Праваабарончы цэнтр «ВЯСНА»

Навіны за Чэрвень 2011

03.06.2011 У Магілёве да правядзення “Марша свабоды” далучылася “Народная Грамада”

Моладзевае крыло аргкамітэта Беларускай сацыял-дэмакратычнай партыі “Народная Грамада” падтрымала ідэю мясцовай філіі “Маладога Фронта” па правядзенні “Марша Свабоды” у Магілёве 28 чэрвеня, на Дзень Горада.

03.06.2011 Саньнікава накіруюць у Наваполацкую калёнію

Для былога кандыдата ў прэзыдэнты Андрэя Саньнікава, які знаходзіцца ў СІЗА МУС, вызначылі Наваполацкую калёнію N10, паведаміла агенцтву "Інтэрфакс" адвакат Саньнікава Марына Кавалеўская.

03.06.2011 Ператрус у жодзінскай царкве

У Жодзіне ўлады правялі ператрус у суполцы вернікаў, якія намагаюцца зрэгістраваць у горадзе царкву "Дом Божы". Апошняя праверка ладзілася нібыта з прычыны таго, што ў царкве знаходзіўся злачынца.

03.06.2011 Праваабаронца падаў на Life:) у суд за блакаванне апазіцыйных сайтаў

Нагодай стала інфармацыя, што 3G life блакуе доступ да сайтаў charter97.org, belaruspartisan.org і prokopovi.ch. Мацкевіч, як паведамляе Belarda.org, накіраваў у "БеСТ" запыт, чаму фірма пайшла на такую меру.

03.06.2011 "Народная Воля" змагаецца і перамагае

2 чэрвеня "Народная Воля" абскарджвала вызначэньне Вышэйшага гаспадарчага суду ад 27 красавіка — аб прыняцьці да разгляду пазову Міністэрства інфармацыі наконт закрыцьця выданьня. У выніку суд прыбраў некаторыя тэндэнцыйныя фармулёўкі, але пазоў Мінінфарму будзе разглядаць менавіта гэта судовая інстанцыя – Вышэйшы гаспадарчы суд.

03.06.2011 Незнаёмыя хлопцы дапамаглі сям’і палітвязня

У Барысаве, падобна, дапамагаць сям’і палітвязня Аляксандра Малчанава становіцца проста правілам добрага тону. Так, на днях у доме бацькоў Сашы з’явіліся незвычайныя госці.

03.06.2011 Салігорскім актывістам пачалі вяртаць тэхніку

Хваля вяртання вынятай спецслужбамі тэхнікі паступова дакацілася і да Салігорску. Сярод першых шчасліўчыкаў апынуліся мясцовыя прадстаўнікі апазіцыі Павел Батуеў і Ларыса Насановіч.

03.06.2011 Пінскія чыноўнікі заслужылі міліцэйскія ўзнагароды

Старшыня Пінскага гарвыканкаму разам з начальнікам аддзелу ідэалагічнай працы пінскага гарвыканкаму і рэктарам Палескага дзяржаўнага ўніверсітэту ўзнагарожаны юбіленым медалём “90 год міліцыі Беларусі”.

02.06.2011 Праваабаронца патрабуе, каб Мінюст пакараў ГА «БРСМ»

Мінюст дэманструе падвойныя стандарты ў стаўленні да розных грамадзкіх суполак: незалежнаму аб’яднанню міністэрства даўно б ужо вынесла некалькі папярэджанняў ды звярнулася б у суд з пазовам аб ліквідацыі, але ГА «БРСМ», па ўсім відаць, недатыкальнае.

02.06.2011 За зламаную руку ўсё ж нехта панясе адказнасць?

Маладэчанец Ян Лагвіновіч, які пацярпеў падчас жорсткага разгону на Плошчы – у яго была зламана рука, атрымаў адказ на сваю скаргу аб адмове ва ўзбуджэнні крымінальнай справы на супрацоўнікаў міліцыі.

02.06.2011 Рэдакцыю незалежнага сайта высяляюць з офіса

Рэгіянальны незалежны сайт Барысаўскага рэгіёну ex-press.by, які быў створаны журналістамі закрытай перад прэзідэнцкімі выбарамі 2006 года газеты «Кур'ер з Барысава», арэндадаўца высяляюць са знятага офіса.

02.06.2011 Кіраўніка віцебскай арганізацыі “Саюза палякаў” вінавацяць у фінансавых махлярствах

Каб пазбегнуць пераследу, старшыня гарадской суполкі СПБ Уладзіслаў Токараў мусіў з’ехаць за мяжу. Ён лічыць абвінавачанні ў свой бок беспадстаўнымі і абдумвае перспектывы таго, каб папрасіць у Польшчы палітычнага прытулку.

02.06.2011 Галоўны ідэолаг МУС: навокал ворагі

“Шэраг дэструктыўных замежных структур у супрацоўніцтве з радыкальна і экстрэмісцкіх настроенымі элементамі ўнутры краіны імкнуцца дэстабілізаваць абстаноўку ў Беларусі, падарваць эканамічныя і палітычныя асновы дзяржавы".

02.06.2011 Шклоўскую і Бялыніцкую раёнкі нечакана захвалявалі праблемы дэмакратыі

Раённыя газеты Шклоўскага і Бялыніцкага раёнаў - “Ударны фронт” і “Зара над Друццю” - сінхронна апублікавалі артыкул Віктара Шмакава “На тропе… демократии”. Раней гэты ж артыкул ужо быў апублікаваны ў раённай газеце Круглянскага раёна “Сельскае жыццё”.

02.06.2011 Міністэрства інфармацыі ўхілілася ад ацэнкі

Выказванні прэзідэнта “казёл” і “вашывыя” не ўваходзяць у кампетэнцыю Міністэрства інфармацыі. Такі адказ атрымала каля двух дзесяткаў магілёўцаў ад намесніка міністра інфармацыі Ігара Лапцёнка.