Праваабарончы цэнтр «ВЯСНА»

Навіны за Чэрвень 2011

07.06.2011 Кропкі экстрэмума. Мінск і акраец Сусвету

У Мінску прайшоў міні-фэст дакументальнага кіно, арганізаваны Міжнароднай асацыяцыяй “Белфільм” пры ўдзеле расейскага дакументальнага парталу Frontlineсlub.ru . Гасцямі фестывалю сталі прадстаўнікі маскоўскай журналісцкай супольнасці – кінадакументаліст Валерый Балаян, вядомая журналістка Вольга Раманава і каардынатар праекта Frontline у Расіі Юрый Бурцаў.

07.06.2011 Гарадзенскія журналісты не сумняваюцца ў выніку суда над Андрэем Пачобутам

Як ужо паведамлялася 14 чэрвеня ў судзе Ленінскага раёну г. Гродна пачнецца судовы працэс над публіцыстам Андрэем Пачобутам, якога вінавацяць у парушэнні адразу двух артыкулаў Крымінальнага Кодэксу Рэспублікі Беларусь: 368 – частка 1 (абраза прэзідэнта Рэспублікі Беларусь) і 367 – частка 1 (паклёп на прэзідэнта Рэспублікі Беларусь).

07.06.2011 Андрэя Пачобута збіраюцца судзіць у закрытым рэжыме

Андрэя Пачобута вінавацяць у абразе прэзідэнта і паклёпе на яго, якія нібыта змяшчаюцца ў журналісцкіх артыкулах. Ужо два месяцы ён знаходзіцца ў Гарадзенскім СІЗА. Заўтра, 8 чэрвеня, з Пачобутам павінен сустрэцца ягоны адвакат Аляксандар Бірылаў.

07.06.2011 Фядуту не пусьцілі ў Вільню

Фрунзенскі суд адмовіў Аляксандру Фядуту ў магчымасьці выехаць у Вільню для ўдзелу ў навуковай канфэрэнцыі, прысьвечанай культурнай спадчыне Вялікага Княства Літоўскага.

07.06.2011 Тыднёвы агляд паслявыбарчай сітуацыі ў Беларусі (30 траўня-5 чэрвеня)

У траўні завершыліся судовыя працэсы па крымінальных справах, узбуджаных за Плошчу, асуджана – 31, аднак застаюцца яшчэ два дзесятка падазраваных і абвінавачаных, працэсы над якімі так і не пачыналіся. Суд пакінуў у сіле папярэджанне "Нашай ніве", вынесенае Міністэрствам інфармацыі. Таксама засталася без задавальнення скарга старшыні ПЦ “Вясна” Алеся Бяляцкага на вынесенае Генпракуратурай папярэджанне.

07.06.2011 Сустрэча з Людмілай Аляксеевай

7 чэрвеня ў 17.00 у Мінску адбудзецца сустрэча вядомай расійскай праваабаронцы Людмілы Міхайлаўны Аляксеевай з моладдзю на тэму «Праваабарончы рух: яго зараджэнне, сучаснасць і будучыня». Сустрэча пройдзе ў офісе Беларускага Хельсінскага Камітэта.

07.06.2011 БХК атрымаў другое папярэджаньне за год

Міністэрства юстыцыі вынесла другое ў гэтым годзе пісьмовае папярэджаньне Беларускаму Хэльсынскаму камітэту. Падставай для яго сталі "парушэньні падатковага заканадаўства, якія маюць працяглы характар".

07.06.2011 Агляд-хронiка парушэньняў правоў чалавека ў Беларусі ў 2010 годзе

Кніга падрыхтавана на падставе кароткіх аглядаў у галіне правоў чалавека ў Беларусі за кожны месяц 2010 году. Напачатку даецца агульны аналіз грамадзка-палітычнай сітуацыі ў краіне за вызначаны тэрмін, асьвятляюцца важныя падзеі і рэакцыя міжнароднай супольнасьці на іх. Далей прыводзяцца некаторыя канкрэтныя факты парушэньняў правоў чалавека, на прыкладзе якіх можна прасачыць пэўную гісторыю змаганьня прадстаўнікоў беларускай дэмакратычнай грамадзкасьці за асноўныя правы і свабоды.

07.06.2011 Прафсаюзы: незалежныя прапануюць дапамогу, афіцыйныя - «падзячныя лісты»

Эканамічны крызіс у Беларусі прызналі нават улады. Цікава, як правы грамадзян у Барысаўскім рэгіёне на гэтым фоне збіраюцца адстойваць афіцыйны і незалежны прафсаюзы.

07.06.2011 У Салігорску мітынг адбудзецца пры любых умовах

Выканкам адмовіў у дазволе на правядзенне мітынгаў у Салігорску, запланаваных на 11 і 12 чэрвеня. Сваю адмову кіраўнік мясцовай “вертыкалі” Аляскандар Рымашэўскі патлумачыў “адсутнасцю яснасці ў вызначэнні формы правядзення масавых мерапрыемстваў”.

06.06.2011 Магілёўскія амапаўцы збілі гледача байк-фэста

Не паспеў яшчэ сцішыцца скандал з газам “чаромха”, якім прапаршчык Рэцікаў “пачаставаў” пяцігадовага малога на футбольным матчы ў Бабруйску, а магілёўскія амапаўцы працягваюць “працаваць” у сваім стылі.

06.06.2011 Справу Дзмітрыя Няфёдава суд накіраваў на дапрацоўку

6 чэрвеня ў судзе Заводскага раёна Менска пачаўся разгляд адміністратыўнай справы сябра “Руху будучыні” Дзмітрыя Няфёдава па арт. 17.1 “Дробнае хуліганства” нібыта за нецэнзурную лаянку падчас ператрусу. Высветлілася, што ўказаны ў пратаколе час, калі Няфёдаў лаяўся, не супадае з часам правядзення ператрусу. З гэтай прычыны суддзя Мікалай Балаўнёў накіраваў справу на дапрацоўку. Грамадскага актывіста вызвалілі ў залі суду.

06.06.2011 “Вытокі” - спроба выратаваць ад цемры і ілжы найноўшую гісторыю нашай свабоды

Прэзентацыя грамадскага вэб-архіву "Вытокі", што адбылася 6 чэрвеня ў кнігарні “ЛогвінаЎ”, сабрала разам палітыкаў і гісторыкаў, грамадскіх дзеячаў і архівістаў. Упершыню на Беларусі зробленая спроба стварыць унікальны архіў па гісторыі развіцця грамадзянскай супольнасці і вызвольнага руху цягам апошняга паўстагоддзя.

06.06.2011 Гомельскія дэмакраты збіраюць подпісы за бясплатны праезд дзяцей

Каб пазбегнуць дыскрымінацыі навучэнцаў Гомельскай вобласці ў параўнанні з навучэнцамі Мінска, дзе Саветам дэпутатаў ужо прынята рашэнне аб дадатковых мерах па сацыяльнай падтрымцы навучэнцаў пры праездзе ў грамадскім транспарце, апазіцыянеры прапануюць прыняць аналагічнае рашэнне ў Гомельскай вобласці.

06.06.2011 Рэдактар дзяржвыданя прызнаў крызіс і раскрытыкаваў чыноўнікаў

У апошнім нумары газеты “Магілёўская праўда” у сваім артыкуле “Рахунак за банкет” рэдактар дзяржаўнага выдання Аляксандр Тарпачоў разважае над тэмай крызісу і параўноўвае, як паводзілі сябе еўрапейцы падчас крызісу і як паводзяць сябе зараз японцы.