Праваабарончы цэнтр «ВЯСНА»

Навіны за Жнівень 2011

08.08.2011 Алесь Бяляцкі - пра выбар лёсу

"Наша сустрэча адбылася 25 лістапада 2009 года. Скажу шчыра, што раней я ставіўся да мясцовых праваабаронцаў даволі скептычна. Маўляў, чым менш у нашай краіне становіцца розных правоў, тым больш з’яўляецца тых, хто іх абараняе. А падчас размовы зразумеў, што Алесь Бяляцкі змагаецца з афіцыйнымі ўладамі не дзеля піяру, а каб больш за гэта не змагаўся ніхто”, - аўтарскае пасляслоўе Аляксандра Тамковіча да тэкста пра Алеся Бяляцкага з кнігі "Лёсы".

08.08.2011 У Беларусі можа быць уведзена пакаранне за «бяздзеянне»

Замест дзеючага Закона “Аб масавых мерапрыемствах” беларускі ўрад прапануе прыняць больш жорсткі дакумент.

08.08.2011 Гомель: актывіста затрымалі за паведамленьне у сацыяльнай сетцы

Супрацоўнікі міліцыі затрымалі 7 жніўня Дзьмітрыя Шаўчэнку, які пад ананімным акаўнтам актыўна дзейнічае ў гомельскай групе "Рэвалюцыя праз сацыяльную сетку".

08.08.2011 Маркус Лёнінг: урад Нямеччыны патрабуе неадкладнага вызваленьня Алеся Бяляцкага

Нямецкі бок "рэзка асуджае прымяненьне крымінальнага заканадаўства для таго, каб па палітычных матывах прымусіць маўчаць яшчэ аднаго актыўнага прадстаўніка беларускай грамадзянскай супольнасьці".

06.08.2011 Мікіту Ліхавіда накіравалі на 3 месяцы ў ПКТ

Актывіста руху "За свабоду" Мікіту Ліхавіда пакаралі 3 месяцамі знаходжаньня ў памяшканьні камэрнага тыпу. З Андрэем Саньнікавым сустрэліся адвакаты. Зьміцер Бандарэнка напісаў ліст вядомай расейскай акторцы Чулпан Хаматавай. Фёдар Мірзаянаў ня мае магчымасьці накіраваць дамоў ліст. Ільля Васілевіч адзначае ў калёніі 20-годзьдзе.

06.08.2011 ЗАЯВА ПРАВААБАРОНЧАГА ЦЭНТРУ “ВЯСНА”

4 жніўня 2011 г. у межах крымінальнай справы, узбуджанай па ч.2 арт. 243 Крымінальнага кодэксу Рэспублікі Беларусь - “утойванне прыбыткаў у асабліва буйным памеры” - быў затрыманы старшыня Праваабарончага цэнтру “Вясна”, віцэ-прэзідэнт FIDH Алесь Бяляцкі. Санкцыя ў межах артыкула, які інкрымінуецца Алесю Бяляцкаму, прадугледжвае пазбаўленне волі на тэрмін да сямі гадоў з канфіскацыяй маёмасці.

06.08.2011 БНФ патрабуе вызваленьня Бяляцкага

Партыя БНФ назвала крымінальны перасьлед праваабаронцы Алеся Бяляцкага "палітычнай расправай".

06.08.2011 Амбасада ЗША асуджае затрыманне кіраўніка "Вясны" Алеся Бяляцкага

“Затрыманне 4 жніўня кіраўніка Праваабарончага цэнтра "Вясна" Алеся Бяляцкага выклікае велізарную занепакоенасць і з'яўляецца яшчэ адной вартай шкадавання прыкметай самаізаляцыі Беларусі і яе далейшага адыходу ад еўрапейскіх нормаў і прынцыпаў", - гаворыцца ў заяве, апублікаванай на сайце амбасады.

06.08.2011 ЕС заклікаў беларускія ўлады растлумачыць прычыны затрымання Алеся Бяляцкага

Вярхоўны прадстаўнік ЕС па замежных справах і палітыцы бяспекі Кэтрын Эштан заклікала беларускія ўлады неадкладна растлумачыць прычыны затрымання праваабаронцы Алеся Бяляцкага. Пра гэта гаворыцца ў заяве Эштан, размешчанай на сайце Еўрапейскай службы знешнепалітычнай дзейнасці.

06.08.2011 Сакратарыят Саюза беларускіх пісьменнікаў патрабуе неадкладнага вызвалення Алеся Бяляцкага з-пад варты

Заява Сакратарыята Саюза беларускіх пісьменнікаў

05.08.2011 Абсерваторыя па абароне праваабаронцаў звярнулася да беларускіх уладаў з нагоды затрымання Алеся Бяляцкага

Абсерваторыя па Абароне Праваабаронцаў, сумесная праграма Міжнароднай Федэрацыі за Правы Чалавека (FIDH) і Сусветнай Арганізацыі Супраць Катаванняў (OMCT), просіць у адрасатаў звароту тэраіновага ўмяшальніцтва ў сітуацыю.

05.08.2011 Атака ўладаў на праваабарончыя арганізацыі – выклік для беларускай грамадзянскай супольнасьці

Заява Праўлення Асамблеі няўрадавых дэмакратычных арганізацыяў Беларусі

05.08.2011 Нарвежскі Хельсінкскі Камітэт выступіў у абарону Алеся Бяляцкага

Нарвежскі Хельсінкскі Камітэт глыбока занепакоены затрыманнем Алеся Бяляцкага. “Мы будзем патрабаваць неадкладнага вызвалення нашага калегі і добрага партнёра Алеся Бяляцкага, выкарыстоўваючы ўсе адпаведныя сродкі, якія ў нас ёсць”, - заявіў генеральны сакратар НХК Б'ёрн Энгесланд.

05.08.2011 Алеся Бяляцкага ўзялі пад варту да прад'яўлення абвінавачання

Прыблізна а 18-ай гадзіне следчая па справе Алеся Бяляцкага афіцыйна паведаміла яго жонцы Наталлі пра арышт яе мужа. Супрацоўнікі міліцыі дазволілі праваабаронцу ўзяць перадачу і з будынка ДФР павезлі яго ў следчы ізалятар № 1 на Валадарскага. Пад вартай Алесь Бяляцкі будзе ўтрымлівацца як мінімум 10 сутак.

05.08.2011 Еўрапейскія палітыкі заклікаюць вызваліць Алеся Бяляцкага

Услед за асуджальнай заявай старшыні Еўрапарламента Ежы Бузака па справе арышту Алеся Бяляцкага ў Бруселі прадпрымаюцца далейшыя крокі ў гэтай справе на узроўні Еўракамісіі. Сваю падтрымку Бяляцкаму выказалі многія еўрапейскія палітыкі, перадае Радыё Рацыя.