Праваабарончы цэнтр «ВЯСНА»

Навіны за Верасень 2011

14.09.2011 Эстонія патрабуе вызвалення палітвязняў у Беларусі

Міністр замежных спраў Урмас Паэт, выступаючы сёння ў Таліне на Кангрэсе беларусаў Еўропы і ЗША, заявіў, што Эстонія занепакоеная парушэннем правоў чалавека, ушчамленнем дэмакратыі, а таксама праблемамі з рэалізацыяй прынцыпаў прававой дзяржавы ў Беларусі.

14.09.2011 Магілёў: Міліцыя ня хоча ахоўваць апазыцыйны мітынг

Упраўленьне ўнутраных спраў Магілёўскага аблвыканкаму ня хоча падпісваць дамову з арганізатарамі мітынгу, які заплянаваны на 24 верасьня. Акцыю мяркуецца правесьці пад лёзунгамі “Свабоду палітвязьням”, “Рост цэнаў”, “Спыненьне перасьледу ўдзельнікаў акцыяў пратэсту”.

14.09.2011 Тамара Юневіч: “Вы проста ня можаце ўявіць, якая радасьць з гатэй нагоды ў Івана”

Праваабарончы цэнтр “Вясна” перадаў адзін з вернутых пасьля канфіскацыі 19 сьнежня мінулага году ноўтбукаў у Дрыбін. Новым яго ўладальнікам стаў унук Тамары Юневіч, аўтаркі вядомага адкрытага ліста на імя Прэзідэнта Беларусі Аляксандра Лукашэнкі “Я хачу дастукацца да вашай душы”. 13 верасьня кампутар перадалі праз сваякоў у Дрыбін.

13.09.2011 “Сьвечка праўды Алеся Бяляцкага” – на YouTube

“Сьвечка праўды Алеся Бяляцкага” – відэасюжэт пад такой назвай зьмешчаны сёньня на відэапартале YouTube. Сябры, калегі і вядомыя людзі Беларусі спрабуюць вызначыць ролю і месца вядомага беларускага праваабаронцы ў нашым грамадстве і выказваюць сваю пазіцыю наконт ягонага перасьледу і зьняволеньня.

13.09.2011 Бяроза: Адміністратыўная справа збітай міліцыянтамі жанчыны спынена з-за нязначнасці

13 верасня ў судзе Бярозаўскага раёна скончыўся разгляд адміністратыўнай справы старшыні Бярозаўскай раённай суполкі Кансерватыўна-хрысціянскай партыі БНФ Галіны Кавалевіч.

13.09.2011 Зміцер Дашкевіч абвясціў галадоўку

Сёння ў калоніі №9 адбылася сустрэча палітвязня з адвакатам. Абарона Дашкевіча прыехала ў суд дзеля ўдзелу ў судовым працэсе па змене месца адбыцця пакарання з калоніі на турму закрытага тыпу.

13.09.2011 «Група Замежжа» заклапочаная адказам польскай генпракуратуры

Рабочая група ў складзе недзяржаўных арганізацый згуртаваных у «Групе Замежжа» атрымала адказ з Генеральнай Пракуратуры на свой запыт у спараве магчымай выдачы Польшчай Беларусі дадзеных пра іншых, акрамя Алеся Бяляцкага, беларускіх апазіцыянэраў.

13.09.2011 Арганізатары Мінскага гей-прайда падалі заяўку на шэсце

У Мінскі гарадскі выканаўчы камітэт накіравана заява на намечанае на 22 кастрычніка шэсце Мінскага гей-прайда ў падтрымку талерантнага стаўлення да гомасэксуалаў.

13.09.2011 Гомель: Праваабаронца настойвае на крымінальным пераследзе суддзі

13 верасня праваабаронца Анатоль Паплаўны быў выкліканы ў пракуратуру Цэнтральнага раёна Гомеля з нагоды заявы аб узбуджэнні крымінальнай справы ў дачыненні да суддзі. Старэйшы следчы пракуратуры Сяргей Кузьмянкоў узяў пісьмовыя тлумачэнні адносна вынясення ў дачыненні да яго суддзёй Аленай Цалковай загадзя неправасуднай пастановы, - паведамляе “Гомельская вясна”.

13.09.2011 Баранавіцкі гарвыканкам забараніў чарговы пікет

13 верасня 2011 года Баранавіцкі гарвыканкам забараніў правядзенне чарговага пікету ў падтрымку палітзняволеных грамадскаму актывісту Рыгору Грыку.

13.09.2011 Старшыню прафсаюза РЭП амаль тры гадзіны пратрымалі ў міліцыі

Старшыня прафсаюза РЭП Генадзь Фядыніч 8 верасня, накіроўваючыся на сустрэчу з жыхарамі Салігорска, на пад'ездзе да горада быў спынены супрацоўнікамі мясцовага ДАІ і адпраўлены ў мясцовы РАУС.

13.09.2011 За пікет у падтрымку Дашкевіча — чарговы завочны прысуд

10 сутак арышту горацкая суддзя Чаплыгіна вынесла брэсцкаму актывісту Змітру Шурхаю.

13.09.2011 У Маскве затрымалі Анатоля Лябедзьку

Пра сваё затрыманне Лябедзька паспеў паведаміць былому сустаршыні расійскай партыі "Правая справа" Леаніду Гозману, перадаюць інфармацыйныя агенцтвы. Пасля гэтага Лябедзька перастаў адказваць на тэлефанаванні.

13.09.2011 Праваабаронцы дамагаюцца неадкладнага і безумоўнага вызвалення ўсіх палітвязняў у Беларусі

12 верасня ў Брусэлі намеснік старшыні Праваабарончага цэнтру “Вясна” Валянцін Стэфановіч сустракаўся са старшынём офіса па правах чалавека Еўрапейскага парламенту Джэфры Харысам. А 13 верасня ў Міжнародным прэс-цэнтры - адмысловая прэс-канферэнцыя, арганізаваная высілкамі вядучых міжнародных праваабарончых арганізацыяў. 15 верасня ў Страсбургу праваабаронца прыме ўдзел у сустрэчы з Еўракамісарам па правах чалавека сп. Хамамбергам. А 20 верасня - у брыфінгу па сітуацыі ў Беларусі, арганізаваным FIDН у Женеве.

13.09.2011 Іван Бедка судзіцца са Слонімскім райвыканкамам

13 верасьня слонімскі раённы суд разгледзіць скаргу дэмакратычнага актывіста Івана Бедкі да мясцовага райвыканкама. Мясцовая раённая адміністрацыя, на думку Бедкі, неабгрунтавана двойчы забараняла яму праводзіць пікеты: у абарону палітзьняволеных і супраць зьбядненьня насельніцтва.