аб датэрміновым адкліканні старшыні Мінскай гарадской калегіі адвакатаў Аляксандра Пыльчанкі, 2 верасня ён напісаў заяву аб спыненні сваіх паўнамоцтваў на гэтай пасадзе. Абмеркаванне прадстаўлення Мінюста і заявы адваката адбудзецца на агульным сходзе сябраў калегіі, прызначаным на 24 верасня.

12.09.2011 Сітуацыю з Алесем Бяляцкім абмяркуюць падчас дэбатаў па Беларусі ў Савеце па правах чалавека ААН

Савет па правах чалавека ААН правядзе дэбаты па Беларусі. Гэта адбудзецца на 18-ай сесіі ААН у Жэневе, якая адкрылася сёння і завершыцца 30 верасня. Падчас дэбатаў будзе абмяркоўвацца пытанне старшыні Праваабарончага цэнтра “Вясна” Алеся Бяляцкага, якое прадставіць віцэ-старшыня цэнтра Валянцін Стэфановіч.

12.09.2011 Паручальніцтвы салігорскіх грамадзкіх актывістаў за Алеся Бяляцкага не задаволілі

Абсалютна аднолькавыя адказы без пазначэньня імёнаў і прозьвішчаў атрымальніка знайшлі ў сваіх паштовых скрынях салігорскія грамадзкія актывісты, якія накіроўвалі некалькі тыдняў таму свае паручальніцтвы за зьняволеннага праваабаронцу Алеся Бяляцкага.

12.09.2011 Акцыя “Свабоду Алесю Бяляцкаму!” - у Бярозе

Бярозаўскія праваабаронцы 11 верасня правялі акцыю ў падтрымку арыштаванага кіраўніка праваабарончага цэнтра “Вясна”Алеся Бяляцкага. Улёткі з заклікам “Свабоду Алесю Бяляцкаму!” раздаваліся ў найбольш шматлюдным месцы - на вялікім гарадскім рынку.

12.09.2011 “Як напісана ў Бібліі, запаліўшы свечку, не хаваюць яе ў шуфляду…”

Водгукі сяброў і калегаў пра арыштаванага кіраўніка Праваабарончага цэнтру “Вясна” Алеся Бяляцкага апублікавала беларуская інфармацыйна-аналітычная інтэрнет-газета Euramost.org.

12.09.2011 Ці дапаможа суд адстаяць свае правы віцебскаму праваабаронцу?

Атрымаўшы ад чыноўнікаў Чыгуначнага райвыканкаму Віцебску адмову на сваю заяўку аб правядзеньні пікету, праваабаронца Леанід Сьвецік зьвярнуўся са скаргай у суд. Пікет з мэтай прыцягненьня ўвагі грамадзкасьці да праблемаў забесьпячэньня правоў чалавека, што існуюць у краіне, плянавалася зладзіць 22 жніўня. Таксама празь пікет праваабаронца спадзяваўся падзяліцца з жыхарамі гораду інфармацыяй пра арышт кіраўніка праваабарочага цэнтру «Вясна» Алеся Бяляцкага.

12.09.2011 Апазіцыйнаму мерапрыемству адключылі рубільнік

Улады не далі правесці да канца канферэнцыю “Незалежнасць: здабыткі і перспектывы”, прысвечаную 20-годдзю Дэкларацыі аб дзяржаўным суверэнітэце Беларусі.

09.09.2011 Праваабаронцы чакаюць сустрэчы з начальнікам Шклоўскай калёніі

Магілёўскія праваабаронцы Крысьціна Шацікава й Барыс Бухель намагаюцца трапіць на прыём да начальніка Шклоўскай калёніі № 17.

09.09.2011 Жыхары Брэста атрымалі ўлёткі «Свабоду Алесю Бяляцкаму!»

«Свабоду праваабаронцу Алесю Бяляцкаму!» – з такім заклікам брэсцкія праваабаронцы Уладзімір Малей і Юры Жыдовіч раздалі ўлёткі з інфармацыяй пра дзейнасць Алеся Бяляцкага і абвінавачванні ў яго адрас з боку беларускай улады.

09.09.2011 Агітацыя за Народны сход каштавала больш за мільён рублёў штрафу

Дэмакратычны актывіст з Ваўкавыску (Гарадзенская вобласьць) Віталь Гуляк пакараны штрафам у адзін мільён пяцьдзясят тысяч рублёў — гэта трыццаць базавых адзінак.

09.09.2011 НЕЗАКОННА РУБЯЦЬ САЛІГОРСКІ ЛЕС!

Як стала вядома ад грамадзкіх актывістаў кампаніі "Абаронім лес", на выходных у Салігорску запланавана новая высечка кавалку лесу ў зялёным трохкутніку паміж вуліцамі Заслонава і Казлова.

09.09.2011 Мазырскаму праваабаронцу не даюць правесці пікет у падтрымку Алеся Бяляцкага

Праваабаронца з Мазыра Уладзімір Целяпун 6 верасня атрымаў адмову на свой паўторны зварот у райвыканкам аб дазволе на правядзенне пікета у падтрымку Алеся Бяляцкага.