Праваабарончы цэнтр «ВЯСНА»

Навіны за Жнівень 2011

10.08.2011 Гомельскі аблсуд адмяніў пастанову пра арышт Анатоля Паплаўнага

10 жніўня суддзя Гомельскага абласнога суда Васіль Бягун прыняў рашэнне пра адмену пастановы пра 15-сутачны арышт праваабаронцы Анатоля Паплаўнага. Паводле пастановы аблсуда, рашэнне суддзі Цэнтральнага раёна Гомеля Алены Цалковай адменена і справа накіравана ў той жа суд на паўторны разгляд другому суддзі.

10.08.2011 На Віцебшчыне забараняюць пікеты за вызваленьне палітвязьняў

Адмовы з выканкамаў ідуць адна за адной: апошнюю атрымаў аршанскі актывіст Яўген Анішчанка. Колькі дзён таму акцыі ў падтрымку палітвязьняў былі забаронены ў Віцебску і Наваполацку.

10.08.2011 Працягваецца суд за кнігі

У судзе Кастрычніцкага раёну Менску працягваецца разгляд крымінальнай справы супраць распаўсюдніка беларускамоўных кніг Алеся Яўдахі.

10.08.2011 Выйшаў на волю гамяльчанін, арыштаваны за паведамленні ў сацыяльнай сетцы

Вечарам 9 жніўня з гомельскага ізалятара часовага ўтрымання выйшаў на волю Дзмітрый Шаўчэнка, арыштаваны на трое сутак за размяшчэнне паведамленняў у сацыяльнай сетцы "УКантакце". Каля ізалятара маладога чалавека сустракалі жонка і сябры.

10.08.2011 У Мінску прайшла акцыя ў падтрымку Алеся Бяляцкага

Некалькі актывістаў з арганізацыі “Маладыя дэмакраты” расклеілі ў падземным пераходзе партрэты арыштаванага праваабаронцы, улёткі з інфармацыяй аб яго пераследзе і заклікам “свабоду Алесю Бяляцкаму", а таксама ўсталявалі скрынку для збору сродкаў для падтрымкі арыштаванага.

10.08.2011 Мікіта Ліхавід не будзе гандлявацца за свой выхад з турмы

Палітычны зняволены Мікіта Ліхавід у сваім лісце з Наваполацкай калоніі напісаў, што не прымае прынцыпу гандлю палітзняволенымі.

10.08.2011 Сэнатар Маккейн патрабуе вызваліць Бяляцкага

Уплывовы амэрыканскі сэнатар, былы кандыдат у прэзыдэнты ЗША ад рэспубліканцаў Джон Маккейн запатрабаваў вызваліць праваабаронцу Алеся Бяляцкага ды іншых вязьняў сумленьня. Ён таксама заклікаў павялічыць ціск на рэжым Аляксандра Лукашэнкі.

10.08.2011 АГП заклікае кансалідавацца з праваабаронцамі

Кіруючы орган апазіцыйнага аб’яднання заклікае палітычную супольнасць краіны да кансалідацыі з праваабаронцамі з патрабаваннем вызвалення Бяляцкага з-пад варты. На думку лідара АГП Анатоля Лябедзькі, задачу-мінімум беларускія улады зараз ставяць як дэзарганізацыю працы цэнтру "Вясна" і наагул усяго праваабарончага руху, аднак гэтаму можа перашкодзіць шырокі розгалас адносна затрымання Алеся Бяляцкага.

10.08.2011 У Гомелі затрымалі актывістку АГП Наталлю Шчукіну

У Гомелі на вуліцы Жукава 9 жніўня была затрыманая актывістка Аб'яднанай грамадзянскай партыі, сябра ініцыятыўнай групы па правядзеньні Народнага сходу Наталля Шчукіна.

09.08.2011 Літоўскія дэпутаты прапануюць аператыўна расследаваць інцыдэнт з рахункамі беларускіх праваабаронцаў

Літоўскія дэпутаты прапануюць стварыць міжведамасную рабочую групу для расследавання інцыдэнта з рахункамі беларускіх праваабаронцаў. Такая прапнова ўтрымліваецца ў рэзалюцыі, прынятай 9 жніўня ў Вільнюсе на пазачарговым пасяджэнні камітэта па міжнародных адносінах.

09.08.2011 Дакладчык ПАСЕ заклікае гарантаваць недатыкальнасць Алесю Бяляцкаму

Дакладчык Парламенцкай асамблеі Савета Еўропы (ПАСЕ) па Беларусі Андрэс Херкель заклікаў беларускія ўлады гарантаваць фізічную і псіхалагічную недатыкальнасць кіраўніку закрытага ўладамі праваабарончага цэнтра "Вясна", віцэ-прэзідэнту Міжнароднай федэрацыі правоў чалавека Алесю Бяляцкаму і спыніць усе формы прыгнёту праваабаронцаў.

09.08.2011 Людзі ахвотна выказваюць салідарнасць з Алесем Бяляцкім

Ужо першы дзень збору паручальніцтваў за кіраўніка ПЦ “Вясна”, які пяты дзень знаходзіцца пад вартай у следчым ізалятары, вызначыўся дастатковай актыўнасцю. Вельмі кранальна тое, што цягам дня 9 жніўня ў офіс арганізацыі завіталі не толькі вядомыя грамадскія дзеячы, калегі-праваабаронцы, журналісты, ахвяры рэпрэсіяў, якія калісьці звярталіся ў “Вясну” па дапамогу, але і тыя людзі, якія проста са СМІ даведаліся пра пераслед вядомага праваабаронцы.

09.08.2011 Праваабарончая праграма “Людзьмі звацца!” на хвалях Радыё Рацыя

Кожны аўторак у 15:05 у эфіры незалежнай радыёстанцыі “Радыё Рацыя” - праграма “Людзьмі звацца!”, якая асвятляе падзеі, датычныя правоў чалавека на Беларусі. Праграма складаецца з рубрык “Падзея тыдня”і “Асоба. Дзяржава. Грамадства”.

09.08.2011 Справа новага абвінавачанага ў “масавых беспарадках” перададзена ў суд

Святаслаў Барановіч з 15 чэрвеня ўтрымліваецца пад вартай у СІЗА № 1 на Валадарскага. Следства скончана і абвінавачаны азнаёмлены з матэрыяламі справы. Бліжэйшым часам Менгарсуд, куды была перададзена справа, павінен прыняць рашэнне наконт таго, у якім з раённых судоў сталіцы будзе праходзіць крымінальны працэс.

09.08.2011 Адноўлена крымінальнае следства па справе супраць А. Лябедзькі

Лідара Аб’яднанай грамадзянскай партыі вінавацяць у арганізацыі мітынгу ў дзень прэзідэнцкіх выбараў, а ад 1 жніўня ў следчым упраўленні сталічнай міліцыі прынятае рашэнне аднавіць расследаванне.